好消息！「食物性味表」出爐啦！🥳
內容由資深註冊中醫師何慧潔提供，將食物細分「寒、涼、平、溫、熱」，等大家可以根據自己嘅體質，去選擇適合嘅食物～
何醫師就係同我出《瘦身，也會補身》嘅作者，當年我哋認為中醫和西方營養可以互補不足，相輔相成，就一齊寫咗本書。我之前修讀兩個香港大學專業進修學院嘅中醫課程，但何醫師教我嘅實踐理論更多更多！
試過有高血壓會員，我建議佢飲高鉀質嘅蕃茄西芹薯仔蔬菜湯，點知佢竟然有啲頭暈！佢睇咗中醫，原來佢好「虛」，受唔到寒涼蔬菜⋯結果我問咗何醫師，轉用平和嘅豆豆湯，佢飲完就覺得好舒服，而且血壓同體重都有改善；
今年亦試過有會員經何醫師診斷為「血虛」，結果我哋中西角度幫佢補血，結果缺鐵性貧血都好了，減少頭暈疲倦嘅情況！有濕疹和經痛嘅會員，經何醫師調理後，加上均衡有營養嘅飲食，健康狀況都有大大改善！
平時好多減肥三高會員，都曾經諮詢過中醫師，話佢哋唔食得寒涼或者燥熱食物。尤其是女性經期前後、準備懷孕（暖宮）、懷孕及坐月期間，都有可能有飲食限制。
依家有呢張「食物性味表」，同埋健康食譜，我哋幾個註冊營養師就可以根據呢啲資料，再為會員安排適合嘅食物，度身訂造健康餐單。 而且我哋都將啲蔬菜分咗高糖同低糖～ 會員亦可參考食用份量。所以再次感謝何醫師慷慨地分享佢嘅知識，希望我哋幫到大家更多更多❤️
每個會員都可以攞一張，記住同你營養師攞啦！
#中西合璧 #註冊中醫師 #註冊營養師
#每人都有不同的營養和飲食需要 #瘦身也要補身
