己所不欲，must施於人。
當大家講緊唔鍾意大陸人一黎到香港就有福利、有公屋，另一邊就走去英國拎福利，其實真係唔係咁好。講真嘅，如果在香港你都生活得好勉強，你去英國呢個大舞台只會更加活不下來，英文你又唔得、文化你又唔熟，連外賣都冇得你送。唔好話做地盤做泥水，你估做地盤唔駛識英文呀？
另外，請準備整個家庭一年的生活費，我唔係講笑，你移民都要幾個月settle down，然後再慢慢搵工，除非你係拎住offer去英國，否則英國的就業前景真的很一般，唔好話你，我都擔心緊自己會否俾人炒，所以準備一年的生活費是很基本，畢竟有備無患。如果你冇咁嘅資本，你就唔好夾硬移民，喂大佬，俾居留權唔代表答應照顧你起居飲食，人地俾地方你落腳，唔等於要養你一生一世。
最後講多句：你有老人家同小朋友，請跟他們好好溝通先好做決定。你想走唔代表人地都想走，離開香港並不代表從此過著幸福快樂的生活，英國地獄起上黎一樣可以好地獄，你只係將問題洗左一次牌，可能會更好，但也有很大的機會更糟。
最後的最後，趁住我今日還陽講多句：唔好諗住英國住council house就一定好爽，就算在倫敦也有很多你寧願住十屍橫死兇宅，都唔願意住入去的公屋— 隨處可見的針筒、牆上恐怖的塗鴉、不同單位內傳出不明的叫喊聲，還有一打開門就能嗅到冰毒的味道，大抵除了忠誠勇毅外，沒有人會想住在這種地方吧？
#我見過我真係見過
#行過都覺得highhigh地
#唔係叫你唔好黎
#係叫你準備好先黎
#請不要成為被救援的對象
#等待別人給幸福的人往往過得都不怎麼幸福
#情書
