關於 虫草花食譜 ，我們在網路上蒐集到這些相關的討論、資訊與評價

【抗疫一周晚餐分享】

周六 大家好呀 疫情近周有點緩和 但也不能鬆懈 忍了一段時間 我過去一周也有外出購物 當然小心 防疫功夫做足

家中飯廳吊燈等了2星期 終於師傅來安裝好了 拍照出來的晚餐相片好了很多 哈哈

家中繼續是簡單家常餸菜 來分享一下吧

在一田買的急凍南極魚塊品牌 之前在city super買的新鮮 約百多元 現在出了急凍裝 方便在家隨時煮 我很喜歡這塊魚 相比比目魚和其他魚塊好味 香煎最美味 只是簡單海鹽 黑胡椒即可

還有近期多次介紹的日本九洲產雞扒、雞鎚及雞翼 在一田及hktvmall 也有出售 雞味十足 簡單醃一醃 雞味已濃濃 最愛雞扒香煎 已吃了好幾包 疫情下很少外出 急凍肉類我一向很少吃 不太喜歡雪味 但這個一點也沒有 大推

每周訂好的新鮮蔬菜特別喜歡蒜蓉炒菠菜苗及菜芯 我家一炒就一斤 也不夠吃呢 哈哈

day 1
蒜蓉炒菠菜苗
鮮檸蜜糖雞鎚
日式麻醬豆腐
忌廉西蘭花湯(即沖)

day 2
香煎南極魚塊
鮮茄炒肉碎
牛油炒粟米粒粒

day 3
翠肉瓜炒豬柳條
蒜香蠔油煮蓮藕
日式麻醬豆腐
洋蔥湯(即沖 muji)

day 4
香菇虫草花蒸滑雞
烚西蘭花
鮑魚花膠雞湯

鮮檸蜜糖雞鎚食譜
材料
雞鎚1包5件
鮮檸檬半個
蜜糖1匙
醃料：生抽1匙、糖少許、生粉少許、胡椒粉少許
老抽少許

做法
1. 雞鎚洗淨後，用廚房紙印乾水份置大碗中
2. 加入醃料、榨半匙檸檬汁及蜜糖醃約1小時
3. 燒熱油鍋，加入雞鎚中火先煎香一邊，再反轉，將醃料的汁加入，轉細火煮4-5分鐘至雞鎚肉熟透(視乎雞鎚大細)，加少許老抽上色，再加入1片切片檸檬作裝飾即成

天氣仍炎熱 吃點酸酸 很醒胃呢

祝 周末愉快❣️

======= 🎀Kaie kitchen🎀 ========
📍page: Katie kitchen。katie world。
📍IG: www.instagram.com/katiekatielife
www.instagram.com/katiekatiekitchen
📍web: www.katieworld0301.blogspot.hk
📩mail: mo_mo0301@hotmail.com

#katiekitchen #hongkongfoodblogger #hongkongfb #hkfoodies #自家煮 #家味道 #hkblogger #hongkong #ilovecooking #hkgirl #housewifelife

【一周一落街之購物煮食小分享】(長文)

周三 大家好

相信很多家庭煮婦如我 (揮手) 最近也十分傷腦筋

既要減少外出感染 又要照顧家庭一日3餐 又要新鮮感 又要顧及均衡飲食 特別是小朋友 有菜有魚有肉有湯有水果😅

我和老公雖然只是2人家庭 但現在一日3餐也要在家(老公工作 午餐在外吃) 發現蔬果肉類去貨很快～～汗 真的要認真計劃每天餐單

圖中附上我昨天購物的圖片分享 跑了funhion、 city super 及一田 平日我也喜歡到不同超市買東西 有的貨品只有該超市才有吧

我的小分享
📌善用家中乾貨作配搭
📌急凍配菜也是好幫手
📌疫情下較不健康的罐頭也可以是好選擇
📌蔬果分先後次序
📌考慮較常煲湯的配料存貨

⭐️⭐️⭐️⭐️⭐️⭐️⭐️⭐️⭐️

📌善用家中乾貨作配搭 如(圖6)
乾貨如：海帶、紫菜、粉絲、冬菇、腐竹、雲耳、花膠、蝦米豆豉等
可保存數個月 為免餸菜單調 可以加入 或午餐湯麵也可以加粉絲、海帶、腐竹
如：海帶豆腐湯、粉絲肉碎湯、粉絲/蝦米/腐竹/雲耳炒勝瓜、節瓜、雜菜煲(粉絲/腐竹/冬菇)、海帶湯麵/烏冬、紫菜金菇湯、紫菜蕃茄湯、冬菇肉餅、冬菇杞子蒸雞、炆冬菇、腐竹炆排骨、豆豉蒜蓉排骨、豆豉炒涼瓜

📌急凍配菜也是好幫手
例如：帶子、蝦、蝦/墨魚滑、發好的海參/花膠、腸仔、丸子、雞、豬扒、雞翼、日式魚旦片、新豬肉、三文魚扒、魚柳
急凍食品就是當未能落街，已吃了3天的新鮮存貨後會出現的好配搭
如：西芹炒帶子、西蘭花炒帶子、蒜香蒸蝦飯、海參/花膠炆冬菇、腸仔/丸子湯麵、洋蔥炒豬扒、薯仔雞翼、煎三文魚扒，粟米忌廉魚柳
(以上菜式也是day 4-6可以煮的）

📌疫情下較不健康的罐頭也可以是好選擇 如(圖5)
罐頭煲存期耐一點 也是好好的配搭
例如：粟米忌廉、日式咖喱包、日式白汁包、午餐肉、茄汁豆、吞拿魚、沙甸魚、即沖忌廉湯等
如：粟米蛋花湯、粟米魚肚湯、粟米魚柳、粟米忌廉拼豬扒、午餐肉炒蛋、午餐肉湯麵、午餐肉粟米忌廉、日式咖喱/白汁配煎雞翼/豬扒、吞拿魚沙律三文治、吞拿魚意粉、茄汁豆炒肉碎/肉片

📌蔬果分先後次序
day 1-2 菜心、小棠菜、芥蘭、京蔥
day 3-4 蕃茄、南瓜、粟米、節瓜、茄子、金菇
day 5-7 西蘭花、椰菜花、椰菜、洋蔥、薯仔、西芹、紅蘿蔔

day 5-7 蔬果可以拼急凍食品 (若果未能外出添上新鮮肉類時)

📌還有盒裝豆腐、梅菜、雞蛋🥚、金菇也是好配搭呢
如：蒸水蛋、煎蛋、蔥粒煎蛋餅、蕃茄炒蛋、梅菜蒸菜芯、梅菜蒸肉餅、金菇炒瓜菜、金菇牛/豬肉卷、豆腐湯、豆腐炒肉碎、雜菜豆腐煲

📌肉類方面
新鮮牛/豬肉保存雪櫃下格或超市肉保存期約3天，所以要好好計劃先後次序和份量
如：肉碎、豚肉薄片、牛薄片、牛柳粒、豬肉切片、排骨、豬扒
day 1: 金菇豚肉/肥牛卷
day2: 豆腐炒肉碎/蕃茄炒肉碎/肉碎湯/南瓜金菇炒肉碎
day3: 蒜片牛柳粒/蒸豆豉蒜蓉排骨/蕃茄煎豬扒/冬菇蒸肉餅

📌考慮較常煲湯的配料存貨
雪耳/杞子/淮山/虫草花/蜜棗/南北杏 也是較大路 而且變化多的湯水好配搭
當中 雪耳/杞子/南北杏/淮山 可作甜湯糖水
虫草花/杞子可蒸雞或雜菜煲
南北杏/蜜棗配淮山/蘋果湯也是很家常

再加粟米及有泥紅蘿蔔基礎蔬果

其次是 圓肉/百合/麥冬/腰果/核桃/茨實/雪梨乾/蓮子/黃耳等

最後，還有新入手的茅乃舍日本湯包 作基本湯底一流 也有無印良品的湯包 很方便

定時吃素的我 冰櫃當然必有新豬肉及新的即食飯盒及炒粉

以上只是我的小小分享，喜歡的歡迎share，小小C奶分享，家的味道，沒有很花巧，一家人坐在一起就是最大的幸福❣️希望大家喜歡，下回再加入食譜分享 此長文再加食譜連結太長吧 見諒🙇🏻‍♀️😘😘

大家要好好保重 待疫情退後 我們再抽奬遊戲吧

(忘記說：我老公也有幫手添食材的 🥰🥰🤣）

======= 🎀Kaie kitchen🎀 ========
📍page: Katie kitchen。katie world。
📍IG: www.instagram.com/katiekitchen0301
📍web: www.katieworld0301.blogspot.hk
📩mail: mo_mo0301@hotmail.com

#katiekitchen #hongkongfoodblogger #hongkongfb #hkfoodies #自家煮 #家味道 #hkblogger #hongkong #ilovecooking #2020

今日同班太太團開聖誕派對， 我準備了這一大煲酒走雞， 人人有份一定唔會走雞。。

[ 米 酒 雞 ]

https://www.facebook.com/Maggies-Kitchen-瑪姬煮場-781332731908314/
Maggie's kitchen瑪姬煮場

材料......

1.....新鮮雞兩隻七斤左右
沖洗淨，去除內腔垢物後再斬件
2.....虫草花二兩
沖洗乾淨,用水稍浸去沙塵泥，再沖洗瀝乾3.....米酒1500毫升左右。酒量好及想多放
4.....木耳絲兩半，洗浸軟，氽水後，再清水煮
約十五分鐘
5.....紅棗十粒，去核切絲
6.....雞蛋四五隻,煎好脆邊流心蛋備用
7.....薑切絲一碗
8.....杞子兩湯匙
9.....滾水约400，或细雞湯一盒
10...鹽少許調味，放湯可不放鹽
11...冰糖一小角
12...油適量

烹調法......

1......鑊燒至微溫，加入適量油燒熱
2......然後將蛋煎好脆邊流心蛋盛起，去掉油
3..... 隨即將薑絲放入爆炒香，
4......快手將雞件放入同炒匀，
5......並以半煎煮方式大約煎炒五分鐘左右，
6..... 再加入杞子木耳，紅棗絲，蟲草花同炒過
7......將全部米酒灒入同推炒煮，並
8......再加入一碗400滚水/小盒雞湯推炒匀，
9.....上蓋前加入一小角冰糖，加入小量鹽，
10....全部材料煮至滚起後，再多煮十五分鐘左右
11....放入五隻己煎妥脆邊流心蛋放面用汁泡浸
13....熄火稍焗五至十分鐘左右便成。

備註....

瑪姬煮場影片一欄中已經有客家娘酒雞視頻 可以參考做法。

這食譜兩隻雞嘅份量作準， 如果材料較少請將 分量略為減半。

酒的分量隨個人喜好，如若酒量好的，可以不加滾水，全部已米酒代替，因此酒的份量也可以調加。

配料除了蟲草花之外亦都可以改用姬松茸，金針花，隨意

若不放煎蛋，可以將雞蛋烚好去殼，後段放入同煮，如生腸，豬肝，粉腸肉片也可加入。

若然沒有自釀米酒，可再外間買到糯米酒，俗稱黄酒或購買圖中黑糯米酒亦近似黄酒。

酒可以在大部糧油雜貨店，酒莊，街市雜貨店，大/小型超市都可以買到。。不難找

多左理由出街食飯行街,昔日既旺角已經不在旺,8點後條街已經店鋪已落閘,街道上唔再人來人往
解禁了接近2星期,我地又睇下以前好受歡迎既店係咪仲咁多客呢?

呢間叫村爺爺,大家一定聽過或者見過好多人拍片介紹 因為有明星效應
2月底去食飯,7點左右已經排曬長龍,西利！
款式好多，最出名應該係佢既龍蝦湯泡飯同靚湯系列
款式多，由花膠，魚頭虫草花，雞湯都有，仲有麻辣酸菜魚

廿幾款選左花膠鮮雞魚頭湯，仲要只限堂食，＄８８有半隻雞！
加１０蚊轉套餐包飯同飲品同浸菜一碟
另外叫左碗龍蝦湯泡飯，加錢可以要半隻龍蝦，不過有半隻雞就唔食龍蝦了
先上飲品，大約等１０分鐘就上菜，好有效率，坐位係迫Ｄ，但有隔板就ＯＫ了

龍蝦湯泡飯，原來係有鮮魷，青口，蜆用龍蝦湯底煲煮，即係當佢海鮮湯鍋食配飯就ＯＫ了
白飯係另上，一邊食一邊加飯泡，唔好一次過倒曬會好快軟身，變粥底咁
食材係豐富既，青口夠大隻，蜆同魷魚都鮮味，份量仲好豪邁豐富，仲有菜底，味道不錯份量夠多

花膠鮮雞配魚湯，仲有半邊魚頭，鮮味雞湯底，加了薑片等食材，飲落唔腥仲好鮮香
不過原隻半邊雞上菜好睇就唔方便食，雖然付有手套，但隻雞好熱，要先放一邊放涼先用手套做手撕雞

味道係非常好食既，花膠只係點綴，反而個雞湯底真係飲得出火侯十足，鮮甜味濃郁
雞肉亦煮得剛剛好，唔會過老，肉嫩皮薄，手撕雞肉沾粘辣椒豉油，味道一流
個人心水，花膠鮮雞濃湯係非常出色既!
#村爺爺龍蝦湯泡飯燉湯專家 #村爺爺泡飯 #村爺爺龍蝦湯泡飯 #泡飯 #油麻地美食 #港式風味 #車仔麵 #油麻地 #砵蘭街 72號地下