［潮流興，將金股當作新基本！］但我厭倦，倦也悶，在某天，已拒絶再玩！
1. 想睇更多好嘢，支持埃汾Patreon（https://bit.ly/31QmYj7）！月頭訂有著數！而家邁向700人！
2. TLDR：拿，散晒場我先寫架！唔阻人搵食！行家唔好斬我！斬之前都警告先，文明一點。本人定必收口。
3. 上次已經講過「瑞士山區肺」，微信女，whatever you name it（https://fbook.cc/3Hto）．反正我睇嗰度唔係微信，亦冇女（蝕撚晒！）。
4. 再講一次，本人核心價值，唔阻人搵食。所以而家先貼 — 而隻嘢已經香咗，哈哈。行家已經做到想做嘅嘢。咁唔好嚟斬我，你搵食，我都係搵啖食啫。大家都係為咗生活，我明白你嘅心情。我之前已收到，但事後先講，就係唔好阻人搵食—至於中伏嗰啲？我都係覺得活該的，原諒我個人就係咁冇同情心。
5. 介紹返，呢個message星期四最初見到。睇嘅地方，同我見到隻「捷心隆」（2115）同一地方。之前寫過啦，（https://fbook.cc/3Hto）。另外，佢地去到星期五11點，都仲有老師叫你買，仲有「學生」（即係，媒）話買咗，直到11:22分。咁你睇埋我個圖，就明啦？
6. 你話，喂，人地邊有話係呢隻？咪撚玩啦，有冇聽蘇永康《那誰》呀？仲要聽卓韻芝劇場版（https://ggle.io/3a2f）（埃汾對版本向來好重視，龍一都係，龍馬都係）：
7. 你坐喺電腦前面，嘗試喺搜尋引擎器裡面輸入「how to forget」，自動彈出的第一個聯想語句，亦即是全球被搜尋次數最多的語句，係「而我不知道陳偉霆是誰」
8. 係喎，你在搜尋引擎器，輸入”模板工程分包商”，就已經出到呢間公司，記住加返個引號噃。屌，我地呢啲，食腦架嘛！真係去PM老師問冧把咩！作為一個學霸（又嚟了），我一早就自己做晒功課啦。咁樣打薄格，點會難到我？即係Agoda定Trivago定Expedia（差不多）嗰啲咩神秘和合石五星級酒店，你估真係難到我咩！一搵就搵到邊間啦。
9. 呀老師真係幽撚默，仲同你講「倉位建議9成」。結果隻嘢就跌夠9成。有良心呀！冇叫你放十成或者借孖展。咁你9成倉位再輸9成，都係跌八成啫！聽講Nasdaq都會跌八成嘛。
10. 拿，老師叫你持股7個交易日左右呀，有賭未為輸，可能升返幾廿倍呢？亞馬遜未變 1萬億市值之前，高位都試過插咗九成（其實唔止，係九成半）
11. 但不過，認真，扯，利潤得20-25%，我不如抽螞蟻IPO啦下話？證明買嘅可能唔大貪，但可能就係虛則實之，吹太大怕你唔信。舊文寫過啦，馬多夫嘛（https://fbook.cc/3Htr），你同人講兩日賺十倍，頂多呃到師奶，呃唔到有錢人。有錢人太笨柒都唔會係有錢人，就算富二代都由細大到有人埋身，警覺性哥好多。但，馬多夫話一年回報10-12%—你心諗佢呃你都作大啲啦，呢個回報似乎完全唔過份—就係捉到你呢個心態。
12. 當然仲有最重要，必然要有嘅，「買咗請cap圖」。呢個動作即係你搞完條女（sorry我咁粗俗），第二朝仲放低幾千蚊。咁你明啦！咁都仲唔明？咁幫你唔到了。你睇多次舊文咪有寫。（https://fbook.cc/3Hto）。人地要拎嚟出數嘛，從未愛過，也需要憑証！無法辨認 亦必須認領！（識唱一齊唱）
13. 冇睇舊文？咁梗係你問題啦！唔通我問題？設定咗see first 未先？set咗notification未呀？未嘅睇多次點整（https://fbook.cc/3Htp）
14. 當然，最好都係訂Patreon，又到月頭，而家訂最著數（因為之後都係逢月頭第一日扣錢）（https://bit.ly/31QmYj7），而家邁向700人！
15. 根本你諗下，咩性交改運呀，外國美軍呀，尼日利亞王子呀，玩咗咁多年都仲有。正係因為work？點會work？因為有人信。點解有人信？因為呢個世界有啲人就係咁的。你warn佢仲話你唔抵得佢添，你先戇鳩呀，睇埃汾睇到你忽忽地。我再講一次，人嘅生命就係一連串決擇嘅結果，有啲人硬係搞到一鑊泡，係有原因的。
———————————————————
Ivan Patreon 狼耳街華人，一星期寫足六篇，一個月一舊水有找，已經700人訂：https://bit.ly/31QmYj7
———————————————————
instagram @ivanliresearch．七成金融（短打）兩成嘢食一成其他嘢。
===============================
【李聲揚課程】題目:「美國大選全攻略」 影片/課程編號：CC011 費用: $400
由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。
出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145
