「半斤八兩，做到隻積咁嘅樣…」去到2021
人工已經追唔上資產通脹，樓市又gogogo，
係商家角度，通脹先有效刺激經濟發展；
但係普通打工仔角度，梗係整返個大通
縮望物價回落啦，話哂出左半斤力，都係
想攞番足八両姐。拿！K11 Natural呢個
漫息空間就有間精品牛肉專門店「牛八両」，
話哂都係靚牛，緊係夠足八両啦，呢鋪
仲唔到我發圍兼起pair，神仙都企歪？👇
-
📌火 鍋 湯 底 -
▪ 三重芝味·忌廉野菌鍋 - $98
▫ 日式火鍋識嗌一定嗌呢個最新推出既
「三重芝味·忌廉野菌鍋」，一入口頭啖湯
已經感受到果種濃厚既芝味。加上邪惡既
忌廉，夾雜住大量野菌，就咁飲都覺得
甜而不膩，食得過！
-
📌牛 肉 拼 盤 -
▪ 牛八両·牛吽拼 - $288/二人用
▫ 有名你叫牛八両，當然唔少得回點返個牛肉
拼盤啦，呢個「牛八両·牛吽拼」有齊哂八樣
精選牛肉部位，當中包括牛白肉、牛小排、
封門柳、牛肩脊、牛頸脊、肉眼芯 、牛肩脊邊、
牛吞芯。而每一個部位都有memo提示灼既
時間，相當細心。牛舌心屬於厚切，大概灼
45秒口感就最爽口；牛白肉油香最濃，
肉質煙韌；而比較刁鑽部位既封門柳
肥美相間，牛香四溢，好有驚喜！
-
📌其 他 肉 類 -
▪ 焦香黑豚·酒醉五花腩 - $78
▫ 鍾意食豬既朋友都可以試埋佢地既
「焦香黑豚·酒醉五花腩」，五花腩既
脂肪比例豐富，食落肉質鬆化，有種入口
即化既感覺，唔錯。
-
📌即 炸 小 食 -
▪ 香 炸 响 玲 花 - $86
▫ 打邊爐又點少得響鈴呢？呢個「香炸响
玲花」同一般食開既響鈴有少少唔同，
都係由盛鋪即叫即炸，而唔係現成入貨
果種，所以食起上黎特別鬆脆惹味，必定要嗌。
-
📌蔬 菜 類 -
▪ 野 菜 籃 - $78
▫ 想健康少少一定走唔甩「野菜籃」咖啦，
一款包括幾款新鮮蔬菜，最鍾意佢果個
厚切南瓜，同個芝士鍋好夾，吸收哂
芝士香，份外濃香呀！
-
📌日 式 梳 打 特 飲 -
▪ 全 熟 桃 味 梳 打 - $48
▫ 野飲既選擇好多，當中包括梅酒、sake、
生啤，當然唔少得來自日本直送既梳打啦，
呢枝「全熟桃味梳打」入口桃味夠香，
相當清甜，拎黎送牛肉就岩哂啦。
-
📎 牛 八 両
📍尖沙咀河內道18號K11購物藝術館2樓201-02號舖
