【臺灣精釀啤酒節】
Yoyoyo，終於唔洗困喺屋企飲啤酒🤪！俾個驚喜湜澄爸，帶佢去飲佢鍾意嘅手工啤🍻。
仲要一次過飲到六款臺灣精釀啤酒，再加好味小食，我真係一個好老婆🤪！
［掌門］舉行緊［臺灣精釀啤酒節］，有六間台灣精釀品牌列陣🕺🏻 ，全部都用台灣在地原材料釀製精釀啤酒，掌門仲以 On Tap 形式供應啤酒，新鮮🍻！
以下係不專業酒評🍺，由爆淡到濃味：
🍺 紅龍果柳丁酸啤 五十五街精釀啤酒 55th Street Craft Brewery ，啱晒少女中女打卡嘅玫瑰紅，酸酸橙皮香味，清爽又開胃
🍺小暑茉莉花社交型啤酒 啤酒頭 Taiwan Head Brewers Brewing Company ，優雅茉莉花香，金黃色，收尾有小小啤酒花嘅回甘
🍺 馬告白啤酒 蔡氏釀酒精釀啤酒廠 Tsai's Actual Brewing ，有趣嘅東南亞香味，夾雜香茅、檸檬、薑，飲落都有少少香茅味，配炸牛腩可以解膩
🍺暗黑蜂蜜啤酒 金色三麥 ，雖然好深色，但聞到焦糖香，飲落少少蜂蜜甜，有趣嘅對比
🍺百香果酒花 吉姆老爹啤酒工場 Jim & Dad's Brewing Company ，又一推介比女孩子嘅 IPA 啤酒，好香熱帶水果香氣，百香果味尤其突出，微酸，清爽易入口
🍺蚵仔黑 UGLY HALF BEER 酉鬼啤酒 ，用蠔殼蠔肉釀酒，苦中泛甜，帶有朱古力、咖啡香氣，仲飲得出好順滑。
講咗咁多酒，其實我地都叫咗好多小食佐酒，推介：麻辣魔芋、燒牛舌、拼盤、炸牛腩炸芝士等等等等。
仲有，即時免費登記做會員，仲會有薯條/ 啤酒送，記得一定要登記呀！！！！！
掌門精釀啤酒 - 旺角店 ZhangMen HK
📌 旺角染布房街12-14A號
#掌門 #掌門精釀啤酒 #台灣 #精釀啤酒 #Taiwan #Craftbeer #zhangmenhk
#手工啤酒
