又黎到食蟹嘅季節，仲要見togetda有買一送一優惠，已經忍唔住去咗夏麵館食佢個蟹粉宴。成個餐有7道菜，用嘅係100%手拆江蘇蟹粉，金黃色嘅蟹粉撈埋蟹肉同蟹油比，啖啖都係香濃嘅蟹膏味，滋味十足令人回味無窮。講返果7道菜，分別有:
酸辣湯
酸辣湯辣勁強勁，帶微酸，入面有肉絲、冬菇絲、荀絲等，口感十足，非常開胃。
前菜五小碟
5款嘅冷盤前菜分別有鎮江水晶肉、蒜香四季豆、糖醋小排、雞絲粉皮同虎皮素鵝，各有特色。
烏金蟹粉拌麵
大大碗嘅蟹粉拌麵，麵底用上彈牙嘅墨魚汁手工切麵，配搭蟹黃蟹粉口感豐富。
多唻咪
多唻咪即係生拆蟹肉蟹粉蝦仁，一上枱見到金黃色已經流哂口水。一両蟹黃加二両蟹粉再加三両蝦仁組成黃金比例。每一啖都係香濃嘅蟹黃蟹粉，加埋清甜爽滑嘅河蝦仁，更加帶出蟹嘅鮮味。
蟹粉小籠包
小籠包熱辣辣上枱，大大隻嘅小籠包入面包住湯汁同肉餡，蟹粉同湯汁融為一體，鮮味十足。
生拆蟹肉蟹粉菜心
爽嫩菜心面頭鋪滿生拆蟹肉同蟹粉，健康得黎又邪惡。
薑茶湯丸
飯後甜品嘅薑茶湯丸，薑湯夠薑夠辣，湯丸煙韌有咬口。
11道菜矜貴蟹粉宴於togetda訂購，可享限時優惠 買一送一 !
👉🏻網上限定，立即預訂：https://bit.ly/2Y5ykBu
。
。
夏麵館 (始創中心)
太子彌敦道750號始創中心1樓115C號舖
。
。
