關於 葉子浿 ，我們在網路上蒐集到這些相關的討論、資訊與評價

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][暖男爸爸][EP13]
✅ 終於到返芷明做主
❎ 演咗一次 又要講多一次

已經好多集，唔覺得阿榮同芷明係主角，今集終於將重心放返喺兩個人身上，尤其落重本喺芷明。芷明成日講，講足12集Roger乜都呃佢，終於喺今集做出嚟畀觀眾睇，其實咁拖法真係好折磨。如果真係要不停提醒觀眾，不如Roger對芷明好嘅位可以喺之前咁多集一直鋪出嚟，等觀眾覺得Roger都唔係芷明口中咁講咁賤，咁今集揭開Roger原來呃到Sharon透嗰吓就再有力啲。依家得今集Roger買樹懒小姐嘅手稿畀Sharon話要補償贖罪，係弱咗啲。

Sharon同Roger攤牌嗰幕係今集重點。Roger嗌嗌吓交喺度笑，其實係防衛機制，不過轉移唔到Sharon嘅關注，Sharon亦都一反以往態度，爆開佢櫃桶睇佢啲嘢再咬住追問。成段演到中間，邵仲衡演嘅Roger愈來愈似個小朋友，到最後揭穿自己原來係無自信嗰吓，又覺得呢個演法係幾合適。不過啲斷句有時聽得幾辛苦。

芷明成日話阿榮好男人，個原因係佢見到阿榮嘅進步。講真嗰句，Roger由外國返嚟都處處顯示佢進步咗。問題歸根究柢只係芷明已經唔會再信Roger呢個人。有啲嘢返唔到轉頭，再努力都冇用。

芷明同阿榮喺便利店食炸雞嗰幕，口講返以前啲劇情出嚟，我明係為咗講芷明了解返阿榮同鯨魚嘅事，但其實我以為芷明呢啲事係一早知道。喺呢個時間point芷明先知呢件又好似冇乜特別作用，但觀眾要重複去聽多次個故事……呢個就係套劇其中一個致命傷，做完演完一次，又要再講多次出嚟。

📺 99台 逢周一至五 2130~2230

[演員表] 鄭中基 飾 林世榮 / 張可頤 飾 羅芷明 / Jasper Ho 飾 暴龍哥 / 賴柏綸 飾 暴龍哥 / 文凱玲 飾 Ling / 章尾而 飾 阿E / 強尼 飾 Lantau / 陳俞希 飾 Bianca / Crisel Consunji 飾 Leah / 余香凝 飾 余超瓊 / 邵仲衡 飾 Roger / 駱振偉 飾 Ted / 陳子豐 飾 Jesse / 岑樂怡 飾 Carmen / 蔡寶欣 飾 Rose / 余逸思 飾 Ruby / 李建邦 飾 阿V / 葉千浿 飾 小英 / 黃子睿 飾 小英 / 李昭南 飾 Nami / 劉江 飾 波哥 / 沈殷怡 飾 Kat / 劉少奇 飾 祥哥 / 吳國麟 飾 中出 / 柳俊江 飾 Brandon / 陳炳銓 飾 阿勇

#戚家基 #鄭中基 #張可頤 #賴柏綸 #文凱玲 #章尾而 #強尼 #陳俞希 #余香凝 #CriselConsunji #邵仲衡 #駱振偉 #陳子豐 #岑樂怡 #李建邦 #葉子浿 #李昭南 #黃子睿 #蔡寶欣 #余逸思 #楊英偉 #劉江 #沈殷怡 #劉少奇 #吳國麟 #柳俊江 #陳炳銓

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][暖男爸爸][EP12]
✅ 釘哥做中出夠趣緻 每個人隨時間轉變
❎ 搵舖唔使搵咁耐吓嘛

釘哥 吳國麟 演嘅中出企咗喺便利店出面咁鬼耐，上集終於入店追數，今集更加有勁大段落去講佢。中出呢個角色令全集變得活潑，佢嗰種奇怪又好似有啲理據嘅收數方法好搞笑。本身兩個暴龍哥出場有為套劇提升氣氛嘅作用，今集呢個崗位畀咗中出。釘哥又做得幾好喎。不過搵舖嗰段好似長得濟。

一開始鯨魚喺婚禮度講，話佢希望所有嘢都唔會變，林世榮亦都應承咗。但諗返轉頭，鯨魚嘅所謂「我哋一齊維護呢個屋企」根本對阿榮嚟講係「新嘢」嚟，係要佢變先可以做到。阿榮喺鯨魚有咗BB結婚之前，同結婚、暴龍哥出世之後，佢啲仆街嘢大致上冇分別。咁到底係變定唔變好？你變定係人哋變？大家都變？今集算係幾段都扣住呢個主軸去玩，雖然係散上，但睇到個主線，好睇過之前散得嚟睇唔到個主題又冇戲睇。

阿E開始對中出呢個收數佬睇法有變。Jesse對搵partner嘅條件有變。Roger返嚟香港對Sharon嘅睇法同照顧有微妙改變。呢幾個改變都似乎係好嘅。

Brandon唔見咗但係有Ted出現追Sharon，但Sharon暫時又唔想變。Ruby老公冇變但Ruby面對平淡生活佢自己諗法有變。呢啲唔變似乎係唔好嘅。

其實變唔變有咩需要咁執着？如果令到自己開心嘅，冇乜嘢應該唔畀佢改變。有時死守住都冇乜意思，咁當然我支持要好似芷明咁，有條底線畀自己。

Leah帶阿榮去見撞死佢個女嘅司機希望自己釋懷時又可以幫到阿榮。但阿榮一吓就篤到死穴，問Leah可唔可以原諒佢老公？再引申到阿榮原諒唔到自己。仲有8集，唔知點拆。但我個人覺得點解一定要原諒？正如變同唔變咁，隨住自己嘅心去啦。如果真係迫唔到自己去原諒，喺迫自己嘅過程當中咪再度加重自己個痛苦。

btw，睇呢套劇真係要食暈浪丸，搖過坐大飛。又，原來柳俊江同駱振偉嘅講嘢方法好似，唔係扮，係佢哋平時講嘢都似。

📺 99台 逢周一至五 2130~2230

[演員表] 鄭中基 飾 林世榮 / 張可頤 飾 羅芷明 / Jasper Ho 飾 暴龍哥 / 賴柏綸 飾 暴龍哥 / 文凱玲 飾 Ling / 章尾而 飾 阿E / 強尼 飾 Lantau / 陳俞希 飾 Bianca / Crisel Consunji 飾 Leah / 余香凝 飾 余超瓊 / 駱振偉 飾 Ted / 陳子豐 飾 Jesse / 岑樂怡 飾 Carmen / 蔡寶欣 飾 Rose / 余逸思 飾 Ruby / 李建邦 飾 阿V / 葉千浿 飾 小英 / 黃子睿 飾 小英 / 李昭南 飾 Nami / 劉江 飾 波哥 / 沈殷怡 飾 Kat / 劉少奇 飾 祥哥 / 吳國麟 飾 中出 / 柳俊江 飾 Brandon

#戚家基 #鄭中基 #張可頤 #賴柏綸 #文凱玲 #章尾而 #強尼 #陳俞希 #余香凝 #CriselConsunji #駱振偉 #陳子豐 #岑樂怡 #李建邦 #葉子浿 #李昭南 #黃子睿 #蔡寶欣 #余逸思 #楊英偉 #劉江 #沈殷怡 #劉少奇 #吳國麟 #柳俊江

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][暖男爸爸][EP11]
✅ 繼第4集後最好一集
❎ 章尾而首《已回不去》係好聽但唔好唱咁耐好喎

好開心，上星期捱咗咁耐，今集終於好睇返。本來以為劉江老師會有好多戲，但冇，不過都無阻今集成為集中講Lantau嘅第4集之後，最好嘅一集。

點解好呢？係因為所有嘢都扣住又冇多餘嘢。有觀眾之前留言話好多嘢都要睇落去先知，都係嘅，但起碼嗰段嘢冇即時關係都好，都要係可觀或者有戲位或者有推展，先至可以吸引觀眾繼續睇，而唔係出嚟效果可有可無加無嘢好睇。

今集由波哥講嘅血統同命水論，由阿榮同暴龍哥引伸到阿E嘅家庭。雖然讚咗好多次，但都要繼續讚 章尾而 jamie ，真係handle得幾好，唔似新人拍劇。阿E同埋阿榮都有個仆街老豆，阿E仲要多個仆街老母同埋男朋友，兩個做比對，阿E見返老豆仲要幫佢孭埋條數，但暫時都繼續默默承受，或者係因為身邊仲有蝦條、蛋卷同阿榮鼓勵。

反而阿榮遇返波哥，畀佢嘅血統命水論調，勾返起自己係一個仆街時，去到成個潰崩去喊都係幾正，但去到自殺我覺得多咗。因為真係冇乜力，當然你話勾返起自己係仆街已經夠佢內疚，但如果佢真係見到暴龍哥有佢一啲仆街基因嘅痕跡（誤會佢有亦可），加強返波哥血統命水論，咁佢崩潰之後想自殺就有力得多。

好鍾意寫Sharon父母嗰段，因為已經部份否定咗血統論。Sharon父母咁恩愛，但Roger一樣照出軌，其實命水大過血統啦。呢樣亦都喺阿E身上反映出嚟。全集有msg完成度高，如果三集有一集係咁都已經好好。

章尾而嘅《已回不去》係好聽，但真係唱得太多啦。就算唔減啲，我覺得喺碼頭busking嗰段可以變短，之後阿E自己喺便利店嗰段先唱長啲，借返今集劇情嘅力道，咁會好feel啲。橫掂喺中環嗰段唱歌時剪啲海景飛鳥落去都幾無謂。

之前集數畀剪接搞到碎晒，今集最後芷明兩次救阿榮畀剪接加分。其實今集現實同回憶繼續係跳嚟跳去，但每段都有關係呼應就冇問題。

[聽歌] 章尾而 - 《已回不去》
https://www.youtube.com/watch?v=JLVxkNGqC5A

📺 99台 逢周一至五 2130~2230

[演員表] 鄭中基 飾 林世榮 / 張可頤 飾 羅芷明 / Jasper Ho 飾 暴龍哥 / 賴柏綸 飾 暴龍哥 / 文凱玲 飾 Ling / 章尾而 飾 阿E / 強尼 飾 Lantau / 陳俞希 飾 Bianca / Crisel Consunji 飾 Leah / 余香凝 飾 余超瓊 / 駱振偉 飾 Ted / 陳子豐 飾 Jesse / 岑樂怡 飾 Carmen / 蔡寶欣 飾 Rose / 余逸思 飾 Ruby / 李建邦 飾 阿V / 葉千浿 飾 小英 / 黃子睿 飾 小英 / 李昭南 飾 Nami / 劉江 飾 波哥 / 李焯寧 飾 石姑娘 / 陳桂芬 飾 Bianca母 / 陳郁憲 飾 Johnathan / 彭美嫦 飾 芷明母 / 曹英發 飾 芷明父 / 羅永昌 飾 E父 / 杜麗雲 飾 E母 / 沈殷怡 飾 Kat

#戚家基 #鄭中基 #張可頤 #賴柏綸 #文凱玲 #章尾而 #強尼 #陳俞希 #余香凝 #CriselConsunji #駱振偉 #陳子豐 #岑樂怡 #李建邦 #葉子浿 #李昭南 #黃子睿 #蔡寶欣 #余逸思 #楊英偉 #劉江 #陳桂芬 #陳郁憲 #李焯寧 #彭美嫦 #曹英發 #羅永昌 #杜麗雲 #沈殷怡