《萬聖節》
呢兩日係萬聖節嘅玩樂日，對於新add我嘅讀者又好，舊讀者都好，我覺得我有責任講多次呢件事。
嗱，如果舊讀者你話好記得呢個萬聖節禁忌，「cher我知啦！駛你再講咩」嘅話，可以就咁放低個心心然後碌走，繼續你嘅化妝準備出發。
至於新讀者，我覺得…你地去老蘭前，係應該要讀埋落去先。
呢個係我嘅親身經歷。
萬聖節，係鬼佬嘅七月節，鬼門關大開之日，百鬼夜行。
但當然，「佢哋」梗係唔會無啦啦喺大家興高采烈蘭桂坊期間突然晌舞池現個無頭真身出嚟，「我死得好慘呀，你哋啲南瓜伯爵女喪屍行撚開啦」咁，因為佢哋好怕熱鬧。
不過，小心。
我奉勸你同你身邊嘅朋友，如果你唔係好靚女（或靚仔），而今晚落去飲嘢又無啦啦好快咁覓到食，帶仔（或女）離場，而嗰個「人」又好好好不合常理咁靚仔高挑索爆大胸火辣文質彬彬(總之高質啦)同你走⋯
我同你講，你好危險。
你知㗎，一向拎開青島落斜路孤單的你突然有個高質跟你走，你自己都想列入幻海奇情send畀我啦。
我試過。
正正係萬聖節。
嗰次一班friend落老蘭 volar，櫈都未坐暖，就同一個中韓混血女仔不知鬼咁好傾，由枱傾到去側邊靜少少嘅位度咬耳仔。
想我形容下呢個女仔咩樣？
我覺得由我自己講係唔公平嘅，引用返我班frd嘅形容，我班frd話：「嗰個咪dj soda?」
係，佢真係九成半似dj soda，樣貌身材衣著品味各樣都係。當時我同佢咬囇耳仔嗰陣，我班friend仲係頭round飲shot差緊電。
我神推鬼㧬講咗句：「呢度啲歌都幾悶下...」
soda即刻表示認同：「係...techno嘢我都麻麻...」。
頂！就係咁，唔夠一粒鐘，我同佢就離開轉場再飲。臨走時，都見到我啲frd都開始咀緊啲南瓜呀紙紮公仔呀喪屍女呀咁，我都心存安慰。
出到去，見到佢背脊，正想問佢今日做咩唔扮鬼扮馬，我都戴咗頂林正英帽應下節啦，就發現佢後尾枕原來都化咗個穿頭look，血色一大片咁。
佢跟手拎咗我頂帽戴，齊齊去埋樓上soho區啲清吧後佢就動議話去佢到再傾喇。值得注意嘅係，我同佢真係好好傾，大家好似乜都搭得上嗲咁。
當時諗去佢到都好，事關我唔係好鍾意帶人上我屋企，好怕整污糟我地方⋯所以陌生女仔入屋，我通常會叫佢沖涼先⋯不過面前呢個女仔比我個感覺好特別好有個性，同dj soda一樣，我鍾意佢都唔係睇佢嘅身材樣貌，而係佢嘅內涵、笑容、個性。
咁我就恭敬不如從命，去佢到再傾啦。
上的士，直入愛民村。
沿途有說有笑，唔駛估喇，期間我無抽水，我總覺得無須要抽水，係你嘅就會擁埋嚟㗎啦，時間啫。
上到佢座屋村，係呀無錯，井字型嗰款呀，行到佢屋企門囗，佢突然同我講：「要走喇。」就好快咁行咗出lift口位。我當時仲以為咩事係咪嘈醒咗佢屋企人定點，嗌都嗌唔切，就追咗出去。
嚟到lift口，唔見咗人，得返我一個。我細聲叫咗佢個名一下，無反應，淨係聽到自己嘅回音。我再行幾步出咗後樓梯，心，終於覺得寒喇。大家都知啦，半夜三更，井字型屋村嘅後樓梯真係好恐怖，再者我細個又有過呢方面嘅經歷⋯所以我無行上或者行落，淨係晌嗰層到兜咗個圈就算數走人。
唉，應該係畀條女玩，我當時係咁諗。
第朝，好奇心作崇，上返去愛民村嗰個單位睇下佢係咪真係住嗰到，又做乜玩L我。
行到去門口⋯
莊入去...
都唔駛講嘢了⋯
即刻雙手合十，躹三個躬，轉身離開⋯
大家都明咩事啦。
我有諗過，嗰個唔係佢，係佢親生姊妹啫，我比較鍾意呢個假設。而最好彩，係成件事，我真係無對佢有非份動作，無咩冒犯到佢，極其量我都係話個場啲歌衰啫。
好彩！
不過而家每每見到d人化流血爛肉妝，都不其然諗返起...佢後尾枕嗰塊穿頭...
萬聖節喇各位，大家應該都化緊妝dressup緊準備就緒，我都係。但我出門口前都打埋呢篇經歷比大家以此為鑑，就知我夠老友啦呢啲。
記住呀！今晚盡興之餘，提防人扮鬼而鬼扮人，啲流血爛肉化妝⋯
可能，係真架。
仲有，最緊要，自己唔係好靚仔（或靚女）又無做過咩嘢就有頂級嘢食送埋嚟嘅，你好危險。
嗰次小弟就係自覺自己其實ok靚仔，所以掉咗少少輕心。
睇路啦今晚！
襯出發前，Tag 定會去玩嘅frd，叫佢地路上小心，提高警覺！特別Tag靚仔靚女自信系frd呀！
#溫故知新 #真人真事 #離奇 #鬼故 #鬼 #靈異 #不可思議 #離奇家遮 #恐怖 #文字 #電影 #萬聖節 #蘭桂坊 #口耳相傳的香港鬼故事
IG : donotsayhello
萬聖節禁忌 在 萬聖節扮鬼注意禁忌命理專家提醒「屬虎、屬猴」最好不要 的美食出口停車場
【民視即時新聞】今天（31日）就是一年一度的 萬聖節 ，不少民眾會打扮成有趣的角色過節，其中許多人都會選擇"鬼怪"的角色，不過，命理專家就提醒， ... ... <看更多>