關於 華納戲院串流同步花生事件簿 ，我們在網路上蒐集到這些相關的討論、資訊與評價

【《#神奇女俠1984》北美聖誕票房報捷】

雖然《神奇女俠1984》上星期喺全球開畫票房仆直，但聖誕節到北美開畫，就有唔錯嘅成績，喺聖誕周末收約1,700萬，破咗《TENET天能》紀錄，成為疫情後最高開畫票房嘅戲。呢條數對比以往聖誕檔期大片，當然算係仆到直一直，但喺疫情愈演愈烈下有呢條數，算係唔錯。《神奇女俠》第三集即刻講到明會開拍，Patty Jenkins會再次執導，但就要等佢完成《星球大戰》個Project先。如今，《神奇女俠1984》全球累收約8,500萬，都係疫情後幾靚仔嘅數。

作為「#華納戲院串流同步花生事件簿」第一個實驗品，《神奇女俠1984》都成功咗。事關套戲喺戲院同HBO Max同日上架，HBO Max有超過一半用戶已經睇咗，喺上架當日觀看人次，更比以往同期多咗三倍，有傳HBO Max多人睇到一度輕機入唔到。實際數字華納同HBO Max當然唔會公開，但呢單嘢如果係真，呢個咁大膽實驗性嘅舉動，都算係成功咗。

不過，《神奇女俠1984》原以為最強嘅中國票房就堅仆直。喺各個大陸網站充斥劣評，加上有幾套華語大片下，上映兩星期票房先得約1.6億人仔，對比《拆彈專家2》同《緊急救援》分別收成四億同兩億幾，票房真係唔掂。

唔知香港方面，華納今個星期結業後，套戲會唔會緊接戲院一開就上映，定還是好似《TENET天能》當日戲院重開咁，要多等一排？

‼️第7屆晞。觀影記事讀者電影投選現已接受提名，請躍躍參加啦：http://bit.ly/38HwhoQ

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【Sony成為「後疫情」年代戲院清泉？】

經歷「#華納戲院串流同步花生事件簿」、「#魔法精靈唱遊大世界之亂」、迪士尼棄守戲院轉攻Disney+後，大家都覺得戲院前途灰暗，未來將會係串流世界，有冇諗過仲有間冇乜人記得嘅Sony？

據The Verge報道，冇任何串流平台支持嘅Sony，突然成為咗荷里活大量創作人想要合作嘅片廠，事關呢班創作人知道，Sony仲係以戲院發行為主嘅片廠，對於唔想自己心血上串流嘅創作人，Sony就成為最後浮台。雖然「90日空窗期」已經冇乜可能再做到，但Sony又冇激到要戲院串流同步，暫時就想未來電影係有30日空窗期，而Sony大量品牌電影好似《逃出魔幻紀》同《蜘蛛俠》等系列，本身喺串流平台都有唔錯嘅收入，再加埋今年唯一一套以天價賣俾apple嘅《雷霆戰艦：獵犬號》，又未至於要急於搶攻串流。因為幾間片廠玩到戲院串流（幾乎）同步，Sony目前2021年排片如果堅守個空窗期，分分鐘可以突圍而出。

事實上，當大家花生華納單嘢時，Sony可以不斷做新聞放風，搞個蜘蛛俠嘅多重宇宙，已經係串流同延期新聞外，最值得觀眾留意嘅消息，當然，唔少得有Marvel嘅插手，起碼Sony唔會自己又搞個串流，講明蜘蛛俠會戲院串流同步。

不過，其他片廠都未必有咁好運。經歷多次財政危機嘅MGM，因為最強品牌《007：生死有時》到依家都未上到畫，財政開始危危乎要搵人賣盤，而華納都唔係戲院串流同步講完當冇事。據聞，打算發展成系列嘅《沙丘瀚戰》，上串流會有極大影響，已經爭取到戲院獨家放映，而唔係同HBO Max同步。

到底一年後串流同戲院會有咩翻天覆地變化，難以想像。

又，派拉蒙表示，無論戲院定串流，繼續404 not found。

《雷霆戰艦：獵犬號》觀後感可看留言連結。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【《#神奇女俠1984》全球票房開畫低收】

「#華納戲院串流同步花生事件簿」都唔知係實驗性舉動定還是一場公關災難，喺大量電影製作人都高呼華納係電影界反骨仔時，呢個實驗性舉動嘅頭炮《神奇女俠1984》終於上畫，Gal BB有收錢冇收錢都好，作為繼《TENET天能》後嘅第一套大片－－係，仲有套冇人想講嘅《魔物獵人》，本來就係聖誕節嘅超級大作，但喺「戲院串流同步」下，又會唔會打消觀眾入場意慾？

《神奇女俠1984》喺歐美票房點樣唔知，但喺亞洲同南美上映（唔計香港🥺），票房就真係麻麻地，首周末全球只係收約3,900萬美元，以一套超級大製作嚟講，呢條數堅係唔掂。雖然《神奇女俠1984》喺台灣奪得票房冠軍，但喺大陸目前只累收1億，輸埋俾《緊急救援》，日本暫時未有數據，唔知會唔會又輸俾《鬼滅之刃》。雖然美國12月25日都會喺戲院上畫，但相信有HBO Max票房點都會受到影響。

幾個月前，「老蘭」以救世者姿態，堅持要《TENET天能》上映，雖然喺部份國家真係救到戲院票房，但無論北美或者全球票房，都係仆到直一直，間接令到其他戲都唔敢上映，紛紛延期，「老蘭」突然受盡眾矢之的。嚟到《神奇女俠1984》，華納用個咁大膽咁實驗性方法去試，首波海外票房已輸，唔知會唔會再一次華納計錯數，實際到下星期北美同HBO Max同步開畫，將會見真章。

根據Universal嘅《魔髮精靈：唱遊大世界》同迪士尼嘅《花木蘭》經驗，唔駛問呀，HBO Max一定收得、點播率破紀錄，只係實際數字唔話俾你聽姐。

香港觀眾繼續表示，好評劣評也好，唔該俾我睇啦。就算戲院開得返，相信都同《TENET天能》一樣，唔會即刻上映。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie