關於 英鎊兌港元歷史高位 ，我們在網路上蒐集到這些相關的討論、資訊與評價

長文慎入，此文將會在明天的華富財經專欄刊出

--------------------------------------

港交所趁脫歐博一鋪

港交所(0388)宣佈收購倫敦交易所，風頭可謂完全蓋過咩QFII全面放寬及買農地起公屋，青冰晚上搵咗少少料，諗住安排在專欄寫啦，估唔到今晚已經有唔少名家評論，過多幾日青冰的料就已經唔新鮮，不如提早寫吧。

先唔講政治動機，當然青冰又唔會傻到認為這收購不是北京指使，但首先都要理解咗金融層面的事，才是青冰的專長。

港交所將會以發新股及現金的形式向倫交所收購，現金2045便士加2.495股港文所股份，以港交所收市價245.20元及通告上所提及的英鎊匯率1兌9.6865港元，收購價是每股8361便士，換言之涉資296億英鎊，即2867億港元，果然是超級大刁。

港交所上月公佈業績，手頭現金有1145億，仲有520億係以公平值入賬的投資，當然加埋都唔夠2867億啦，但重點在於，今次係以印新股加現金的形式，現時倫交所發行股本為3.54億股，即係話會動用701億港元現金，港交所主要的負債來自保證金及抵押品，都有1341億，斷不可能用清手頭上的現金作收購，所以之後批股供股都係有可能的。現時香港政府持有港交所5.95%股權，交易完成後要發新股，將被攤薄至約3.5%，以現時的局勢，要定向批股畀政府集資，肯定會引起市民反感，如果選擇供股，為了保持權益而拎錢出來，反對聲應較細。

好喇講完枯燥的數字，要去返重點，就係收購的那條方程式。雖然現金及新股比率是死數，但其實整個價值係浮動的，兩大變數就是匯價及港交所的股價。大家都知英國正在煩緊脫歐，似乎硬脫的機會都唔細，市場普遍認為，愈亂愈大鑊，英鎊自然愈低，舉個例如果英鎊跌一成，至1兌8.7港元，整個收購價就是每股9076便士；假設匯價仍是9.6865，如果港交所升到270蚊呢，整個收購價每股8999便士，如果英鎊又跌港交所又升，收購價就更吸引啦，現金畀少咗整體價又高咗。

現時倫交所最大股東，是持有一成股權的卡塔爾投資局，他們的取態將是成敗的關鍵，倫交所話港交所事前冇通知，但港交所有冇搵過卡塔爾呢，又或者北京有冇同卡塔爾傾呢？大家都只能夠估。在消息公佈前，倫交所股價已經在歷史高位，主要受收購Refinitiv推動，Refinitiv即係Thompson Reuters旗下做數據的公司，如果係行家一定唔陌生啦，Eikon及FXall一定用過吧。而港交所出價的條件，就是要倫交所董事局否決收購Refinitiv，市場上都幾看好這收購的，睇股價就知，因此如港交所一心係想食倫交所，就絕不能讓佢再壯大，配合脫歐亂局而出手，可謂趁火打劫。

不過由於這盤生意太敏感喇，英國政府或監管機構應該會出手阻撓，收購或會拖好耐，但如果最後董事局OK，股東會又OK，要政治KO這筆刁，真係要說服股東及卡塔爾先得，話晒你打開門上市，如要選擇性夾硬KO，日後的估值又未必值咁高了。

【全民媒體】你的手指還在嗎？（老狐狸）

脫歐後，匯市大上大落，英鎊兌港元曾一度跌穿$10元，為30多年低位，同時日圓在避險因素下兌港元一度升至$7.7，有外滙專家稱英鎊會低見$9.5，而日圓兌港元會重上$7.8云云，結果如何？短期既結果係隨著安倍在日本選舉勝出，市場憧憬會有新一輪或高至10萬億日元的經濟刺激方案，怕日本會在直昇機上撒錢後，日圓兌港元回落至$7.45，英鎊又上番$10.32。

小弟並唔係外匯專家，只係一個小小的外匯用家，故其上落都我都有d影響，加上投資市場環環緊扣，留意多一點都好少少。

話說市場在央行放水下股市開始回升，美國杜指和標普已創出歷史新高，中國滬指升至3個月高位，而在昨天港股亦上升至1 個月高位。而更值得留意的是市場上避險資產兩極，金價在英國公投後上升，反映資金湧入金市，帶動原材料價格回升，另一邊廂小弟一向睇的指標係10年期美債債息，2 日內由1.37%上升至1.51% (債劵係價跌息升)，即係資金流出避險資產，衝左去風險資產尋求較高回報，值得一提係10年期美債債息係5月尾時係高逾1.85%，如果債市可以跌至呢個位，相信股市或可創出新高。

股市方面，領展和港鐵呢D香港本土避險資產在大摩睇好後同創新高，但若然市場放水，股市再，市場定必重回稍高Beta 既股份，咁早前做好既避險資產或者就會表現得無咁好了，呢點大家都要留意一下。

個別熟悉小弟的朋友或者知道，小弟曾在個多月前買入過莎莎(178.HK)和卓悅(653.HK)，但由買完後急升得太快，文都未寫得切就飛左上去，莎莎更在業績差的時間由$2.3左右不經不覺上升至$3.2，當然老狐狸未能盡食，但反映個別呢類股份有一定的吸納價值。

可能大家話龍頭零售股點解唔睇周大福呀？因為小弟一直都覺得佢管理不太好，就算當日佢地不斷開店，只會覺得佢地搶貴舖，難道開到一條街全條街都係佢d生意就會佢做晒咩？生意，並唔係咁做既，所以我只會當佢係燈。

點解會開始睇零售股？一個字：「抵搏！」

如大家有睇今早的財經報紙，講緊海港城有藍精靈俾你去呃LIKE，No no no！而係另一段講海港城銷售跌幅喘穩，九倉的股價已重上$48.4的相對高位了，而個個月數字都唔好既澳門賭收又係7月份話反彈，就算股價PK到無人，個個財演都出黎踩一腳既翠華都係$1.26企得住腳，種種跡象顯示似乎市場估值重估或可以令呢D股股價重上，咁都唔出下黎，又好似對唔住自己咁。

今日老狐狸唔打自長篇大論去鑽研某一隻股，因為無做一次原氣大傷，寫錯左又怕俾人笑，所以打算用最簡單睇下圖去講下。

包浩斯國際 (483.HK)

呢隻股係小弟一隻又愛又恨的股票，好的係佢幾乾(3大股東持股約75%)，市值低 (只$5.8億)，業務又不俗，單單係佢個SALAD品牌都可以慢慢拆出黎係創仔上下啦。而唔好既係佢好難買，就算係5月19日出過盈警，6月24日出業績盈利下跌59%，又或者佢前幾日出左同店銷售下跌都未能令股價回落，低位橫行價都係$1.45左右，加上成交疏落，所以到宜家老狐狸都未買得到 (所以唔係好想寫的)，但又唔想壞了宗旨，所以都係寫寫佢。

雖然佢同店銷售有所下跌，但只係跌13%，老狐狸又覺得算係咁，如果同期可以將營運成本下降番，主要係租金 (應該可以減得更多)，咁整體黎講又不致太肉酸喎，而且佢息率又唔差，老狐狸真係有興趣買黎坐下。

最值得一提就係個圖表好似好靚仔，只要突破佢條100天平均線，基本上無乜壓力區，加上佢相對比起其他公司少財技野，唔睇佢都可以安心少少。

上面呢一隻股，其實大家都唔使大急買，因為急唔黎，慢慢吼同收啦。

老狐狸唔敢話什麼熊三定牛一，因為就算專家都只會係過左去至會確定係邊個STAGE，加上專家都係搵食者，唔出來說三道四搵阿水請佢咩，所以自己參考就算了，而炒股票首重不要領野，如果手指仍在，有值搏率就可以試試，唔係日日睇咁多文黎托咩？

如大家有興趣，歡迎大家加老狐狸的FANPAGE交流下啦

https://www.facebook.com/oldfoxfanclub

老狐狸

->2016年6月25日 <-- 英脫歐後.

>[高sir - 收市總結]<

英脫歐一事塵埃落定, 或許這的確是六月份一個最重量級的消息, 同樣令世界經濟體掀開新一頁之序章.

我們在公投前一直較克制的部署, 今該可從脫歐從而引發出連串的問題出慢慢解放. 我不是叫大家立即買資金投放於市場, 亦不代表英脫歐會立即產生大跌浪, 然而, 我們不會在市場過於樂觀興奮之時入市, 反之我們同樣不用恐懼跌浪, 因為只有跌浪才是入貨之時, 這點, 是我一直叫大家保持3:7 / 股票和持有現金比例之原因.

公投結果令不少人意外, 這意味世界價值觀重新開始估計, 從經濟層面上去看, 留歐有助穩定經濟發展, 對一部分人來說是次要, 這不單在英國發生, 新的價值觀正和傳統慢慢分割, 以往用經濟作大前提的時代已經過去.

英脫歐對香港影響其實不大, 然而, 對歐盟區帶來了沉重打擊, 因為, 一直扮團結以德國為首的歐盟區, 其實大前提大家都是利益掛帥, 但新生一代價值觀是以活出自我為主, 這沒有對錯, 只是時代是向前的, 上一代要慢慢接受轉變, 而這一個大前提下, 歐盟區各國小國, 或歐盟區另一大國法國, 內較年輕一代的當政者, 同樣會有脫歐的思維, 以及, 在英公投一直支持留歐的威爾斯, 蘇格蘭等本屬英聯邦地的國家, 其脫歐又和他們想法背馳而產生獨立主意, 這才是世界經濟面對大問題.

這令筆者想起中國古代之五湖十六國, 看來歷史正不停重覆, 世界共同体或許合久必分, 當一定時間後, 各國在財政上便會變得獨立而自顧自己國家私利. 世界經濟變會瓦解, 這當然是筆者今天誇張之說.

當天英國脫歐, 在短線針對恒指部署上, 我們再作細分析.

恒指不用過分悲觀, 脫歐後恒指急挫最高1000點外, 而指數守19590點支持區反彈, 恒指週五收20250點之上, 只跌600點.

事實上, 重申脫歐對恒指影響不大, 唯我們必須留意, 國際所有貨幣匯價正大激戰, 留意日圓因避險而一度逼見八算, 只對亞洲區特別日本極為不利, 人民幣匯價也被逼貶值, 留意人仔兌港元已跌穿0.85水平, 而無形之手一直於0.85前力托, 但看來脫歐後要鬆手, 人仔要再輕貶看來成定局. 日圓在續強下, 日央行如沒有大動作, 會令日本經濟急衰退. 此大家不想見之局.

美國加息機會大為下跌, 這不代表本港樓市會反彈, 世界經濟面臨新局面, 環球股市下半年會極為波動, 故不排除本港樓市小陽春會因為是次公投後消息, 市場在擔憂前景下, 本港樓市下調壓力會增加, 預計會多跌一成.

恒指區間19590點不容失, 否則上次反彈起點一穿, 市況便會轉弱, 是次週一有機會反彈上升, 市場短線已反映公投結果, 上述如歐盟區再有成員國或英本土地方分裂的話, 才會再觸動向下情況, 暫短線可望告回穩, 唯大市面對種種不明朗因素, 熊二反彈浪已接近尾聲.

市場唯一可憧憬為深港通, 以及來週七.一前後可有助港措施, 短線可令好大借勢炒穩, 七月變得極不明朗, 留意如深港通一有消息炒高後, 市場連唯一一項大型憧憬項目也消失, 市況轉入熊三機會大.

投資上,我們反而可開始部署, 昨日談到, 英國相關匯控(0005), 長和(0001), 渣打(02888)等股份不宜入手, 有貨借反彈請沽出, 英國本土主權評級下跌, 英鎊匯價無力反彈, 該本土失業, 經濟問題在獨立後不易應付, 也是必要性面對問題, 故前景不看好.

留意, 科網板塊在以上種種問題不會受太大影響, 我們留有資金可作部署, 騰訊(0700)短線回見166的話可小注, 暫以炒短線為主要, 金蝶(0268), 金山(03888)各可小注炒短. 另, 內銀股是阿爺在當前形劫必要力托之一, 持貨留意內銀股短線反彈該出現.

本地房產股請避開, 另一關注點為金價, 金價該有升無跌, 每一次紫金)回吐個機會, 暫2.3以下可一小注準備.

我們部署上仍以炒短為主要, 入市比例可增至5:5水平, 用一半現金作後盾, 另一半炒短之策, 短線記得守止賺/止蝕便可安心炒, 留意, 大大注all in仍不是時候.

--------------------------------->
留意階段區間:

恒指向下關卡: 20000 > 19590(浪反彈起點, 不用失) > 19250 >19050 > 18800 (熊二浪初底, 不可失) > 18300 (熊二浪大底, 如失進入熊三) > 18050(熊三初確認) > 16800 > 16200 > 14800 > 12800 > 10200 > 9800

向上關卡: 20620 > 20800 (大阻力) > 21654(上回高位大阻力) > 22100 (大阻力) > 22600 (另一浪區頂, 重大阻力) > 23000 > 23400 (熊一浪頂) > 23800 > 24200 > 25200 (熊轉牛位) -----> 28800

炒期指 / 牛熊/ 認證, 睇住以上黎炒便OK.
-------實戰倉戰績------
1月: 利潤上升約10%
2月: 沒有賣貨
3月: 利潤上升約30%
4月: 利潤上升約 30%
5月: 利潤上升約 5%

*持倉組合:
6月實戰倉總結: (持現金比例約60%待机)
*金山軟件(03888): 入手價:$17.9

------->
6月蝕:
NIL
6月賺:
NIL