話說萬聖節又係人妻先生做義工嘅時間。
有人在酒吧打架，咁我當然會去叫「你地唔好再為左我而打交啦」（大誤），不，咁我地就走去幫手做急救。
其實去到嘅時候，警察已經控制好局面，我地只係去幫手包紮急救之類的。但我相信大家都知道啲鬼佬醉左係可以有幾癲，個環境都真係好混亂下（如果你依家未知嘅話，你遲啲移民黎到就會知😂😂😂）
基本上，佢鎖住手扣都係會繼續問候你祖宗十八代。我覺得無野嘅，你地啲鬼佬英文講黎講去都係那幾句粗口，比起我地嘅廣東話，我由心底恥笑你地唔識鬧交，加上佢都貓成咁，我怎能跟一個醉的較真？佢有佢鬧，我有我包紮，大家都自得其樂。醉左嘅其實都好好包，起碼佢免疫痛楚，我唔駛擔心會整痛佢 ，嘿嘿，人家很溫柔的哦❤️
突然間，個呀靚仔Sir講左句：Now you are under further arrest for racially aggravated offense.
我停左停，等陣先，你拉邊個呀？我心裡面恥笑佢淨係識得講Fxxk都唔得？
原來，佢加控左個犯，原因係佢叫我「Go back to your country」好好笑嘅係，個呀Sir同我講唔好意思，仲安慰我唔好上心。
而作為當事人嘅我，完全俾人鬧左都唔知（大佬，本身已經好嘈，仲數緊脈搏，邊有咁厲害一心幾用？我有咁勁我去做醫生啦）。
就係咁，我黎到英國咁多年，終於成功俾人歧視。
你問我有沒有不開心？傻架咩？我好人好姐要同個醉嘅過不去？佢醉左話自己老婆係777都得啦，我認真就輸了。何況，我的國家就是英國啊，我一早就回了家，這有問題嗎？
#我好期待條友醒返見到自己俾人加控會有咩感想
#應該會罰錢掛
#再唔係社區服務都好呀
#一齊做義工啦
#不會坐牢吧？
#英文太差俾人鬧左都唔知 🤪🤪🤪
