#舊相系列
不能去街的日子，其中一個好處就係可以清理下積存左好耐，想做未做嘅事💪！ 除咗努力執屋外，我都努力咁整理下電腦入面嘅相📸，發覺原來之前影落好多相，都因為太忙而未有機會曝光(長期發生既事😫）今日睇返新年前同朋友仔去菜園摘菜嘅相🥬，仲係好回味。
呢個菜園位於元朗大棠（無錯，新界人繼續貫徹不出城主義✌️）於朗屏站外坐K66號巴士就可以到達。新年前黎白蘿蔔當造， QB摘咗幾條畀我整蘿蔔糕； 原來啲蘿蔔葉都有另一個用途㗎，就係用嚟醃雪菜❤️，用嚟炒肉絲都好好味😋！其他有機菜仲有唐生菜，同高過QB既增城大白菜🥬仲有香水檸檬🍋，不過就要等到4月先至有收成啦！
令小朋友好雀躍嘅，仲有呢度養嘅幾隻小狗🐶！我去嘅時候呢佢哋仲係bb嚟，最近睇番網頁已經大隻咗好多喇😍😍！原來依度可以租田俾小朋友自己種菜添🏞️！悠長假期唔知幾時完，或者我都考慮租返塊黎打發下時間🤔🕜
入黎摘下有機菜，又可以食又有得玩都唔錯㗎👍，不過疫情嚴重，黎之前最緊要衡量下路程，做足防禦措施，盡量分散人流，咁就可以安心享受田園樂🙌
🍅🍆🥔🍋🍌🥕🥬🥦🍄🌽
2月當造的有機蔬菜🌿:
紅蘿蔔🥕 (甘筍)、日本大根(白蘿蔔)、 車厘茄 🍅唐生菜、馬齒莧🌿、菠菜、油麥菜🌱、大蕉🍌
有機蔬菜園開放日🌱
- 2月29日(星期六)
- 3月1日 (星期日)
- 3月7日 (星期六)
- 3月14日(星期六)
時間:下午2:00-6:00
(最遲5:00入場)
地點：潘媽媽果園
地址:元朗大棠路大棠村(Google Map : 元朗大棠村)
入場費:$10
有機蔬菜:$20/磅
有機菠菜、油麥菜、枸杞菜:$30/磅
🔥注意事項🔥
1.🥰建議穿著長褲和噴蚊怕水。
2.Google Map :請輸入 [元朗大棠村]，🙅♀️不要輸入"潘媽媽果園"，因為會帶左你兜路 、更會搭錯車和行錯遠路😅。
3. 請支持環保，自備環保袋。
📱查詢whatsapp：5498 1123潘小姐
#潘媽媽果園 #元朗大棠 #摘蔬菜 #摘水果
#黃色農莊 #親子週末 #親子遊 #親子好去處 #假日好去處 #自助自摘蔬菜 #蔬菜園開放日 #自費活動 #唔洗帶罩的日子令人回味
