陪米米讀書
米媽在陪伴米米一齊成長既過程中，不斷地學習，學習如何了解到米米既性格，佢既能力，各方面既長處，需要加強既地方（米媽唔會用短處，因為佢地只係未引導未有足夠時間去學習練習）， 如何做一個引導者去引導米米思考，如何學習，如何溫書，溫習的方法，時間安排，每樣決定後的回報會點（ 例如佢決定享樂先，說明了米媽自己既睇法，你咁樣安排分析最後出黎可能會先甜後苦，最後米米決定咁做時，就尊重佢，go ahead, play hard之後相對就work hard,如果沒有，出來就會有相應既效果及回報。）
等等等等，米媽不喜歡馬後炮去指責米米，幫米米安排時會問佢，為佢分析解釋，如果米米不喜歡就尊重亦話佢知後果，最後出來後就一齊去討論去引導佢講出佢既感受。 最後檢討如果再做既話，你會點選擇。
好似溫書，米媽想灌輸既係每日溫啲溫啲既習慣，而唔係臨測驗前幾日先溫，造成壓力，亦造成自己懷疑自己能力，打擊自信心。
測驗係評估所得既知識，如果只係幫小朋友撒眼嬌咁溫兩日，最後考完既知識並唔係佢的，只係短暫記憶。而係呢兩三日谷佢時，大人同小朋友一樣會辛苦。為乜呢。
米米喜歡米媽同佢一齊溫習，因為我係提供幫助，支持，引導既角色，而唔係指責佢究竟學左啲咩，有無認真聽書。 米米有時同一樣可以反覆錯十字，米媽每次都會解釋，再幫佢圈住，每次都要佢解釋一次，最後，終會變成佢既理解。
陪小朋友讀書，谷佢不如教識佢如何分配時間，安排時間，學習既方法技巧。
米米既成績不是幸運，而是佢努力既回報。
米媽從來唔會要求米米識曬，只要前期有付出，就可以。米媽同米米講，考試時遇到唔識時既技巧要點做，唔識既然無分就撞，撞左都錯都無所謂，起碼有嘗試既勇氣。
所以米米考完試，問到有無唔識既時候，佢會話，有呀，但我盡力估架喇，撞下。 米媽唔會理佢識幾多，反而會話佢撞到叻，咁就岩喇。 遇到唔識或突然唔記得冷靜下來刪選法撞就岩。 考試只係前期種下既結果，肯定小朋友給予佢自信心很重要。
為母生左你後，每日都在學習。媽媽眼尾起鄒紋了，這是你送給我的笑紋，身上的雀斑，是陪你戶外一起快樂的印記。你第一次說，媽媽，你眼睛下面為什麼黑黑一撻。 媽咪微笑不語。
#呢星期係測驗週
#快樂而勤奮學習係可以並存的
#有付出有回報
#米媽日常
