早上的老人記憶科門診，來到診的都是有不同程度認知障礙的長者。由於問題比較複雜，故此我們會花更多時間與長者及其家人討論他們遇到的問題。
「最近啲記性點樣？」打過招呼，我問面前的叔叔，他跟太太來覆診。
他70多歲，兩年前發現記性逐漸變差，經不同檢查後被診斷患上認知障礙症，我們為他處方了藥物，亦轉介到長者中心的「智友醫社同行計劃」做認知訓練。
「越嚟越差呀，做咗啲嘢又唔記得，講過又唔記得，都唔知點解咁衰嘅。」叔叔看來有點氣餒。
「咁唔記得啲嘢諗諗吓會唔會記得番？日常生活搞唔搞得掂呢？」我再問。
「有時得有時唔得囉。」叔叔答道。
「平時咪我幫手囉，跟出跟入咁。唉！佢成日唔記得嘢㗎，要睇實佢㗎。」太太加入討論補充。
「咁都好，太太幫吓手。」
「都唔知點解咁㗎，好似越嚟越衰咁，成日無記性。。。」叔叔顯得不知如何是好: 「好似個日咁，明明啱啱話要做啲嘢，跟住又唔記得，你話點算好？醫生。」
「你好似好擔心喎，係唔係呀？係唔係驚第時越嚟越差？」
「緊係啦，宜家已經係咁，再老啲咁都唔知點算。」叔叔頓時愁眉苦臉。
縱然現在情況尚可接受，一想起充滿未知的將來，就特別憂心。想着可能變成完全不一樣的自己，就顯得特別無奈。
要真正活在當下，談何容易。
「咁第時點大家都唔知嘅。有啲人真係退化得好快，但係都有啲好穩定，一路都無乜差到。」
認知障礙症患者的退化程度的確因人而異，很多因素會影響退化速度。坦白，誰人在何時會衰退至要全照顧的晚期認知障症，怎能完全說得清？這也是暫時科技上的局限。
「都話唔埋㗎啦。咁可以做嘅我地都做緊啦。藥食緊，做運動練個腦做緊，咁都無得擔心咁多囉。」太太突然很理性的分析着。
這其實也是我跟很多患者和家人說的話。既然無法完全預知未來，唯有做好最佳準備: 準時服藥，多用腦袋，做一些能刺激腦部運作的活動，保持良好的飲食習慣和定時運動，當然也要保持心境開朗，避免壓力和焦慮。
與其無法完全掌控未來，何不活在當下，放下對未來的擔憂，享受這一刻擁有的快樂時光？
腦退化症晚期 在 腦退化症的「晚期護理」... - 賽馬會耆智園Jockey Club Centre ... 的美食出口停車場
腦退化症的「晚期護理」及「預立醫療照顧」講座: 雅麗氏何妙齡那打素醫院的顧問醫生Dr Jenny Lee於今早同30多位家屬及照顧者講解腦退化症晚期護理的注意事項， ... ... <看更多>