有人問我今次一丁友去東京住邊～
我諗咗好耐介唔介紹好，因為…我怕介紹完，以後就變得難book了😭以後就冇咗甜甜buffet食…
應承我！留返個位俾我！
今次去東京我係喺成田機場落機嘅，事前我有做過功課睇過邊區嘅交通比較易～就鎖定咗上野～
我住呢間Hotel Coco Grand Ueno Shinobazu正正就對住不忍池，只要喺成田搭京成本線就可以直接去到「京成上野駅」～
我去嗰程就係搭特急嘅京成，足足坐咗80幾分鐘…個位仲要發熱…爭啲變咗燒豬…
所以回程我寧願俾多千幾yen坐skyliner去機場，只係40分鐘就直達成田！
到咗京成上野駅，有扶手電梯同lift可以上地面，拎住行李嘅都唔怕要拖喼啊～上到地面往右方向行，見到大大個m記招牌過對面馬路，行去Kfc方向前面就係酒店了😘
去到Check in，會有浴衣同浴池卡俾你，如果想做岩盤spa可以check in時預約埋，一定要預約先可以入去啊，因為佢要俾另一袋衫同毛巾(鋪喺岩盤上)你嘅～
Lift必須要用房卡插咗先可以㩒到，同埋凌晨一點後酒店大門都會鎖咗，都係要插房卡先開到，可能因為夜晚呢頭比較多夜總會(我晚晚都見到好多上班族塞個頭埋隔離女人心口度…心諗:咁早就醉？😂)一個女仔住的話，都係唔好太夜返了😀雖然我夜返都冇人so我，不過喺一堆打扮得靚靚嘅日本女仔同拉客嘅人群中行過…🐷俾人投射咗無限異常目光…妖！我去便利店買宵夜咋！
講返間房先，房就係mini啲嘅，我個大喼係冇辦法喺床邊完全打開…不過小小空間有部腳仔按摩機，又有個放喺床上用嘅背部按摩枕…床上面有兩個枕頭兩個cushion～反正去旅行就係去血拼嘛，酒店不過是一個梳洗淋浴屙屎瞓覺嘅地方，你俾張曉彈嘅大水床我都冇用啦…所以我👌啦～😂
不過呢間酒店嘅早餐，係我每一日都期待嘅，早餐時間係06：30～09：30。我日日8點餓醒咗起身去食早餐…早餐有粥有飯有烏冬有多款包有沙律有熱食～我食咗三日，熱食款式日日不同…我想食返第一日嘅炸薯餅都冇機會～唯有食多兩粒炸蠔…食完呢啲你就滿足？撚大喲？佢仲有甜品任食！當然每日限量供應，如果你遇上我，就係你倒霉了～呵呵呵～呢度嘅甜品係由酒店隔離間甜品outlet提供的～甜品outlet賣乜？就係平時俾便利店超市賣嗰啲甜品嘅小次貨啊，卷蛋頭頭尾尾，芝士蛋糕邊，千層蛋糕邊都有～做人要惜食嘛，味道一樣嘅，又可以用一個筍價食到甜甜，抵！我都有去outlet買嚟食～早餐食到嗰啲甜品個樣都正正常常，完全睇唔出係次貨😂
呢間酒店我住就住得好舒服，食又食得好開心😀而且好近阿美横丁，我會再去啊😀
背部按摩枕 在 一個抱枕滿足多個願望‼ #頸椎推拿#腰部按摩#腹部熱敷#背部 ... 的美食出口停車場
一個抱枕滿足多個願望‼ #頸椎推拿#腰部按摩#腹部熱敷# 背部 按摩#肩周揉捏#腿部揉捏 超可愛嘅“草泥馬” 按摩枕 ... ... <看更多>