Search
上週三是中秋節翌日，最新版《廣州米其林指南-2021年》也選在這一天舉行發佈會，獲獎者包括3間二星餐廳、14間一星餐廳（另有33間必比登推介餐廳、米其林餐盤獎則有54間）；而今年的特色之一，就是潮州菜受到了更多關注，來自新加坡的御寶閣、由名廚輝師傅主理的歲集院子·拾月，都以精緻的潮州佳餚贏得米其林一星肯定，也讓許久未能造訪廣州、潮州和汕頭，品味地道潮式美饌的貓兒，感到心動不已。雖說香港以港式粵菜（廣府菜）為主流，然而潮州菜館也很普及；原本貓兒考慮前往美食達人Elgene日前才打過卡、位於大角咀的尚御潮滷居用餐，但同行的友人覺得停車不易，於是我們轉往馬鞍山新港城中心，在開幕不久（卻已紅遍新界沙田）的駟馬拖車潮州飯店，品嚐招牌滷水鵝和潮式麵線（搭配潮港點心），也算一解蓴鱸之思吧。
去左日本🇯🇵？ 唔係呀，呢度係旺角黎架~😆
雖然間鋪細細，但裝修勁有心思~🎏
🐂阿久根和牛拉麵屋🍜
除左門面有特色，估唔到餐廳入面仲癲，不足20個位既鋪竟然可以整呢D 飛簷設計，不得不寫個「服」字~ ~搞到我有換番件「👘」的衝動~🤪
同日本的拉麵鋪一樣，呢度專心做拉麵，以4款湯底為主，分別係濃蝦湯，雞白湯，醬油湯同魚介湯，仲有沾麵可以揀添~拉麵價錢由 $75 ~ 最貴的$148 都有，視乎你要咩料啦~🐖🐂🐓🍤🦑
🐂燒牛肩胛拉麵 $ 98 (湯底可自選，我揀左醬油)
上枱時既牛肩胛係剛熟，我建議大家好快D食左佢，因為呢個時候係最嫩滑架~ 我自己幾鐘意呢度既拉麵，軟硬適中，唔糊口，好掛湯，而且份量仲好多~
愛辣人仕可以試下呢3款辣粉呀~ 真係超級正，原味本身已經辣 (比七味粉辣)，我尤其鐘意食蒜香同洋蔥味，真係有勁香的蒜香同洋蔥味架~
好想買返枝食薯條/薯片，一定勁夾~
濃蝦湯係店中大熱，當然要試試
🍤香煎虎蝦拉麵 $ 98
虎蝦超大隻，煎得好香口，而且個蝦殼已係背部切開，食都好方便，濃蝦湯係超濃味架，只係夾起D麵已經陣陣蝦味湧埋黎，完全係用蝦頭熬幾個鐘出黎個種感覺，最surprise 係湯底仲有好多櫻花蝦仔呀~
主菜精彩，小食一樣唔輸蝕
叫左2個特色食品
🧀鹿兒島流心芝士薯餅 $28
聽個名都覺得好吸引，而佢個樣又真係好鬼吸引，新鮮熱辣炸起，唔太多油，外皮鬆化，咬落啖啖芝士，配埋調過味的薯蓉。好CREAMY又脆口，雙重享重呀
溫馨提示：小心燙咀呀~
🥟沖繩苦瓜餃子 $48
好開心同行的朋友肯一齊食苦............瓜呀~😘
餃子煎得OK啦，強迫症既我成日望住個舊突左出黎既餃子 ~~🤣🤣🤣
餃子皮有D 綠綠地色，以為佢會有苦瓜味。原來，係無既~~😅😅 不過層皮厚薄適中，不錯~
餃子幾JUICY，咬開係有肉汁流出來的，而且肉味好濃呀~! 苦瓜同肉的比例大約係 3 : 7 。第一啖會被肉味搶左FO, 食多2啖就會FEEL到苦瓜的淡淡苦味
阿久根和牛拉麵屋
旺角廣華街13號廣輝大廈地下1號舖
(門口係煙廠街架)
［藺相如，司馬相如，名相如，實不相如］（＊）咪講笑！同Freddie Mercury同Billie Eilish 齊名！獲得誠品認證！我是一個文青！
TLDR：屯門牛呢，真係睇好嘢都慢人一步，睇戲又多垃圾。所以要有馬蘭頭獎學金
1. 實情係屯門誠品，已經有貨。都話日日去睇，我仲發現搬咗位，原本係在啲財經書度，而家已經literally 「上神枱」，同Freddie Mercury同Billie Eilish 齊名！雖然暫時我都未見有任何人拎起嚟睇。實情咁耐以嚟都冇！
2. 又，真係的，明明銅鑼灣，太古同尖沙咀誠品都一早有，屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
3. 你真係唔好睇少呢樣嘢，What we talk about when we talk about 村上春樹？好多人都知道佢開coffee shop/酒吧，收工在廚房寫嘢。亦都有啲人聽過個契機係明治神宫野球場（我都去過朝聖），養樂多燕子隊
4. 但再之前呢？村上春樹係關西人，京都伏見出世，但神戶讀高中。佢唔止一次提過，神戶改變佢好多。神戶係個海港，易接觸外國文化（你見仲有異人館），佢就在嗰度睇好多西洋文學。
5. 我話睇書都慢人兩星期，當然只係講笑。「而家屯門都有Donki」「仲有Mirror」。但，你可以留意下，屯門戲院（屯門戲院並唔單指「屯門戲院」）上嘅戲，都真係同「市區」唔同。唔通會上《惡與他們的距離》？主要都係上「長相屍手」之類。有人話歧視，有人話市場考慮，「啲屯門牛就係睇垃圾」，乜都好，客觀結果都係一樣。喂，呀影帝林家棟，都公然恥笑去巴倫紐睇戲嘅人啦。2015年咋喎，香港人好尊重本地電影咩？（而不幸地，套《點對點》我都有睇，但居然唔係在巴倫紐！正如導演話頭，根本巴倫紐冇上呢套戲，全新界得葵芳新都會上，我就在嗰度睇）
6. 你都唔好話冇影響，我講兩件事你知。第一，好少同人講，當年我買樓，係有諗過買駿發花園嘅。咩話？駿發花園在邊？點解我會想買？「駿發花園咪會樓下上《惡與他們的距離》」。最後點解冇買？唔係因為冇錢（我有咁窮？況且我講緊2013年），而係因為懶，同埋我諗真啲，「我買完百老匯電椅中心搬走我咪仆街？去廟街聽數波波定食煲仔飯？定學麥路人郭富城咁去聽楊千嬅唱歌？」。第二，當然係因為我懶。租開我老母（真係我老母，唔係助語詞）屯門嗰樹好地地，咪買埋佢。係呀，買架，咪撚以為佢送畀我。電視框？框你老母（呢度就助語詞）。創屋苑尺價新高添呀！虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追，咪縮數話咩等調整」
7. 一念任天堂，一念海天堂。一念八天堂，一念朱天堂。如果我當初買咗駿發花園？而家我係咪好有文化我就唔知，「但應該執多幾球嘢」
8. 講返，我變成「港片之鬼」，你估係偶然？並唔只係因為我細細個鍾意睇港產片。喂我年代啲小朋友，個個細個都睇港產片架啦，但大咗佢地自然就會覺得好check，我溝過N條港女，都以自己唔睇港產片為榮，我最鍾意都係我問佢睇乜戲，答曰「我個人冇乜所謂不過唔睇港產片」，充份反映到港女嗰種自以為嘅優越感同懶撚係considerate，多撚謝喎。不過我都冇諗住同佢去睇港片，因為我主要係為上床。到後來睇港片先有得上床，就係後話，只能講句十年河東，十年煩西
9. 我之所以到中學都不停睇港產片，主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹，佢進軍海外時吳宇森都未去荷里活。佢就係自己親身上陣，同「五十嵐」一齊拍愛情動作片
10. 但關我乜事？我又唔係蘇B（一個徐一刀有份用嘅演員）。主要係，徐一刀係我同學嘅舅父。咁佢就畀好多免費戲飛我地睇，當然唔係睇佢嘅戲（當時我中二咋），而係可以去睇任何戲。我唔知係咪只係港片，但肯定嗰時咩 凱都呀， 巴倫紐呀，仲有「屯門戲院」，都好多時係上港片。
11. 我仲記得我第一套用佢嘅飛睇嘅戲，就係《水滸傳之英雄本色》，李克勤唱主題曲，梁家輝做林沖，徐錦江做魯智深，劉青雲做大茄，但最正係豹哥單立文做高俅個仔去淫辱林沖老婆王祖賢。
12. 另外仲有《風塵三俠》（梗係柏安妮嗰套），仲有套日本人拍但廣東話配音嘅《三國志》（1990年代初，已經好過《三國無双》N倍，可見周顯揚真係食撚屎的，係呀，我又要好波過美斯先可以評論？）等等。可見我嘅中學年代，就係咁渡過。
13. 然後你諗下，埃汾太（名校女生嘛）。人地呢，午飯去Pacific Place食嘢—仆你個街到我在金鐘返工我都仲嫌貴呀！另外有個朋友仲誇張，中學年代，去「有馬」日本料理午餐。
14. 朋友同我同年，但你老味，我地年代在屯門？日本嘢？「就係去八佰伴食熱海麵屋」，好撚難食的，難食過味千。當然我好後來先知道，熱海係地名（大佬呀，嗰個年代冇維基百科，又冇一年去十次日本），而八佰伴第一間店，就係在熱海。
15. 至於我嘅名句（其實係朋友講），「嗰時食百人一朱已經覺得自己好撚high」，sorry，呢個係去到出嚟做嘢嘅事。仆你個街，我去到教書嗰時，兩皮嘢個月，都係同成班搣時去荷里活（梗係鑽石山啦，好彩未去旺角荷李活）食百人一朱咋！（話時話，就快又七夕，有冇人未聽過七夕搣時嘅教事？）
16. 睇到呢度，你心諗，有冇咁誇張。都真係有的。例如我估我好似去到2000年，即係，大學畢業，我先知咩係Tiramisu，「開頭以為日本嘢」。而家啲小朋友，幼稚園茶點都食喜知次一夜干啦！
17. 真的，as a 學霸，我博聞強記嘅能力，叻過好多「名校」嘅普通學生。但行出嚟就係冇嚟貴格，食幾多貴格燕麥片都冇用。「即係余文樂咁」，真係好多年先洗到嗰種新界牛嘅味。
18. 你話冇影響？有機會我細寫。但當年我去in Oxford獎學金，邊個in我？係李兆基，冇錯係四叔。仲有楊鐵樑。同埋羅德丞（唔係羅傑承），同埋一條牛津嚟嘅鬼。喂，我見到都變秦舞陽，腳震震啦。最記得鬼佬問我點解地盤啲鐵係工字型，我都答唔出，但其實我係知嘅。（BTW，當年我報N展，真係好彩冇收我）．後來當然獎學金拎唔到，做唔到乜乜學人，返去港大繼續have fun stay poor．四叔變咗亞洲股神。楊鐵樑變咗教英文。羅德丞？選唔到特首，冇耐死撚埋了。（原來都隔咗十年）
19. 事後諗？如果我醒少少嘅，我應該話畀四叔知，我阿麻係順德大良人。我成日返去的。拿，呢啲咪分野。但冇計，歷史沒有如果，洛賓2010年球單刀如果入咗？
20. 寫咗好多，都唔係咩獅子山下可歌可泣。你心諗，而家扁平化咗好多啦。而家屯門都上到NetFlix嘛，屋企都睇到 德國飛機吸血片啦，有得上網，拉近晒啦。
21. Yes and No．但其實，個世界，都係向比較有錢嘅人傾斜嘅。我甚至覺得，我幾幸運，我年代都仲可以叫做「上流」，即係一個普通家庭（唔好講到自己赤貧啦，至少有錢去睇戲）嘅屯門仔，都仲有得發下圍。而家？未必冇，但大家心知，越嚟越難。
22. 最新嘅趣聞，英國A Level，一半人A或A+。因為多咗Teacher assessment，fuck that 教師好專業唔偏私。但有乜所謂？好似阿婆賣紙皮咁，你會噴水上去，我又自然會計返你平啲。英國好嘅大學，更加大條道理自己搞admission test，甚至乎用自己嘅discretion—冇錯，就係傳說中嘅去緬甸做義工。點解啲名人富豪仔女都入到名大學？真係叻啲？你話呢？
23. 寫咁多，冇錯，最後都係講「馬蘭頭奬學金」嘅理念。呢個年代呢，你做屯門牛又冇錢嘅，真係比較大鑊。可惜我暫時都仲係只有理念，未有好多錢，更重要係未有執行力。但，總會搞到出嚟。
（＊）又，我都係早排先知，司馬相如唔係真名，正如河國榮崇拜張國榮，佢因為崇拜藺相如先叫自己司馬相如。正如司馬遼太郎，都係因為崇拜司馬遷（應該唔包括腐刑嗰part），但自愧不如亦係自謙，先叫自己司馬遼太郎。
似乎姓司馬嘅都啱呢味嘢（司馬遼太郎又會姓司馬啦！）。不過司馬賽兒，就唔係因為鍾意馬賽所以變咗馬賽。主要係鍾意波圖。講返，上季法甲馬賽第5，冇歐聯踢，所以要等波圖歐聯分組賽第三，先有機會馬賽對波圖
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
【唔敢俾分?】第2032(堅)成交: 尖沙咀栢麗大道D段地下G29及G30地舖連1樓15號舖，合共建築面積3470呎，以公司買賣形式易手，作價約2.1億。
原業主李耀華於2012年用4.4億買入，林子峰接貨。 他們確認了成交，但沒有作實成交價。
如果成交價屬實，栢麗大道李耀華沽貨這單將會香港舖蝕讓歷史 No. 2。帳面蝕2.3億。
No. 1 是內地投資者劉軍，2017年2月沽出波斯富街108至120號寶榮大廈地下a-b舖及1，2樓(前泉章居)。 沽出價錢6.78億，持貨五年，帳面蝕 4.64億。2012年6月以11.42億買入。
。。。。。。。
以下是我之前提及柏麗大道成交的報道:
錄影日期: 2019年10月17日(星期五)12:01pm
感覺2.5分(內部轉讓價)，6000萬 x 3，持貨33年升7.9倍《回歸15年前價》
第1567-9(堅)成交: 尖沙咀彌敦道111至181號地下55 (租客(Millie's)，56(Caesar)，57(Jipi Japa)號舖，每間各成交6000萬， 簽約日期2019年9月18日。內部轉讓。業權份數各是 18/2308 x 3 。每間闊約16呎，深約46呎。建築約900呎，實用約766呎。實用呎價約7.83萬。今時今日，市值租金約每間10萬，3厘回報，市值每間約4000萬 (我無心得罪人! Please forgive me!)。
此舖成交紀錄:
- 55號舖，1986年3月17日以689萬第一手買入
- 56號舖，1986年3月17日以689萬第一手買入
- 57號舖，1986年3月17日以651萬第一手買入
三間合共2029萬。
柏麗大道舖成交比較:
- 2012年3月，地下29及30號舖，連1樓15號舖，成交4.4億。 現租客Vodka, Union 及Peaceful World, 建築3470呎，原業主長江製衣放1986年以1614萬第一手買入孖舖地下及一樓。 買家李耀業已是柏麗大道地下18號舖的業主。 建築呎價12.68萬。 當時租金為每年1656萬，回報3.76厘。2014年高峰期，這鋪位月租為138萬，租客Aimer高級內衣店。 高峰期曾以7.5億在市場放售。 2017年5月獲散貨場承租，每月租金20萬， 減租八成半。消息指2017年3月李耀華以4.8億成功轉手售出此舖，當時已交吉兩年。
- 2012年2月底，G18號舖及1樓9號舖9B部份，成交2.53億，賣家為李耀華，當時持貨兩年賺1.1億。現租客Ecco 鞋店
- 2007年4月，G27號舖連1樓，以1.1億成交，現租客 Clarks 鞋店
- 2006年，G26號舖及一樓，以9800萬買入，買家為資深投資者朱鴻鈞。現租客 Clarks 鞋店
- 2005年8月，G63號舖，以5500萬成交，當時月租18萬，回報3.9厘。現Her Own Words 內衣店
- 2005年1月，G62號舖，現 Ocean and Shark, 以5038萬成交。此舖由2004年3月至2005年1月共轉手4次，售價由3280萬升至5038萬。
柏麗大道舖租值比較:
- G8及G7舖， 謝瑞麟珠寶, 2018年9月租出月租$246154及$353846
- G64舖，亞洲金城(現龍記珠寶，無開門)，2016年8月租出月租11萬
- G8及1樓3A及3B舖，2015年9月租出84萬， 謝瑞麟珠寶
- G62舖，2015年1月租出月租18萬, 現 Ocean and Shark
有關柏麗大道:
尖沙咀柏麗大道有68個舖位，分成ABCD段，其中約20個由大業主持有。除1986年賣散過一批舖，近年買賣一向疏落。
不要搞錯，不是北角新時代廣場的英皇柏麗大道商場(本來是裕華國貨，1993年劏為180間細舖)。
尖沙咀柏麗大道(Park Lane Shopper's Boulevard) 位於九龍公園東側，亦是彌敦道的其中一段。這條長約300公尺的購物大道，是由白色磚牆而成，兩旁種植著整齊的樹木，更有特別的雕塑豎立著中央，帶給人們耀眼而優閒的感覺。在晚上更掛著閃閃生輝地燈光，令人眼前一亮。在其中有著各種商店，多以名牌及年青人為主。而行到尾段（近尖沙咀），有著九龍公園及在盡頭全港最大的清真寺。是彌敦道最值得一遊的地方。消費群是主力旅客，上班一族。
最接近尖沙咀的D段，無論售價或租金均較爲高，而A段鄰近佐敦區，租金相對較廉宜。
今時今日，D段地舖，每間市值租約20-30萬，賣約一億，BC段地舖每間租值約15萬，賣五/六千萬 ，A段地舖市值租約10萬，每間賣值約三/四千萬。
。。。。。。。。
第1697成交(堅)《勁蝕超過3000萬(連手續費)，史上街舖最甘!》感覺4.5分。尖沙咀彌敦道柏麗大道64號舖， 龍記鐘錶珠寶， 建築面積766呎，闊約15呎，深約45呎，租9萬至2020年7月，成交約4000萬(業主唔肯講實)，回報2.6%。原叫價7500萬。(好肯定不是市傳的6500萬成交)
原業主2010年1月以6800萬買入。連手續費大蝕讓超過3000萬? 憑我記憶，是香港史上單一純街舖蝕得最甘(in terms of $)!
業主今時今日肺炎疫情下能賣出四千萬算執到! 柏麗大道是重災區的重災區。 沒有遊客，沒有本地消費，沒有飲食，根本沒有人!
如果你在現場睇，這間舖相連的九間舖，七間是交吉、散貨、執笠中或拉閘? 只有兩間無任何 sign.
尖沙咀柏麗大道有68個舖位，分成ABCD段，其中約20個由大業主持有。除1986年賣散過一批舖，近年買賣一向疏落。
最接近尖沙咀的D段，無論售價或租金均較爲高，而A段鄰近佐敦區，租金相對較廉宜。
今時今日，D段地舖，每間市值租約20-30萬，賣約一億(但無貨)，BC段地舖每間租值約15萬，賣五/六千萬，A段地舖市值租約10萬都無，每間賣值約三/四千萬。
這間舖位於A段，附近的相連幾間舖，全部都是短租、散貨、吉舖或結業中。 以我所知新叫租，8萬都一直租不出。 回報只得兩厘多，租金再有好大下調壓力。這間舖近尖沙咀警署， 經常被包圍，肺炎疫情過後，社運繼續的話會非常影響生意 。因此我覺得業主賣出約4000萬算唔錯。
柏麗大道成交比較:
- 2019年10月(內部轉讓)，尖沙咀彌敦道111至181號地下55 (租客(Millie's)，56(Caesar)，57(Jipi Japa)號舖，每間各成交6000萬， 簽約日期2019年9月18日。內部轉讓。業權份數各是 18/2308 x 3 。每間闊約16呎，深約46呎。建築約900呎，實用約766呎。實用呎價約7.83萬。今時今日，市值租金約每間10萬，3厘回報，市值每間約4000萬。
- 2012年3月，地下29及30號舖，連1樓15號舖，成交4.4億。 現租客Vodka, Union 及Peaceful World, 建築3470呎，原業主長江製衣放1986年以1614萬第一手買入孖舖地下及一樓。 買家李耀業已是柏麗大道地下18號舖的業主。 建築呎價12.68萬。 當時租金為每年1656萬，回報3.76厘。2014年高峰期，這鋪位月租為138萬，租客Aimer高級內衣店。 高峰期曾以7.5億在市場放售。 2017年5月獲散貨場承租，每月租金20萬， 減租八成半。消息指2017年3月李耀華以4.8億成功轉手售出此舖，當時已交吉兩年。
- 2012年2月底，G18號舖及1樓9號舖9B部份，成交2.53億，賣家為李耀華，當時持貨兩年賺1.1億。現租客Ecco 鞋店
- 2007年4月，G27號舖連1樓，以1.1億成交，現租客 Clarks 鞋店
- 2006年，G26號舖及一樓，以9800萬買入，買家為資深投資者朱鴻鈞。現租客 Clarks 鞋店
- 2005年8月，G63號舖，以5500萬成交，當時月租18萬，回報3.9厘。現Her Own Words 內衣店
- 2005年1月，G62號舖，現 Ocean and Shark, 以5038萬成交。此舖由2004年3月至2005年1月共轉手4次，售價由3280萬升至5038萬。
柏麗大道舖租值比較:
- G8及G7舖， 謝瑞麟珠寶, 2018年9月租出月租$246154及$353846
- G64舖，亞洲金城(現龍記珠寶，無開門)，2016年8月租出月租11萬
- G8及1樓3A及3B舖，2015年9月租出84萬， 謝瑞麟珠寶
- G62舖，2015年1月租出月租18萬, 現 Ocean and Shark
#香港史上蝕得最甘的街舖
。。。。。。。。。。
如你想知道多些「八八卦卦」的市場資訊，可以whatsapp我(+852) 90361143，我可加你入 《李根興「堅堅流流」商舖資訊》 broadcast list 。??
You know ... 好多嘢唔方便公開講。我唔想製造謠言，只是市場第一手資訊。
太子新填地街尾段，晚上黑森森，唯獨路口三間食店人聲鼎沸、光如白晝，是打冷老號陵發相連三鋪。舊日，浴德池在旁邊，隔籬上海街、砵蘭街霓虹舞動，麻雀館、舞場、卡拉OK……燈紅酒綠漸黯然，陵發至今64年，愈做愈旺。經營老店的魏家三兄弟年過花甲，早已衣食無憂，但仍兢兢業業，要讓92歲的老父見了開懷。古有70歲老萊子，為了逗樂雙親，穿上彩衣，扮作小孩跳舞。戲綵娛親，有力又有心，於古於今都是一種幸福。
陵發相連三個鋪位，左右兩鋪招呼客人，座無虛席；中間鋪是明檔廚房：一碟碟切好的鵝掌翼、凍魚大眼雞烏頭、鹹菜花生蜆仔肉陳列檔前；砧板師傅在起鵝片；熱盆韭菜豬紅炆門鱔炆春菜冒着白煙；滾油炸蠔餅、明火燴蠔仔粥，不消幾分鐘就上桌來。「打冷，好似快餐，即叫即有。」老闆魏鎮南說。
以前打冷講求快，他謂求求其其放鹽放糖去吃就算；現在打冷高級了，講求醬料和調味。磨豉醬、普寧豆醬他選最靚最高級的，蝦醬從大澳入貨，連豆瓣醬買貨回來也再加工；豆腐雞腳自家炸好或炆或滷，保證新鮮。
「我們做事，最緊要放一個心下去。」南哥說。這裏的滷水鵝注重濃郁肉味，藥材只是添香。大廚黃師傅透露，一煲滷汁歷史悠久，他03年從老闆手上接過來一直保養至今。凍魚鮮甜不柴，也是沿用傳統方法在魚水中慢慢浸熟。所謂「魚水」，即用浸過魚的水，加鹽加薑，魚就不會浸淡了。
炸蠔餅、蠔仔粥人人讚好。蠔肥量足，有的大似鵪鶉蛋；因着水域和品質，貨源經常改來改去。蠔仔粥鮮甜無比，靈魂在於湯底，用大地魚老雞豬骨螺片黃豆，熬足五小時出味來。
鹹雜仍是南哥親自調味，譬如生鹹菜，啤水兩小時，搓透撈糖，加入南薑粉、麻油添香；指甲大小的蜆仔肉工夫最多，女工逐粒逐粒揀，啤水啤到無沙無泥，南哥方入味，少有店家肯去做了。鹹雜或鮮香或爽脆，送一碗綿稠的潮州白粥，其味無窮，絕不比豐腴鬆香的鵝片遜色。
父親 大牌檔起家
70歲的南哥，四歲起就在檔口「掹人衫尾」幫父母招徠客人。話說父親魏林盛和平後由鄉下潮陽來港，最初給大牌檔運煤炭，又賣過經濟飯，1955年來到新填地街尾浴德池旁邊做起大牌檔，檔名「陵發」取「零舍發」諧音。最初兩枱八凳賣魚蛋粉麵；未幾在旁多開一檔「陵記」，開始打冷。
89年，陵發入鋪浴德池後面，多了「潮州白粥」四字，「冷字我們潮州話是人，打人打人比較粗俗，不如說食白粥，踏實些。」南哥解釋。05年，浴德池舊樓拆卸，搬到隔鄰三間自置地鋪。今天，陵發和陵記兩個字號依舊掛在店前，由他這個大哥和二弟魏鎮坤（Martin）、三弟魏鎮輝合力經營。
「阿爸在大牌檔賺了第一桶金就去了做物業投資，供樓供鋪。」Martin回憶。人稱「六叔」的父親，買下不少物業。「阿爸45歲已經退休，無做幾十年了，看着你們做。」南哥笑。當年在店，父親的角色是和事佬，夥計扭計、想不通，由他疏導勸解；店務全落在妻子和兒子們身上。
兒子 陸續回歸
73年，南哥和鄉里在父親佐敦道上兩個鋪位搞潮州菜館，間中返陵發幫手。為了子女升學，他87年移居加拿大，照樣做潮州菜。接着老二Martin 89年也移民去了，父親召回在匯豐做文職的老三來接力，舅仔負責廚房。
「媽媽那時是檔口的主力人物，洗切，整大腸，樣樣都是她做。阿爸只是深夜夥計收工去麵檔企三句鐘淥麵。」南哥說。96年，母親因腦瘤做手術，他返港陪伴，頂替母親在店幫手。幫着幫着，父親要求他留下來。一留，就到今天。
「阿媽最辛苦，永不退休。潮州女人又慳又勤力。」Martin也很疼惜母親，母親08年健康惡化，他回港侍奉在側。「我本擬阿媽百年歸老就返回加拿大，我老婆仔女全部在那邊。阿爸叫我留下，說：『阿媽走了，還有我你要照顧噃！』自小，阿爸都好疼惜我，我永遠不會逆他意思。」
事實上，父親心清目明，起居有家傭照顧，Martin還是回鋪了。「阿爸教我們做生意，今日生意好，明日生意不好，唔緊要，顧好出品，保持水準就得喇。」當年，他覺察有出品要改善，忍不住出手。從13歲起，他就在檔口幫父親，主力到街市入貨。回歸陵發後，他也負責早上收貨備料，在廚房幫廚，而最撚手的滷大腸至今仍親自炮製；傍晚開市他轉看樓面，做到凌晨才收工。
夜檔的艱難
雖說64年老字號，除了位處近70年歷史的舊樓，陵發鋪內完全不見殘舊痕迹，磁磚白牆異常光潔。「清潔那方面，阿輝夜晚就算夥計做完，他仍會再做兩三個鐘，夥計抹了他都用乾布捽過。」南哥很欣賞弟弟的勤快。
「用過的東西都爛掉了，現在最舊的是人，我自己都70了，兩個弟弟也六十幾。」南哥哈哈笑。當初，他帶領夥計做廚房，教會夥計就退出來。
每天傍晚，他五點半返鋪開檔，八點左右三弟阿輝回來接手開檔，他就跟樓面，在街上時站時坐，一眼關七。三兄弟各司其職，一埋位就無停手，整晚也沒交談一句。「三兄弟做事一定有摩擦，通常今日鬧完，明天就無事。也沒空去理，沒空去記，明天又開始了。」
這頭新填地街尾，也曾有過霓虹不夜天，陵發不乏江湖捧場客。「回歸前，六幾年七幾年那時代的人很複雜，有時他們打打殺殺，周圍『吹雞』去哪裏哪裏打架，通常有好多在這裏傾大佬指示去做事，他們辦完事回來吃，吃完就走，又不會托你水龍（走數），打架出去打。」南哥在新填地喊打聲中打長大，只記住人家的好。「我們做夜檔好辛苦的，大佬知道我們搵食艱難，也會叫細路仔不要來搞事。」
沙士一役，百業蕭條；自從深圳24小時通關，才是夜檔的真正難關，「跳舞場客、卡拉OK，那些人一班班來消夜，現在都無了。」以前陵發開到凌晨五點；現在兩點已沒甚麼客人，不得不打烊了。
為父 心事
「如果不是阿爸，這裏散了。」嚴肅的老三阿輝提起父親，開始有點笑容，「阿爸對我好好，我傷風感冒看醫生看不好，他就拿藥給我。」
當年兩個哥哥移民，阿輝臨危受命，除了煮、切，甚麼都做，「阿爸教我做人做生意都要老實，兄弟間不要計較。」過去整整30年，除了農曆新年店休6日和每月例假，他不曾放心走開一天，「做飲食要親力親為，我病假一日都無請過；62歲了，歐洲都沒去過。」
「舊老闆六叔日日在窗口同我們打招呼。他眼和耳仔都好好，只是腳行不到。」做了近20年樓面的阿鄭指一指對面大廈說。原來92歲的六叔就住在店鋪對面，雖然要爬一層樓梯才有升降機，也不肯搬走。Martin替他找了一部爬樓梯輪椅回來，圓他的心願。
「阿爸好和善，講理由。以前我在店鋪跟人吵，他就會拉開我去飲杯茶，傾偈緩和一下，回來我就不覺一回事了。」Martin指，父親從八十年代已不過問店鋪事，現在每日望鋪，只是一種懷念、關心。
「看着兒子在做生意，他從樓上望下來都很開心。所以我們有煩惱事都不敢跟他說，只說開心事給他聽。」南哥補充。陵發生意上軌道多年了，客人常回頭，就算市道淡靜，來打冷的仍然絡繹不絕。「現在不做好似好可惜，阿爸又在，他那麼開心，惟有維持下去啦！做得幾耐得幾耐。」南哥身體大不如前，最近才入過醫院；但老父的心，他明白。
Martin和阿輝不約而同希望多做幾年退休去，一個想返加拿大享受晚年；一個想去見見外面的世界。而三兄弟的子女都無人想接手，南哥了解：「以前十五六小時我們一樣捱，回家只是一張床，睡下去，起身就出來鋪頭了。有了錢好像沒了家庭，我不想他們翻版像我一樣。」從前多辛苦他也甘心，「就是想仔女多讀書，到外面找好工作。」
潮州人出名慳儉，「賣花姑娘插竹葉，好嘢、滷水鵝自己捨不得食，要賣出去的。就算鹹蛋一隻都只食半邊，有時花生送粥，自己都是食粗嘢。」南哥一生習慣，吃飯「求其要快」，每晚夥計吃甚麼他就吃甚麼。這夜，他為自己加餸一碗「魚凍」，「即是結凍的魚，汁好似啫喱膏。鯇魚用豬肉汁煮了，又甜又鮮。我由細到大最鍾意食。」
珍饈不及家常菜，最堪咀嚼的，還是親情滋味。
撰文：韓潔瑤
攝影：關永浩
陵發潮州白粥
地址：太子新填地街625-627號地下
營業時間：從缺
電話：6440 7169
詳情： http://bit.ly/2Llve08
本食評為親身食記,非酒店公關宴請打手評論
http://www.mrlamsan.com/2019/02/Hoi.html
海景嘉福既海景軒中菜一向有名氣
原因有香港中菜代表之一既梁輝雄師傅
曾得到米芝蓮一星既肯定嘉許
喜愛中菜的食家,未食過師傅既手藝都聽過其大名
2018年40周年入行記念更推出限定套餐,可惜沒緣品嚐
今次菜單
點心拚盤(松茸菌燒賣,鳳冠竹笙素餃,狀元茶粿
花開富貴湯
沙窩煎封銀雪魚
水晶牛肋肉
欖菜玉珠
龍皇珊瑚煎米粉
黃金脆奶卷
蛋白杏仁露
自家製辣椒醬,配以點心有提味增鮮的效果
點心拚盤(松茸菌燒賣,鳳冠竹笙素餃,狀元茶粿)
松茸菌燒賣
燒賣上放了一片松茸片,剛上菜時還以為是鮑魚片呢!
肉質彈牙,多了一份清香味道,賣相更美更豪華
狀元茶粿
原來其中一款煎脆了
一口咬下有2種不同的口感
一面是脆身,一面是Q彈質感
原來亦都係招牌之一
鳳冠竹笙素餃
餃皮薄而有彈性,味道新爽餡料豐富,素餃亦可令人回味
花開富貴湯
喝的是手工技藝與心機,再加一些貴氣 (黑松露片)
是以前香港富豪飯局的天價湯
以極細緻既刀工,將滑豆腐切絲成花一樣
湯底是用慢火燉煮而成,上菜時再即刨數片松露片
一碗湯,視覺與味覺的享受
吃完點心,細味湯品,喝一口茶,靜待其他美味現身
沙窩煎封銀雪魚
用上肉質鮮嫩既銀雪魚,煎封過,魚肉外層脆身
再掛滿醬汁,吃起來咸淡剛好
魚肉非常嫩而有肉汁
水晶牛肋肉
原個水晶梨起肉留外殼
再釀入牛肋肉
曾於數年前美食大獎中取得金獎
上菜時賣相已令人很有驚喜,原個梨肉置於碟中央
伴碟是雕花的菜
牛肋肉要切開梨身才華麗登場
一刀過後,主角牛肉登場
雪梨已煮至軟身入味,輕刀已能切件
牛肋肉煮至肉質柔軟,肉汁豐盈甘甜
伴以牛肋肉汁與梨肉,三者味道平衡味美
果真如藝術一樣的精品料理
欖菜玉珠
又係一道巧手功夫菜式
將平凡的冬瓜變身名菜
上菜時如一串玉葡萄,晶瑩剔透
欖菜玉珠
以冬瓜起肉成球再將中間起肉再挖空
中間置入橄欖菜
上菜漂亮精緻之外,非常有創意
口感非常清爽,味道很有驚喜
係一道素菜
有少許紅辣椒碎提味,食來有口感又有營養
令不喜歡吃菜的人也會愛上的菜式
龍皇珊瑚煎米粉
煎過既米粉
加上由東星班與多種食材勾芡汁再澆於米粉上
星班肉甘香肉鮮嫩
食材有蝦,番茄,菜絲,蛋白煮成的龍皇芡汁
用料名貴新鮮,令人回味
黃金脆奶卷
即炸鮮奶
賣相小巧精緻,外層香脆,包著雪白的鮮奶
口感綿滑奶味濃郁,極考師傅的油火控制技巧
實在令人讚不絕口
蛋白杏仁露
甜品又點少得一碗招牌杏仁露
蛋白加入煮熱的杏仁露中
輕輕拌勻,入口絲絲蛋白,幼滑香甜
地址
尖沙咀麼地道70號海景嘉福酒店B2層
B2, InterContinental Grand Stanford Hong Kong, 70 Mody Road, Tsim Sha Tsui
http://www.hongkong.intercontinental.com/zh-hant/promotions-and-offers/hkh-dim-sum/
訂座請致電 +852 2731 2883 或電郵至 hoikingheen@icgrandstanford.com。
#香港美食
#米芝蓮推薦
#中菜
#美食
https://goo.gl/maps/a5rASqsiRcq
