「爆到咁都乜乜乜」或者「睇下幾時物物物」
今日英國首相Boris Johnson宣布，暫時（等埋最新數據，12號最終決定）確認7月19號將會解除所有抗疫限制，即係唔再靠法律強制室內戴口罩、社交距離、 聚集人數等等，交由國民自行決定。嗱，hold住個情緒先，唔好「爆到咁都乜乜乜」或者「睇下幾時物物物」住，事實上英國都有部份專家提出反對嘅，無興趣亦唔打算引戰，只係希望從肥波呢個宣布，令大家了解下英國政府點解會有咁嘅決定。
英國政府做呢個咁「危險」嘅決定，背後主要係基於三大理由，國民自由嘅原則、科學數據、英國人（特別係肥波本人）樂觀勇於挑戰嘅民族性。
疫情開始嘅時候，大家都記得肥波同英國政府滿不在乎，結果發覺瀨嘢就改變抗疫政策，响疫苗出現之前，經歷咗lockdown、立法、嚴正執法甚至鼓勵篤灰呢啲個階段。 撇開緊急國家醫療危機處理角度，其實一路以黎响政界左右翼都有反對政府呢類靠執法同管制嘅抗疫方法。佢地嘅理由係抗疫係應該主要去教育國民，而非靠法律或者懲罰。最擔心嘅就係怕英國變成Nanny State，哪怕動機本來係保護國民也好，政府剝削咗某啲有啲自由之後，國民要攞返就好難。
呢個情況唔係未試過，响第一次大戰前夕，當時擁護民主自由嘅執政自由黨宣布限制酒吧嘅開放時間，聲稱戰後會變回正常，結果越黎越嚴，去到八十幾年嘅今日酒吧嘅賣酒時間都仍然有限制。無錯嘅，飲酒好閒，口罩同人數限制都係為大家好，但自由嘅原則就係咁大。
事實上，今次解除限制嘅用意並唔係叫所有人盡情當無事發生，反而係因為要教育嘅嘢教晒，而教訓亦都受咗，所以政府主動取消啲法律，將自主權交返比人民。例如唔係呼籲唔戴口罩， 人多黐身黐勢，只係希望國民學識無法律規管之下自己衡量選擇做同唔做。正如其中一位內閣大臣Robert Jenrick所講，
“We’re going to have to learn to live with covid now. It will be a different phase because we’re going to move away from the state telling you what to do, with very restrictive rules and laws to us all exercising our own good judgement and personal choice.”
（我地要學懂與呢個病毒共存，進入另一個階段，唔應該靠嚴格嘅規矩或者法律由政府教大家點做，國民係要行使個人判斷同選擇。）
好喇，咁樣解除抗疫規矩同法律限制係咪等如草率妄為呢？呢個就兩睇，部份醫療專家當然覺得等到全民注種，最好清零先解除。但呢個就係經濟與社會民生同公共衛生嘅平衡。現時疫苗嘅注種率接近六成（兩支），每日感染人數係二萬幾。純以感染數黎講緊係高啦，不過依家要考慮其他數據，例如病發需要入院人數（一個星期250-350個）同死亡率（一個星期平均15-20個）。與上一波疫情比較，同樣嘅感染人數（上年大概十月尾），入院同死亡率跌咗95%以上（當時每日死500人）。
明白病毒同感冒或者流感係有好大分別，但英國每年平均死於流感嘅人數係大概10,000（平均每日三十幾），而近年流感高峰期死亡人數最高嘅係25,000人。疫苗注種開始，四月初步解封後到今日，死於病毒嘅人數的確係底過流感嘅平均數，跌出二十大全國死亡人數最高疾病。講咗唔係要拗，只係想講點解英國會有傳媒或者政客會話國民需要學習同病毒共存，好似每年嘅流感一樣。
最後就係好大部份嘅英國人（同政界）嘅民族性，大家有無發覺，由邱吉爾、戴卓爾到今日肥波都好，無論國家情況有幾差，佢地都宣揚樂觀面對。政府响背後絞盡腦汁， 拗到頭都爆差啲亡國也好，比完心理準備，就希望國民保持樂觀面對困境，絕少賣悲情亡國論。其實今次都係一樣，肥波講明預咗"Freedom Day"之後嘅感染人數可能會升到50,000，既然選民唔鍾意咪比返自由選擇權你地囉，唔通永續靠法律同懲罰抗疫咩？
“We must be honest with ourselves that if we can’t reopen our society in the next few weeks, when we will be helped by the arrival of summer and by the school holidays, then when will we be able to return to normal?”
文化、背景、情況、心態，所有嘢都唔同，拗乜春？
本來係Patreon原文：
"Freedom Day"背後的自由原則與科學數據爭議
https://bit.ly/3hHw8GJ
#請唔好再問點解唔戴口罩
#爆到咁都乜乜乜
#睇下幾時物物物
#肥波是森林的鳥嘅代表
報導：
《BBC》Most rules set to end in England, says PM
https://www.bbc.co.uk/news/uk-57725523
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk
