【澳洲《ABC》專訪肥彭：自嘲式開炮】
「覺得嗰啲我走嗰時都未出世嘅年青人，會受（我）呢個75歲過晒氣嘅外交人員影響，呢個諗法真係荒謬到有啲智力都唔會講或者寫得出，唔係覺得可信呀？」
今日唔會對內容翻譯，因為澳洲《ABC》電視台網頁有中英文版，雖然取材角度有些小唔同，但內容大致一樣。但係想講嘅肥彭作為老經驗嘅政治家，幾咁有自知之明揀位去踢爆嗰啲政治宣傳。
老老實實，離任22年嘅最後一個港督現年75歲嘅彭定康，唔好話對香港，就算响英國本土嘅政治影響力細之又細，極其量不過係一個上議院議員。哪怕係整個上議院，响英國嘅議會政治裡面，都係一個象徽性嘅議政機構。因為佢係最後一個港督嘅身份，所以佢嘅評論會被注視，呢啲好多人都知，連佢自己都知，而呢個就係佢作評論嘅立場（好鬼馬，自己笑自己，對家無得拗）。
佢個訪問主要玩爆三個大家經常聽到嘅propaganda，「緊係英國佬埋地雷，搞到依家啲細路咁」（喂呀，我走嗰時佢地都未出世，你用廿幾年自己教出黎㗎喎！）。「英國佬以前都無民主啦，點解依家又要呀？」（97同依家過咗幾多年，22年喇喎，自己做過啲乜，依家又做緊咩呢？係咪要問下自己，點解令一整代人唔只要求民主，仲有啲想獨立呢（意思係咪想話「又唔見以前我做嗰時啲人咁諗？」）。「聯合聲明過時無效啦，仲攞黎講？」（如果一個國家經常無視答應咗嘅國際條約，咁就好得人驚囉。）
P.S. 响《ABC》中文版係有報導肥彭對BNO嘅問題嘅睇法，呢一點佢答得好詭秘。佢話自己覺得英國政府持開放態度表態，不過香港人嘅前途始終係取決於中國。嗱，唔好做怨婦住，以佢嘅身份緊係知道當年好多關於BNO嘅嘢，點解當年中英同意BNO嘅存在但又無居留權。睇完尋日下議院外交委員會個報告，加埋肥彭咁講，睇黎BNO係一張係英國內政嘅外交牌，大家想象下，唔好話一刀切平權，假如廢國定一條特別移民政策比BNO，香港會唔見幾多人同幾多錢？
#ChrisPatten
#肥彭老謀
Video Source：ABC
《ABC》報導傳送門
英文版：
https://www.abc.net.au/news/2019-11-06/hong-kongs-last-british-governor-lashes-chinas-black-hand-claims/11676130
中文版（簡體）：
https://www.abc.net.au/chinese/2019-11-06/hong-kongs-last-british-governor-chris-patten/11676702
肥彭老謀 在 院長論- [讀肥彭演講新聞有感] 肥彭老了很多, 大概要叫老 ... - Facebook 的美食出口停車場
[讀肥彭演講新聞有感] 肥彭老了很多, 大概要叫老彭了。 ... 誠如老彭所說, 客觀上香港現在沒有獨立的條件. ... 要的是有勇有謀之士, 也要更多的見識與洞察力。 ... <看更多>