JARvelogue ／《日本自動售賣機的「售罄」其實未售罄？》
尋日係直播問過小朋友們一個問題 :
「日本的自販機 (自動售賣機) 上顯示飲品 「売切」(售罄)，原來並不是完全沒有貨，機裡面其實還剩下一罐的，原因是甚麼呢?」
無睇直播嘅朋友，諗三十秒再喺下面睇答案啦⬇️⬇️⬇️
自動售賣機嘅「售罄」其實未售罄？究竟點解呢?
自動售賣機、相信大家去日本玩一定用過。無論係茶、果汁、咖啡、定係熱辣辣嘅罐裝粟米湯都買過。當「売切」燈亮起，好簡單、就係代表賣完，你點入錢、點撳掣都唔會有嘢跌出嚟~ 不過其實就算「售罄」燈亮起，嗰款飲品喺部機入面都最少會淨返一枝／一罐！點解？！
到底點解會有呢個設計呢？答案同日本人嘅貼心諗法好有關係。其實係因為當飲品售罄，喺下一次補貨之後，如果有人即刻就撳機買嘢飲，咁新加嘅貨品就未趕得切雪凍或者加熱，咁買嘅人就算買「凍飲／熱飲」，都只會買到罐唔凍唔熱嘅「室溫飲」。如果你冬天凍冰冰想飲罐熱辣辣嘅粟米湯、但發現出到嚟唔熱嘅、你都會失望啦? 為咗避免呢件事發生，所以機內每款飲品，最少都有淨返一枝／一罐，作用就係 : 未雨綢繆！
聽完呢個小小冷知識之後，係咪覺得個諗法好貼心呢？如果大家想知多啲日本冷知識嘅話，之後我再分享過啦~
#JARvelogue
#係圖文不符嘅
#我想搵返張同自販機嘅合照但原來我無
#所以誠邀郵筒頂住檔先
#尋日嘅Live聽講反應唔錯
#聽講之後仲有喎
#密切留意之後嘅日期啦
聽講之後仲有喎 在 澳大教育學院學生會FEDSA - 今日就係園遊會啦 ... 的美食出口停車場
除咗有 音樂學會嘅同學表演 澳大眾多隱世歌手嘅表演 仲有 ♀️花式跳繩跳舞 ♀️魔術聽講仲有雀仔睇添 之後仲有bingo呀 快啲約埋三五 ... ... <看更多>