關於 職工頭圍用膳 ，我們在網路上蒐集到這些相關的討論、資訊與評價

快樂就是
吃想吃的食物😋

炎炎夏日
雪櫃常備淺漬蔬菜🥒🍅🥕

。。。

右上角係牛丸
職工頭圍用膳菜單係～
牛肉牛丸獅子狗菜心烏冬，附炸魚皮

我要減肥遮
仔女要飲食均衡😆

#整咁多嘢係麻煩左啲
#所以我一開始就話好快樂囉😂

✨✨年糕Tasting x 咖喱年夜飯的馬拉松聚會✨✨

終！於！收！爐！了！

這個農曆新年，真是非常忙碌而充實。我們這隊baking team女工，竟然要焗到年廿九才能正式收爐。不過這班很chill的女工們，在密麻麻的沉重時間表內，都不忘要找些樂子來放鬆心情。

某日回來打算瘋狂印模的時候，望著擺滿半個雪櫃的年糕，才知道Jan老師在深夜時分，斷斷續續蒸了很多款不同的年糕。我們忽發奇想，將所有曲奇放入焗爐後，即興來個年糕tasting午茶大會。

雖然只是一頓簡單的偷閒午茶時光，我們都分工合作，一個幫手洗碗、一個收拾桌面、一個煎糕，還有一個做table setting，務求用最短的時間，將這個中式糕點的熱鬧氛圍呈現出來。最後大家圍在一起吃著各式咸甜糕點，都打趣說我們現在是否職工頭圍用膳中？

不過我這位不太喜歡蒸糕的傢伙，吃著滿桌的足料美味的蘿蔔糕芋頭糕薑汁年糕薑汁紅棗糕的時候，不禁佩服Jan老師竟能夠如此有毅力，竟挑燈夜戰獨自做出這麼多款式的糕點送給長輩。

又在某日，大家埋首苦戰海量macaroon的時候，坡坡同學見難得齊人，心思思想來個Singapore style的豐富年夜飯來歡聚一下，我們幾個當然舉腳贊成。於是趁天色還未算黑，大家立即衝到街市買齊材料，然後快樂煮飯。大家分工合作，不消一會，一個超級豪華的palace style的咖喱年夜飯就變出來了！

這一年來真的很感謝坡坡同學，常常不辭勞苦地煮很多連街外都吃不到的東南亞菜式，讓團友們大快朵頤。我很喜歡這類用上很多香料的料理，可是卻完全不懂得如何使用，有些甚至連名稱都不懂得。常常一邊吃飯一邊請教坡坡同學，實在獲益良多。

昨日是農曆新年前最後一次過來studio，我們幾個經過一輪馬拉松式烘焙之後，終於望到終點，卻已經開始四肢無力。Ophe見大家累到不得了，放工前send來我們朝思暮想的12味的外賣紙，讓大家盡情點菜，她負責將外賣拿過來studio! 我們真是感動到不得了，Ophe果然是我們最貼心可愛的成員呢。我們快快手做妥所有包裝後，便立即快樂地吃收爐宴了！

今年雖然難捱，但有一班好隊友常常鬧烘烘地大吃大喝，真是苦中一點甜。期待明年疫情真的退卻，我們可以外出盡情吃喝盡情旅遊盡情一起研究烘焙新意念！

這一日離我們不遠了，念力念力🧧🧧

------------------------------------------------
🐿jan's cake shop

有個中學同學3年冇做嘢，屋企叫做小康之家，未去到富二代，但可以唔使畀家用，間唔中仲可以問阿媽攞錢，咁已經爭好遠㗎喇。

我哋圍內幾個相熟嘅舊同學其實有不斷彈啲工畀佢，特別係我做headhunt嘅時候，差唔多兩星期msg佢一次：「喂，有份CS唔錯，唔使經驗，先上兩個星期training，就算之後唔做，呢兩個星期training都照計人工，有七千幾㗎，你轉正就萬幾，做住先啦，呢間公司唔介意你成年冇做嘢......」

都未講完，佢已經一句ban埋嚟：「CS咁受氣，香港人又鍾意投訴，唔使預我！」

當然啦，我唔止介紹過一份工畀佢，但呢位舊同學係見都唔去見，某次有份文職佢表現得好有興趣，然後叫佢send份CV嚟，成個月都未send，追佢，又話今晚整，佢個「今晚」＝ 「一個月」，最後不了了之。

另外幾位中學同學勁啲，介紹畀佢啲工直情見都唔使見，拍膊頭就得，識人好過識字就係咁解，只要嗰位量地三年嘅同學say yes，有帶身份證去，而去到又唔係無啦啦發羊吊或者爆粗鬧人，有手有腳有呼吸就請㗎喇，因為份工嘅來源係中學同學啲friend，甚至係佢哋自己開嘅公司，完完全全係打友情牌。

講咁多都冇用，失業同學唔領情不特止，仲次次都批評到啲工體無完膚，問心幾位中學同學介紹嘅幾份工唔算太差，文職又有，門市工又有，起碼唔係叫佢去擔泥或者做鴨。

唔係擔心佢冇錢，係擔心佢一直懶落去會同社會脫節，會適應唔返個節奏同埋步伐，不過佢總係講到自己胸懷大志，要搞生意要呢樣嗰樣，好多諗頭，又從來唔實踐，有次佢話要幫我出書，我問：「你做過印刷咩？你識排版咩？有相熟發行咩？」佢答我：「唔識呀，學囉，有幾難啫！請個part time幫手都搞掂啦！」🤷🏻‍♂️

其實另外幾位中學同學而家都發展得唔錯喇，我哋幾個都有捱嘅時候，經歷過放下身段嘅日子，當你拋開呢啲心理枷鎖去工作賺錢，證明你已經懂事，知道生活中嘅柴米油鹽醬醋茶係不可或缺，有啲現實始終要面對，辦公室日報個月曆都印過~~~有時要做一件鍾意嘅事，首先要做一啲唔鍾意嘅事。

呢啲係過程，冇可能一步就做到CEO。

讀中學時喺屋企附近酒樓做兼職侍應，嗰陣我已經學識放下身段，放下面子，因為經常會遇到住附近嘅同學仔成家嚟食晚飯，你估我唔怕瘀咩？你估間酒樓嘅職工頭圍用膳好食咩？同豬餿冇乜分別。晚晚做完兼職返屋企都散晒，大時大節見到人哋成家嚟食飯，我仲會好羨慕。

不過當有一日你可以用面子嚟賺返錢嘅時候，即係你已經有少少成功，唔多，可能真係少少，唔一定要做名人，例如我識得啲人做sales，有啲客唔係畀面你公司，係畀面你，你轉去邊間公司都一樣，個客係信你，個客係buy你。但若然你仲係停留喺吹水唔抺嘴，講就天下無敵，做就有心無力嘅階段，Retail工又話唔想拋頭露面驚冇face，辛苦又嫌辛苦，hea工又嫌冇前途，人哋有工返你又睇唔起，人哋冇工返你又笑鳩人，咁可能已經代表咗，你呢世都只係得咁多，鴻圖大計流於紙上談兵，你統治嘅只有自己幻想出嚟嘅地球。