<<如果 聖誕老人送禮物給香港小朋友>>
聖誕將近，聖誕老人和他的精靈們正在準備這一年的禮物清單。不知道今年聖誕，世界各地的小朋友最想要的禮物會是什麼？
「呵，呵，呵～乖嘅小朋友自然會有聖誕禮物，」聖誕老人整理着他的皮帶說：「精靈，今年世界各地嘅小朋友想要乜嘢？玩具，文具，定係新衫？」
精靈大笑了一下，再把禮物清單拿給聖誕老人說：「咩年代呀？而家嘅小朋友最想要嘅，梗係平板電腦同電話啦。」
聖誕老人皺一皺眉頭，翻着文件，看着清單，輕輕慨嘆。忽然間，他留意到第13頁的清單上，那些小朋友們想要的禮物欄是懸空的。他疑惑的看着精靈問：「點解依班小朋友無想要嘅聖誕禮物嘅？」
精靈戴起圓形金絲眼鏡，看一看清單再說：「哦！依個地方我哋手頭上無資料呀。唔緊要啦，唔好理佢哋住啦，橫掂我哋有咁多小朋友要送禮物，都可能送唔晒。」
聖誕老人搖着頭說：「唔得，一個都不能少！聖誕節係每個小朋友最期待嘅節日，我唔可以令佢哋失望。」他向着鹿車的方向走，再向精靈問：「我要去睇吓佢哋想要咩。精靈，班朋友嚟自邊度㗎 ？」
精靈緊隨其後，看著地圖說：「依個地方叫做⋯呀！叫做香港。」
童年的你有沒有試過把襪子放在床頭，期待睡醒後，入面會載着你期待已久的玩偶？曾經我們夢寐以求的，也可以輕易擁有；今天呢？今天我們夢寐的又是否可以垂手可得？
「精靈們，快啲幫我去問下香港嘅小朋友到底想要乜嘢聖誕禮物。」
聖誕老人把鹿車降落在國金大樓的天台上，廣告牌光得刺眼，他看着這個璀璨的城市，費解着這城繁華背後，到底小朋友們心裏埋藏着的是怎樣的訴求？
「叮叮⋯叮叮⋯」過了不知多久，聖誕老人的手提電話響起，一段又一段小朋友的錄音終於傳送到他的耳邊。
「聖誕老人，我想要個豬嘴，咁樣出街就唔會再咳，個身唔會再痕。」
「我想要隻熊公仔可以攬住瞓，因為我每晚聽到Bibu Bibu都會好驚，驚到瞓唔著⋯」
「我想要好多好多紙巾，因為爹哋媽咪晚晚睇住電話都會睇到喊，我唔想佢哋喊。」
「我想要記憶麵包，因為即使我消失咗，我唔都想大家會唔記得咗我。」
「我想要支神奇藥水俾爸爸，佢前排無返屋企幾日，返到屋企就全身傷哂⋯」
「我想要一個擁抱，我想我嘅父母覺得我做緊嘅嘢係正確。」
「我想一家人再一齊食餐飯，我唔貪心，一餐⋯一餐就夠。」
「我想哥哥陪我過聖誕，我唔想下一次見佢，會係10年之後嘅冬天⋯」
「我想街上邊嘅哥哥姐姐全部都可以返屋企，可以過一個開心嘅聖誕節。」
因為是聖誕節，我們也不會說謊。這班天真的小朋友想完成的，就是這些打從心底裏最單純，而又最直接的願望。
聖誕老人聽所有錄音，唏噓的嘆了口氣。再回到鹿車上，拿出禮物清單的文件，在第13頁寫了「香港」的位置旁，吸了一個「批准」的印章。
精靈看着聖誕老人，苦惱的提問：「但係⋯但係我哋未查清楚班小朋友嘅背景喎⋯ 可能，啲禮物會唔夠㗎⋯」
「精靈，唔需要查啦。因為⋯」聖誕老人看着維港的景色，再微笑着說：「因為，佢哋全部都係好乖嘅小朋友。佢哋值得擁有快樂，值得擁有童年，值得擁有快樂嘅童年。」
人大了，聖誕樹也不再高了，裝禮物的襪子也容不下我們的慾望了；就如這個璀璨都市，彷彿也快要容不下，這一代小朋友的快樂了。
「Merry Merry Chirstmas，Lonely Lonely Christmas⋯ 明日燈飾必須拆下，換到歡呼聲不過一剎。」
這個聖誕，也許我們都寂寞。
老人微笑梗圖 在 [閒聊] 遊戲王MASTER DUEL 新手我真的很抱歉... - 看板C_Chat 的美食出口停車場