兩年前嘅一個晚上，我見證咗一位豬隊友嘅誕生！
話說Agnes、Jack、Phoebe係我舊公司嘅幾位波友，大家間唔時會約埋打羽毛球，而自從「Book場達人」Agnes離職之後，大家就冇再打波，直至兩年前嘅一個晚上，呢個羽毛球WhatsApp Group突然死灰復燃。
Agnes：「不如book返場打波啦，好耐冇運動喇。」
Jack：「喂聶瞳，知唔知Agnes係咪轉咗行做傳銷呀？」
😨我睇到O晒嘴，定過神來即刻私底下錄個Voice Message畀阿Jack。
「喂老友，你做咩呀？Send錯Group喎！」
Jack：「我知呀，今次大鑊啦！」
「點解呀？」
Jack：「我騰雞得滯揀錯『為自己刪除訊息』，而唔係『為所有人刪除訊息』，而家call唔返個message出嚟delete呀！」
其實Agnes當時仲係做緊headhunt呢行，只係因為升咗職日理萬機，所以先至少咗約我哋打波，阿Jack呢鋪錯晒，錯得好交關添呀！雖然當時我同Phoebe即刻舉手🙋🏻♂報名，但係Agnes已經再冇任何回覆。
呢一晚，我見證住豬隊友阿Jack誕生，而嗰句「知唔知Agnes係咪轉咗行做傳銷呀？」嘅訊息，就生勾勾咁長留喺個WhatsApp Group直至而家。
估唔到時隔兩年，呢個Group又試翻生，今次又係Agnes吹雞，結果一呼百應（其實都係得4個人😂），最快🙋🏻嗰個仲係阿Jack添😂，吖，條刷鞋仔今次又幾醒目喎。
Jack：「Agnes到時唔好同我一team喇，我驚又整親你呀，sorry呀！」
Agnes：「最衰都係你，今次你同我一team，等我報仇。」
其實阿Jack真係孭晒簿架，當年佢同Agnes一組，我就同Phoebe一組，阿Jack試過揮拍刮中Agnes手臂，留低咗條小疤痕，完全係冇心嘅，個刻全世界好似停左成分鐘。
我：「唔覺意整傷啫，咪當一個印記囉，我以前踢波仲多衝撞，仲多傷痕啦！其實點止打波，平時都成日發生，我喺office差唔多日日刮到啲櫃桶，當日咪送咗支除疤膏畀你搽囉，所以阿Jack唔使再同Agnes講對唔住喇，佢條疤淡化晒，冇事㗎喇。」
Phoebe：「咁上次轉行做傳銷單嘢點計先？😏」
Jack：「Sorry！！🙏🙏🙏」
Agnes：「嗰刻真係唔知嬲好定笑好，下次玩WhatsApp醒少少啦！😂」
然後我哋幾個講下講下，就各自分享以前打波受過咩傷，Agnes問到我：「唔出聲嘅，你又話以前踢波有好多『戰績』嘅，冇受過傷咩？」
我：「有呀，重傷添呀，不過你哋睇唔到咋嘛！當時班波友個個都有拖拍，個個都帶埋女朋友去球場做啦啦隊，我每次望去場邊，都見到人哋個女朋友喺度幫手打氣、遞毛巾同錫錫，我自己就孤零零一個。其實我都係因為冇女朋友先去踢波放吓電，去到球場又見到大家卿卿我我，嗰份傷害大過Agnes條疤好多倍，所以你哋嗰啲所謂嘅受傷簡直係碎料。」
Agnes：「使唔使送返支除疤膏畀你？用過work喎！我都有畀我男友用，條疤好快平咗，顏色淡咗，你睇下，之前條疤已經睇唔到喇！」
我：「多謝喇，當日送畀你嗰支「秀碧®」除疤膏都係做醫護嘅親戚介紹比我，話佢成份專業，係香港衞生署註冊認可嘅藥用配方除疤膏，可以幫你減淡疤痕同埋回復肌膚彈性。冇錯係好勁，不過我呢種疤痕喺內心深處，如果你有女仔介紹畀我識，我嘅傷痕應該會修復得更快。🤭」
然後，佢哋3個靜咗繼而轉埋話題，冇人有興趣介紹女仔畀我識，不過睇住Jack同Agnes和好，都算有份安慰獎啦！
佢哋冇介紹唔緊要，我有！想主動出擊淡化傷疤，即刻去下面個網址買返支喇！
👉https://bit.ly/2TJ8ez1
德國秀碧 Contractubex
#德國秀碧除疤膏 #全球No1暢銷除疤品牌 #你的專業皮膚修復師 #衛生署認可配方 #唔係所有嘢都可以等時間淡化 #咪再攤凍 #盡快修復
