【美帝將香港推上聯合國】
美帝重整世界，反對全球化之餘針對三個國家（委內瑞拉、伊朗同中國），香港呢張牌已經放上聯合國大枱。
（講咗四十幾分鐘，盡量簡短分享，最憎「好多字囉」嘅慎入。）
今日國際上最矚目嘅新聞，一定係美帝Donald Trump上任後第三次响聯合國大會演說。鐘唔鐘意都好，美帝始終都係地球上最大勢力嘅國家，況且UN都係佢地成立。所以Donald Trump講嘅嘢，某程度上就係美帝對全世界嘅立場。香港人嘅焦點，緊係佢對香港嘅立場（即係將香港牌正式擺入貿易戰裡面）。老老實實，佢提到中國嘅部份不過只係十分一（即係四分幾鐘），而香港亦不過係裡面嘅幾句。不過，當聽晒全部之後，就唔難發現佢狠狠咁批評委內瑞拉同伊朗嘅時候，擺明係要含住啲沙射爆個影，曲中有直嘅抽擊。所以睇戲緊係睇全套，要聽晒前文後理先可能真正了解美帝對中國、香港甚至全地球嘅策略同睇法。
其實上兩年美帝响UN嘅演說，係有啲粗疏同自大，所以國際傳媒係有攞黎恥笑嘅。不過今年就有明顯嘅分別，可能佢嘅文膽、智囊同佢自己嘅國際外交經驗技能解咗鎖。首先大家要明白美帝响呢四十分鐘演講嘅「主導思想」，對地球同網絡（係包埋㗎？！）嘅立場，就會了解到美帝想點重整地球秩序。整個演講嘅「主導思想」係美帝反對全球化（globalisation 呢幾十年黎，全球化最大得益者係邊個？）。佢講明”The future does not belong to globalists（全球主義者）. The future belongs to patriots（愛國者）. This future belongs to sovereign and independent nations, who protect their citizens（保障自己人民呀！）, respect their neighbours（亦識尊重他人！）...”。
明白咗美帝套劇今季嘅重點，係時候睇下美帝對委內瑞拉同伊朗有咩見地（嗱，真係唔係講中國㗎，唔好亂猜測呀！）。美帝對委內瑞拉嘅社會主義（socialism）同共產主義（communism）「予以嚴厲譴責」。 ”Event in Venezuela remind us all that socialism and communism are not about justice, they are not about equality, they are not about lifting up the poor and they are certainly not about the good of the nation.”「好似委內瑞拉咁咪話晒比我地知，社會主義同共產主義就係無公義，亦唔係咩平等，更唔會另窮人脫貧，根本就對國家唔好囉。」結果「剩係做到一件事，就係統治階層嘅權力」（”about one thing only: Power for the ruling class”）。
到伊朗嘅獨裁，美帝有乜睇法呢（真係剩係講伊朗！）？制裁就梗係只會更緊，唔會放生啦。仲要話「你地班伊朗嘅領導人，就係離棄自己嘅國民，推上一隻為你地自己個人嘅財富同權力嘅賊船（鬥爭）。將一個值得自豪嘅國家，搞到成為警世（即係鬼神憎鬼厭）國度」。當然美帝緊係唔會有膽好似對委內瑞拉同伊朗咁，頂撞中國，但係言辭間都非常「跳躍」，可以話係一啖XX一啖YY。作為一個被福地財經演員稱為唔理政治，只係睇錢嘅生意佬，美帝當然係用生意角度插入。不過要留意嘅係，點解提到中國貿易之前，先講美帝同加拿大墨西哥，日本與及廢國嘅deal呢？麻煩大家得閒睇睇到地球儀，諗下呢四個國家嘅區域地點，大概諗到美帝想營造咩國際貿易「俱樂部」。
好喇，中美貿易美帝就由2001年中國入WTO講起，話當年有人幻想有一天中國會同國際自由貿易接軌。但係廿年後事實証明（tested and proven）係絕對錯晒（completely wrong），換黎嘅係唔守承諾，所以美國唔會接受要重整法治精神（RULE OF LAW留心喇，之後就連接到聯合聲明）。唔只玩保護主義，亦操控匯率、貨品傾銷、強迫科技轉移，仲大規模（in grand scale）偷智識產權同商業秘密。所以WTO係需要嚴厲咁改革（drastic change），無理由世界第二大經濟體可以自稱發展中國家（declare itself a developing country）攞別人嘅利益去褻玩個制度（game the system）。咁多年黎就係嗰班全球化理念嘅國家領袖，忽視（ignored）縱容（tolerated）甚至鼓勵（encouraged）呢啲行為，剝削自己國民嘅利益。所以咪加關稅囉，美帝話自己同好多國家嘅國民都得益㗎。
不過，美帝話自己唔係想同中國反面，只係要公平對等咁合作傾個trage deal，重整國際貿易平衡姐。美帝仲話好重視中美關係嘅，（忽然跳掣）但係香港...（鏡頭即刻影住中國代表，由無表情變到即刻要寫嘢）。美帝話全世界都希望中國會遵守（honor）嗰份同廢國簽署，响聯合國登記（registered with the UN）有約束力嘅公約（binding treaty）。呢份嘢裡面講明中國承諾保護（commit to protect）香港嘅自由，法治同民主。而中國最後會點處理依家嘅情況，點選擇（中國）未來嘅國際角色（the role in the world）呢？就完全要睇（all counting on）偉大嘅領袖（as a great leader）習主席喇。美國係唔鐘意同任何國家有衝擊嘅，最緊要互相合作，不過！美國絕不會放棄保障自己國民嘅利益，然後就講伊朗....
P.S. 能夠睇到呢度咁犀利，大家要讚自己嘅耐性同容忍力，請受本人一拜，多謝支持本page嘅廢人廢國廢話！
Video Source: UN TV
#美帝之野望
