【9月目前有七套劇要睇，會唔會睇到嘔？💩】
之前都有分享過，喺疫情之前我好少追劇，印象中近年我只係有睇過《西部世界》同《美國恐怖故事》，舊年一個疫情令我一個月追劇數量，應該係近十年總和，一年後開始要還喇😂
除咗Marvel劇，今年好少有完整咁追套劇，又或者講今年冇舊年咁無聊，你都唔會亂咁開劇嚟睇，但一堆喺一年前陪我度過人生最低潮嘅劇，續作竟然一嘢全部喺同一個時間推出－－當然唔計《黯衣天使》、《修女戰士》之流爛劇，全部都會令你想睇落去，一嘢咁出，喂好唔得閒姐。
私心推薦：《What We Do In The Shadows S3》（2 Sept）
令Taika Waitit成功全球爆紅嘅《低俗殭屍玩出征》劇集版，就好似大台嘅《愛回家》咁，講班吸血殭屍日常生活，唔似《愛回家》咁無聊，重點係堅有創意堅好笑，上兩季笑到頭都痛埋，係我一年前人生最低潮時幫到我開懷嘅爆笑劇集，可惜講極都冇人信好睇，第三季又嚟，如果唔開心嘅你，真心俾個機會佢丫，第三季未睇唔敢講，但頭兩季，尤其是第一季，你一定會笑爆嘴，保證唔會失望。首兩季觀後感：https://wp.me/p73fGk-6ZS
。
《美國恐怖故事 S10》（25 Aug）
上幾季爛咗，今季疑似原班人馬返返嚟，睇條預告好正咁－－雖然佢每一季預告都好正，但... 你懂的，第十季玩到Double Feature，唔知又搞邊科（其實我覺得第六季已係好似兩個故事咁）
。
《紙房子 S5》（3 Sept）
雖然第4季跌咗watt，但喺個最緊張嘅位突然完咗，第五季睇條預告應該再一次係電影級大製作，成日話呢套係我人生最愛劇集頭幾位，點都睇落去！首四季觀後感：https://wp.me/p73fGk-6tf
。
《絕夜逢生 S2》（8 Sept）
尋日分享過，第一季係最無厘頭最唔合情理最犯駁劇集之一，但你唔好理，喺咁反智情況下又堅緊張到可以一日睇曬。問題係，第一季最緊張嘅故事線明顯完咗，第二季仲可以講乜？第一季觀後感：https://wp.me/p73fGk-6Nw
。
想睇新劇：
《致命點擊》（25 Aug）
一個家人眼中嘅大好男人俾人捉咗，話佢有段不為人知嘅過去，迫佢拍條片，如果有500萬點擊，佢就會死，到底佢有咩秘密？題材順便諷刺埋網上呃Like呃Click現象，配呢類調查陰暗過去式故事，Netflix最拿手，有保證嘅
。
《魷魚遊戲》（17 Sept）
一如《今際之國的有栖》「玩Game式」題材，搵埋李政宰、孔劉等大卡士，仲有《無聲吶喊》、《南漢山城》導演，有睇頭喎
。
加埋仲追緊嘅《What If...》同夏日國際電影節，八月尾開始應該好唔得閒😂
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
美國恐怖故事第三季netflix 在 詢問美國恐怖故事是不是要下架了 - Netflix板 - Dcard 的美食出口停車場
B29 第一季鬼故事，人死後留在屋子，還有惡魔之子撒旦的故事第二季是瘋人院，也有點惡魔附身的，然後有折磨類的，故事背景是瘋人院第三季是女巫團， ... ... <看更多>