1問：記者被打，為甚麼不問問自己是否報導偏頗，挑釁示威者？
答：私煙BB如果被人非禮，為甚麼不問問自己是否衣着性感，挑逗了色狼？BTW，佢絕對唔係妓女，因為妓女只係出賣肉體，唔會出賣靈魂。
2問：曾健超被打，咁多個示威者唔打係要打佢，一定有啲原因。
答：梁振英被要求下台，咁多人唔下台係要佢下台，一定有原因。你問吓體育同宗教界仲有月入萬四蚊以下嘅人就知啦。
3問：你哋班廢青缺乏向上流動機會，係社會上嘅失敗者，所以先借機搞事，係咪？
答：我已經3字頭，無資格做廢青，最多係廢佬。第二，你係咪認為香港除咗李嘉誠同埋已經供完層樓嘅人，其他人都係失敗者呢？第三，如果真係為咗向上流動嘅機會而搞事，點解我哋唔直接嗌口號「我要加人工」、「我要分身家」，而要咁迂迴曲折嗌「我要真普選」？唔通「公民提名」可以換到一間公屋咁筍？
4問：爭取民主點解唔直接去北京，而要匿喺香港扮勇士？
答：你部iPhone壞咗，你都唔會拎去美國總部叫人維修吧？香港有分店代理㗎嘛天才！特區政府有責任推動普選㗎。Sorry，你可能係用小米，要去華強北路。
5問：香港咁差，點解唔移民外國？
答：你去飲茶，同侍應投訴個叉燒包好耐未嚟，侍應話「你做乜唔去隔籬食西餐？淨係識投訴！廢青！」
6問：你哋唔要梁振英，你話邊個做特首你先滿意啊！你講啊！
答：你要同我分手？你講啊！你想搵邊個做你男友你先滿意啊！唔准分手啊！繼續同我玩SM！
7問：點解警察唔拉嗰個爬獅子山嘅暴徒梁笑棠？點解港大中大嘅校監唔辭職？
答：請不要放棄治療。
維修香港非禮 在 關懷社區服務隊- 【 聲明（2021年8月）】 維修香港的態度一直 ... 的美食出口停車場
維修香港 的態度一直是對任何性暴力絕不姑息。 自2021年4月非禮事件於工作外的休閒活動中發生，我們已勒令肇事人離開組織。團隊一致支持事主循 ... ... <看更多>