Search
<貓草挑戰最終回＞
呀，我又種草了！！ 試左3次後，最終還是回歸用泥種～
因為味道上，和生長上還是用泥的好。
但為什麼種那麼細盆？因為以泥種的貓草來說，會長很多很快....
快到主子食唔切。
而且就只有PP一個食，所以一次種太多會浪費.......
而同一盆放太久會有小蒼蠅。
所以以經驗話我知，收割到3次，就開始種定下一盆仔.......
那麼應該就無咁易長小蒼蠅了。
umm.......第4回的決定，暫時就是這樣了～🤣😗
#超長文慎入 #低能分享 🙈
最近天氣時冷時熱，大家真係要小心身體。前幾日廿幾三十度，今日又得返十幾度... 出門特別郊外真係要做足準備。
雖然話我沉迷野餐，其實我都想去沉迷行山㗎！ 只係迷路迷路又迷路...咋嘛👉🏻👈🏻
今日同大家分享返啲低能野🤣
#迷路是為了看更好風景
#錯敗中找樂趣，#人生課程咪咁囉🤣🤣
話說前排就同同學媽媽一齊。2大3小學人挑戰行山。 雷小囡嘅交通工具主題，帶完佢搭渡輪⛴️叮叮🚃， 又想帶埋佢搭纜車🚡 ！ 所以決定去山頂⛰️
2個傻的媽，原來計劃行程是咁的：
出發去金鐘，行去纜車站搭纜車到山頂⛰️
再行盧吉道落返薄扶林水塘。
就咁睇，45-60分鐘路，非常啱新手（我有請教專家朋友）
但事與願違😂😂
當日同今日天氣差唔多，天陰陰，山下我著中袖裙，加外套，剛好。一上到山頂就出事，大風到發發聲！好睇出門前，幫雷小囡換左件小羽絨（估唔到用得著） 我就凍到震🥶
搭纜車上到山頂，山頂廣場旁邊已經有一條分叉路。本來想行盧吉道，落薄扶林。 但覺得已經太晏，不如改去行落香港公園，再搭車返屋企快啲吖嘛。
本想行盧吉道落舊山頂道，點知俾幾位地盤叔叔嚇親，佢話呢度行去廁所🚾、冇路落山。
咁佢地喺果度做野，貌似信得過啦！ 咁我地行隔離啦！
又有個好心嘅女士話： 呢度唔係落山㗎，咁晏，你地唔好行喇，圍山頂兜個圈算啦 。
我地又衰衰地，講完唔該又死心不息。繼續行另一條路🤣
三心兩意下，講嚟講去，都係去薄扶林啦！
😅就咁踏上「必」歸路🤣🤣
我地最後揀左 「夏力道」。沿途行下傾下，途中仲有個休憩地方。小朋友玩下食下野。時間過得好快。行行下，天色開始昏暗，經過一個小涼亭，就喺呢個時候出事了....
原來分叉路口我地行錯左返盧吉道🤣🤣
🌃個天越嚟越黑，行行下發覺我地個地圖離目的地越來越遠...
好彩沿途遇到跑步🏃♀️人士，不斷問路。
🥶其實自己個心好荒，但正所謂 #為母則強 ， 喺啲小朋友面前仲要扮震定🤣
最終，原來我地喺「盧吉道環迴步行徑 」圍住個一山頂行左一個圈，用左差唔多2小時🤣🤣
雖然好驚，但沿路見到香港嘅夜景🌃確實特別迷人🥰
到最後行返山頂廣場，出發果個三叉路口🤣
再細問之下，原來我揀第一條路係正確嘅🤣
錯在信錯人🤣🤣又係一個唔錯嘅經驗。
其實迷路又有乜好怕woo！ 雷小囡仲好囂張咁返屋企同爹地講：
爹地，知唔知點解迷路唔洗驚吖？
#因為地球係圓㗎嘛！ 一直行一定返到屋企㗎！ 🤣🤣
（媽媽心諗：其實唔一定㗎！阿囡😅😅 不過有事可以搵人求救嘅）
呢個故事教訓我地，出發前一定要規劃好路線。問路時要問多幾個🤣
📣一定要讚下4歲嘅雷小囡，8點起身返學。放學後食完飯就出發。一直冇瞓過冇抱過。到迷路嘅時候，我地大人都行到腳軟，問佢要唔要抱一陣，佢仲堅持唔洗抱！
我見佢個樣攰到咁，忍唔住強行抱佢行左幾步，佢又堅持要落地。
🥰呢下媽媽我好感動。呢個人仔擔心我抱佢辛苦。寧願自己撐住。迷路2小時冇停過...
一直到纜車站，一上車即時斷電！ 瞓到落車、落車後再邊行邊瞓，一直瞓（行）到返屋企🤣🤣佩服佩服🙌🏻🙌🏻
後記： 唔講唔知而家搭纜車平左又方便左（我好多年冇搭過）
八達通仲好方便識得扣減來回雙程優惠🤣
大鄉里我而家先知🙈🙈🤣
是次二拖三行山新體驗，Dede ❌失敗❌
下次要再挑戰！
#溫馨提示： 山上山下溫差超大，大家一定一定要帶夠衫。今次薄羽絨真係救左我女一命🙌🏻
行山初哥，是次經驗話我知！
親子行山新手首推路線： 📍山頂盧吉道環迴步行徑 🤣🤣🤣 因為地球係圓嘅😂😂
#親子行山
#4歲人仔行足一整天，#要讚！👍🏻
#記錄4歲雷小囡陪傻的媽迷路記
#記錄12歲雷大囡迷路初體驗
今次迷路令怕錯嘅大囡有好正面嘅影響，媽媽我好感恩🥰
#迷路又有乜好怕？ #睇多左靚風景 #另一番樂趣 #失敗中學習
#傻的媽傻傻迷路記
#親子行山 #新手不敗路線
#山頂行山
#山頂 #山頂遊 #山頂行山初體驗
昨天討論小米logo反應熱烈，批評我為設計師講説話嘅朋友混淆左兩個概念，我其實無comments 過設計上嘅野，你叫我講，我只能話新嘅好睇過舊。當然有無神來之筆？沒有。但點解得出呢個改動咁少嘅成品？不知道，但經驗話我知客果邊一定阻左唔少件事。
我一直講嘅係設計嘅流程同實行上會遇到嘅困難同工序。一個設計大家見街，唔係真係一個設計，而係背後ban左一百幾十個，之後再揀一個反覆修改。logo design大多都係簡潔，因為要易記入腦，鮮明突出，但咁唔代表無做野。
講開又講，近年行街我覺得U記個+J logo幾好！
今日講下中年危機
又會講下係男人點可以係床上重振雄風
影補版主你好呀，（我叫xx，3x歲），第一次send email 俾你，小弟由舊年6 7月倒開始聽你個台嫁喇，我敢講你所有關於男女關係嘅片我都聽晒的，一路見證你由david x ，迷男，玩apps，落街approach ，到宜家約會200條女，一路process 緊。
（小弟都遲第一次拍拖，1x歲先第一次，亦係係好唔開心嘅經歷，之後都有拍拖，換畫。但由初戀嘅經驗話我知，當時我又想做一個所謂好男朋友，但依次經驗話我知，唔可以對啲女咁好，反而應該俾啲屎佢地食，對佢地好反而佢地會得寸進尺！而到左舊年就因為咁去研究媾女，就發現你個台了，宜家都有拍拖，關係touchwood 算幾好?）
今次send email 俾你其實唔係有感情問題ge，而係我喺香討見到個post 有感，想同你share 下，睇下你啱唔啱你個台用
link 如下
https://www.discuss.com.hk/viewthread.php?tid=27813525&utm_source=copy&utm_campaign=ios&utm_medium=share
個post 係一個四十幾歲女人同佢老公有中年危機
至於咩係中年危機，我都簡單搵左個網簡介，大概係男同女去到40歲打後，因為生理上嘅變化，雄性同雌性荷爾蒙減少，導至外形轉變，性欲減退，而影響到心理上嘅轉變，變得冇自信等，繼而導致，輕則夫妻不和，重則婚外情甚至自殺
http://www.ccfamily.org/Common/Reader/News/ShowNews.jsp?Nid=1694&Pid=14&Version=27&Cid=116&Charset=big5_hkscs
我知道版主嘅聽眾年齡層好廣，由中學生到4 50歲都有，所以依個post 或者可以帶俾版主一啲idea 可以探討嘅topic ，同一啲年紀大少少嘅聽眾分享下，亦俾其他後生一個警示
返返個post ，樓主嘅case 係佢同佢老公有中年危機，之後探討左好多專業指導，經過左5年，宜家叫做冇事
不過，我睇到樓主以下嘅一個回覆，我覺得所謂中年危機根本只係一個bull shit terms
樓主講到
一，男人需要稱讚
二，將唔開心發洩喺對方身上
就單單以上2點，就已經歸納到點解會有所謂中年危機，可以睇得出佢係點對佢老公
而依個example 亦係一面鏡，睇到啲港女係點對佢地男朋友／老公。對住啲咁嘅女，你叫啲港男點頂。。。而所謂中年危機，我覺得根本係啲女人唔識同男人相處而得出嘅後果，所謂「中年危機」純粹只係一個現象only
而樓主成四十幾歲人，仲要俾專家屌化，先sense 到依2點，已經係好遲。而佢老公咁嘅女都娶返去，又係on 9
我覺得，如果樓主一開始已經知要點樣去同佢老公相處，大家開開心心，根本唔會有中年危機依樣野出現，所以我覺得學版主話齋，男女對弈，男女相處，係跟一世，早啲學識，搵個適合嘅人，往後嘅日子先會開心，否則問題只會接踵而來
版主你睇睇依個post 有冇機會喺你台講下啦
如果有幸播出，以上括弧內嘅資料你就自我reference 好喇，唔好講喇??，謝謝
祝版主生意興隆，生活愉快
xx
平時我就好鐘意飲茶養生，今次嚟到怡保，點都要歎番杯靚茶，因為 BOH Tea Centre嘅玻璃屋實在太靚啦！喺一大片茶園隔離飲茶，空氣又好啲，心情都愉快啲。
睇完咁靚嘅風景，你仲可以去皇家山野生捕獲銀葉猴。經驗話我知，香蕉係最受歡迎㗎。
另外，仲有一個水上動物樂園，親親得意可愛嘅浣熊仔，浸埋溫泉就梳乎，山上私人池想點浸都得啦。
—
大家要記低下次去玩！片中地方：
1）BOH Tea Centre
2）玫瑰花園
3）極樂洞
4）凱利城堡
5）皇家山
6）淡汶雙威水上樂園
#謝利好識歎系列
每年一到兩個仔生日都會想搞下新意思，諗下佈置咩野主題好，諗下有咩野係佢地最鐘意，不過細佬係1月2日出生，依個先係大難題，因為搞完聖誕party、再到除夕party、接住就係細佬b生日會，依兩三年經驗話我知，最少都要在1個月前準備，咁樣先可以滿足到我依個花臣媽咪，搞到我心目中想要的生日會，所以呢…今年都有提早少少訂蛋糕，裝飾就係1個月前揀好買定先，其他訂食物之類的就真係臨急買，一大班小朋友例牌要有壽司，零食當然亦唔少得啦～哈哈！而主要仲買左euro gogo的外賣，平日去開覺得食物質素唔錯，所以咁多年來，都訂個幾次派對食物，只係估唔到我今次急成咁，個生日會仲有個半鐘頭就開始，我去上水間分店即場落單11人份量食物，20分鐘就包好晒俾我，快到呢～最後就係最多人問的佈置，由於永遠只有我一個人佈置的關係，亦要係有限時間內完成，所以都會盡量簡單但係又自己搞得掂的裝飾，佈置的部份淘寶搞掂晒！雙11時買落所以仲平d！下面再同大家分享連結啦～～
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
♥派對佈置／(淘寶）
美国队长套餐儿童生日派对装饰
https://item.taobao.com/item.htm?spm=a1z09.2.a1z6g.11.514981b8zCJUbl&scm=1007.10018.41616.100200300000001&id=545454879972&pvid=48a6f634-52f7-47b0-b310-2a979e0b13e9
♥派對佈置／(party time）
桌墊、反斗車王汽球、杯碟及片尾裝飾用品、印水紙
http://www.timessquare.com.hk/eng/shopping.php
銅纙灣時代廣場13樓Shop no. Suite 1301A
♥派對餐單／euro gogo（自取）
https://www.eurogogo.com/set
自從申請左張會員card我係無帶過出街，記得有帶係會有折架…
♥生日蛋糕／簡品堂 Fresh Fresh（小王子）
覺得唔太鐘意糖霜蛋糕，得個睇字又唔會食，依個有個星星燈同小王子公仔食完蛋糕可以要返，個款整體又幾靚，就係藍色色素真係會食到變左藍色咀囉！哈哈！
店地址：粉嶺一鳴路15號碧湖花園地下高層30A號舗
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
喜歡影片的朋友們歡迎為我的頻道提供字幕喔！感謝！
http://www.youtube.com/timedtext_cs_panel?c=UCDFxlTiuwbX0DmJvoKg_I7g&tab=2
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
FOLLOW ME♥
Blog | http://katykissbo.pixnet.net/blog
Facebook | https://www.facebook.com/katybeautyfanpage
Instagram | http://instagram.com/lovekatybeauty
Weibo | http://weibo.com/katybeauty
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
Business Inquiries : kbeautymsn@hotmail.com
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
This video is NOT sponsored
＊ ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧＊
Thanks for watching ٩꒰｡•◡•｡꒱۶
See you on my next video♥
(\_(\
(=' :') ＜喜歡的話別忘了訂閱我的channel喔！
(,('')('')
