關於 粉紅色校服小學 ，我們在網路上蒐集到這些相關的討論、資訊與評價

🤪話咁快8月既尾巴就埋位啦！好快就到九月開學，呢段時間好多小學都陸續公布嚟緊開學嘅上課程序，又係嗰句：「由於疫情嘅關係」所以暫時開唔到學，上唔到實體課程要轉做網上課程，所以呢幾日手機啲家長群組不停響，好多爸媽都努力抓緊8月嘅尾巴，分享撲notebook、撲Ipad、撲打印機既情況，早前未買校服嘅都嗱嗱聲撲校服添！

我作為一個專業級既顏值控，今次就想同大家分享一下我早前入手既靚靚Canon粉紅色打印機😻其實早喺7月中既時侯政府一宣布提早放暑假既當日我就即刻衝咗去買！因為當時哥哥仔學校仲有兩個星期既小一適應班都即時轉咗做網上課程，喺屋企印功課練習既機會仲係少不了嘅！經過一輪格價同埋思量之後，我最後都係決定買咗呢部咁令我愛不釋手嘅粉紅色打印機返屋企💕

💕首先佢係大牌子Canon，點都有返一定嘅信心保證！

💕機身細部又慳位，一部就有齊彩色打印、掃描同影印功能，價錢都唔洗過千！算係咁啦👍🏻

💕最鍾意就係佢可以經Air Print無線打印，手機或者電腦都可以輕鬆印出嚟冇難度！

💕下載埋Canon print Apps 裏面仲有好多得意嘅摺紙、填色練習同埋好多紙玩具呀、生日佈置之類可以印出黎添！

💕重點都係因為係粉紅色😆市面上好似真係得佢一部（我部相片打印機都係粉紅色Canon 💕)我真係諗唔到唔帶佢返屋企嘅理由💕

我專登喺Apps裡面揀咗「三隻小豬之東南西北」嚟開光！順便同小朋友一齊玩下，而哥哥仔就急不及待叫爸爸上網幫佢搵啲超級英雄系列嘅面具print出嚟DIY，真係好搞笑🤣好啦！依家就俾佢玩住先！到九月正式開波再印學校嘢啦！😉

#實用型敗家 #為開學做好準備 #粉紅控召喚#粉紅色打印機 #太夢幻了吧 #少女心爆發 #賞心悅目 #打印都會特別開心

上個月的家長會，家長給邀請參觀孩子的課室，我們發現壁報板上每位孩子也有自己的一個小 pocket，讓老師同學寫上讚美的說話。我和爸爸當下就填了一張，讓他回校時有個驚喜，爸爸的讚賞紙是黃色的，在圖片的左上方，我的是右上方粉紅色的。

一天他把所有的讚賞紙帶回家，其實更早些時候，他已經告訴我同學們都讚賞他很快，這個我真的好懷疑。這與日常生活的正仔所給我的印象大大不同。平日，生活匆忙，一起床就趕著梳洗吃早餐換校服趕車追車，一放學就趕著做家課洗澡吃晚飯甚至上網球課游泳課，日程一項接一項，我本身個性又急躁，走路也總是拉扯著正仔急著往前走，一天到晚都在催促孩子。在我眼中，我知道老師也同樣覺得，他很慢，活在自己的世界中而渾然不覺時間在流動的慢。

怎知道，蝸牛孩子竟然得到各同學一致的觀感：快，還要很快、快快、快到看不到。原來孩子在師長眼中與同伴眼中的印象，落差可以這般大。這一刻，我不禁懷疑，自己會否有時對孩子的要求太高，香港主流小學生的生活節奏會否太快太緊湊。我覺得這幾張紙仔，讓我看見孩子的另一面，也提醒了我，孩子時刻在成長改變，我也要不停努力去認識每一個階段每一個視覺下的正仔。因為媽媽的視覺也經常受困於自己的角色中。

#我也不覺得他跑得很快
#甚至一直覺得他連跑步也很hea

#2
看樣子就知道團子頭女生比較容易說話，於是我用筆袋輕拍她的手臂︰
「你哋跌咗嘢。」
「咦，呀！係、喎，哈哈哈，唔該！哈哈哈……」
團子頭誇張地笑了起來，看來是傻大姐性格。

與此同時，阿堅也拾起旁邊的粉紅色毛毛筆袋，交給孖辮女生︰
「仲有呢個，係咪都係你哋嘅？」
「呀……係……係我哋嘅……多、多謝……」
那個粉紅色毛毛筆袋明顯是團子頭的吧？
阿堅不知自己弄錯了還裝帥，偏偏孖辮女生卻很受落，害羞地低下了頭，本來稍缺血色的臉也微紅起來。

.

所謂麻煩班長型女生都有個特點，就是總愛板著臉，臉色任何時候都比包公更黑。
因為全程黑面，喜怒不形於色，旁人看來就覺得她全身帶剌。
現在孖辮女生突然害羞起來，在麻煩班長型當中非常罕見。
我不禁多看了她兩眼，越看越覺得眼熟。

我在記憶中一直搜索著，她究竟長得像誰？
除了那身校服和孖辮，我肯定她一點都不像華小姐。
難道像Suki嗎？但她也完全沒有Suki的女人味。
從小到大，這種班長型女生都討厭我，更不會跟我做朋友啊。
等一下，難道是……？

我靈光一閃，彎下腰窺看正低著頭的孖辮女孩。
目光相遇一刻，她皺著眉連退兩步，似乎要開口罵我，我連忙說出好不容易記起的名字︰
「……藍卓凝？」
「「「咦？」」」

.

兩個女生和正要阻止我偷窺的阿堅同時叫了一聲，也意味著我說對了她的名字。
團子頭睜大了單眼皮眼睛︰
「你識得Michelle架？你哋係小學同學？」
「我哋一齊補過學能測驗咋，小五嗰時……」

我一句話還沒說完，孖辮女生臉色突然大變。
她以踩到狗屎似的眼神怒瞪我一眼，拉起團子頭轉身就走。
阿堅連忙用眼神問︰
『你非禮過佢？』
『痴線！我都想知乜事呀……』

只見團子頭拉住藍卓凝，兩人低聲交談幾句，藍小姐連連送來幾個鄙夷眼神。
然後她一個人走掉，團子頭跑回來賠笑︰
「哈哈哈，唔好意思，佢好似有啲唔舒服呀～」
這借口有點爛啊，盲的都看得出來她精神爆燈吧。

阿堅卻很配合︰
「咁你快啲去陪佢啦，唔使理我哋。」
「呃，好啦……其實呢～我叫Abby呀，今日真係麻煩晒你哋～你哋之後仲會唔會嚟上堂？不如我哋交換個MSN先呀～？下次上堂我再多謝你哋～」
阿堅爽快地答應了，說了我們的名字還撕下筆記簿的一角給她MSN。

團子頭收下紙條，心滿意足地笑了，然後鬼馬地對我說︰
「放心～我會幫你問返佢究竟咩事架～」
「呀，我反而想知，佢……藍卓凝小姐係咪做班長架？」我。
「班長？唔係喎～不過佢係我哋學校Head prefect囉～哈哈哈～」

.

風紀隊長明顯比麻煩班長更加麻煩百倍，而我也不想去招惹這種女生。
沒想到之後再去補習社，獨自來的團子頭竟真的主動來跟我們打招呼，還跟我們坐在一起。
團子頭叫Abby，她讓我們叫她阿Bi，跟藍卓凝是同班同學。

我偷聽到她跟阿堅的對話，不，應該說她毫不收細聲量地告訴我，她在家也常常MSN阿堅。
加上她上課時常常傳紙仔給阿堅，又每隔兩秒對著他傻笑一次，我99%肯定這女生對阿堅有意思。
也是呢，現在的阿堅不單比中五時長得更高，還學會了在女生面前耍帥微笑和裝模作樣，去年甚至好幾次傳出有低年級女生暗戀他，說他是個陽光帥哥。
每當聽到有人這麼說，我就不禁想起他面對華小姐連連口吃的模樣，然後忍不住偷笑。

Abby長得不算很漂亮，但身材真的很好，硬要說的話就是Suki的事業心重版。
被這種女生喜歡，是個男人都會飄飄然吧。
不過，阿堅可能早已習慣被女生仰慕，學會了不暴露自己的想法，裝作沒事發生。
雖然我很想八卦他心底的想法，但提起他的感情事，只怕很容易揭開我們當年的傷疤……所以，我只是很識趣地旁觀。

.

於是Abby為了籠絡我，主動跟我談起藍卓凝的事︰
「我幫你問過啦～Michelle話當年補習嗰時你蝦佢，成日扯佢頭髮，又整爛佢最中意嘅小櫻鉛芯筆喎～」
「吓？就因為咁小事嬲足咁多年？」
真不愧是麻煩班長型的進化版麻L煩風紀隊長啊。

「女仔嘛～心思係比較纖細嘅～不過Michelle都唔係咁小器嘅人，下次見到佢，你送份禮物道下歉肯定乜事都冇～」
阿堅馬上嘲笑︰
「阿翔，你條命都幾易得罪女仔喎。」
「不如話啲女記仇，有事冇事都嬲一餐啦！」

Abby連連搖手︰
「女仔做每件事都有理由架～只要你識得做，肯定唔會繼續嬲你囉～」
她的話裡似乎有什麼暗示，但反正對我沒好處，我便乾脆裝作聽不懂。

.

Abby是一個沒戒心的人，隨便一問就把整個人生都跟我們交待了。
她不認識姓華的人，她和藍卓凝多年來讀文科班，也沒參加什麼校外活動，是離群的回家派。
也就是說，她們除了跟華小姐同級，再沒其他交集。
不過，同校已經是莫大優勢。

某天Abby跟阿堅談起練Oral的地點，我靈機一觸︰
「其實我哋可唔可以去你哋學校練Oral？聽講你哋學校又大又靚，環境應該好過麥當當好多。」
Abby托著腮想了想︰
「唔～如果星期六嘅話，應該都唔係完全冇辦法嘅……只要Michelle肯幫手嘅話啦～」

「藍卓凝？又關佢事？」
「哈～佢係Head Prefect嚟架嘛，同啲老師又熟，佢講一句好過我講一百句啦～」
我這才想起，藍卓凝身為麻L煩風紀隊長，有交集的同學應該遠比Abby多。
她說不定認識幾個理科班同學，甚至直接認識華小姐本人也不奇怪啊！

這陣子我每天瀏覽「星空」論壇，卻一直沒再看到asd34567的消息，也就是說華小姐母校已成為我最後的希望。
再想起Abby之前的暗示，我馬上交出答案︰
「阿Bi，入女校參觀一直係我願望嚟，可唔可以搵佢幫手？佢肯嘅，要我下跪道歉都OK架！」
「喂喂，有冇咁恨入去女校啊你？」
致力維持形象的阿堅連忙出聲制止我，Abby卻笑得開懷︰
「哈哈，我明喎～我哋學校又真係幾令人好奇嘅～咁～我試下問Michelle啦～不過……我諗阿翔你都要有啲準備囉～」
「冇問題！膝墊隨時ready！」

----
✏陪朋友去自修室追女神，點知喺補習社又識多個女神
又曦
(原來上一回張圖寫錯名，唔怪得咁多人問我究竟補習社有幾多個女神🤦🏻仲要你哋問完我都冇發現到，白痴到😂)

*鍾意睇嘅朋友請share ❤
～請大家幫手加速～

上一回︰http://bit.ly/2A3yd8Y
下一回︰http://bit.ly/2znfh5o

#陪朋友去自修室追女神
前文︰http://bit.ly/2hwokqe
特別篇7月7日︰http://bit.ly/2i7X03K
全集︰http://bit.ly/2kyjbRt