[公益項目]聯合國難民署慈善難民電影節 網上睇戲同時幫國際難民修建設施
《自拍逃生日記》 (Midnight Traveler)記錄阿富汗一個家庭因為受塔利班迫害而流亡嘅經歷，全片由導演一家人用三部手機嚟拍攝完成，片段珍貴之餘真實得赤裸兼殘酷。
導演Hassan一家四口喺逃亡嘅過程中受盡惡劣環境嘅煎熬；蛇蟲滿佈嘅野外、受盡歧視嘅難民營、冇門冇窗口冇傢具嘅爛屋，一家人苟然殘存，睇到鬼哥鼻酸酸，不禁令我為香港人嘅命運添一份擔憂。
最難頂嘅係兩個得幾歲嘅女，生性到不行。過程中永冇話嫌三嫌四扭計甚至放棄，堅強過你同我好多。
另外，導演冇孤寒收埋佢地一家人親愛親密嘅片段，老婆女女又笑又喊，時而呷醋時而甜笑，絕望中保持甜蜜溫馨，老公POV拍出感情細膩真摯。
《自拍逃生日記》用最貼身嘅視角，喺現今動蕩大時代提醒觀眾，獨裁同專權暴力如何踐踏人類最基本嘅尊嚴同權利；電影哀求觀眾睜開眼睛，認清戰爭及政治難民嘅非人逃亡生涯。整體充滿感染力及警醒意味。
---
第十三屆慈善難民電影節，今年首次在網上平台舉辦。
凡透過活動指定網頁捐款港幣80元正或以上，即可透過登記電郵獲得一張網上電影票，讓你自選任何時間於網上平台欣賞一齣精選電影。
是次電影節慈善籌款目標為港幣三十萬元，將足夠修建300個引水井，在嚴峻的新型冠狀病毒下提供潔淨水源給難民飲用和作清潔之用。
購票方式：
由6月13日起，於本難民電影節指定網頁捐款港幣80元或以上，即可透過登記電郵獲得網上電影票一張，觀看已購買的心水電影一次。如觀眾欲一次過領取三齣電影票，可於指定頁面捐款港幣240元或以上，即可獲得電影節通行證一張。
6月30日截止，仲有一個禮拜俾大家幫助國際難民修建水井!
電影資料及活動詳情: https://www.unhcr.org/hk/film
《自拍逃生日記》 (Midnight Traveler) 柏林國際電影節2019 普世評審團獎 - 特別獎
https://donate.unhcr.org/hk/virtual-refugee-film-festival-midnight-traveler/~%E6%88%91%E7%9A%84%E6%8D%90%E6%AC%BE?context_form_id=form_210.0.224.23_5ef173fa7306a0.26415007
