【難得的在地寶島風味】
話說上星期五好友V介紹左一間好唔錯嘅台灣餐廳--阿元來了。我地去嘅西營盤嘅分店，原來已經開左兩年㗎啦！另外有一間分店係觀塘。
傍晚七點幾行到西營盤第三街，餐廳門外已經好多人等緊，我地都要等十幾個號碼，勁誇張！其間不停有外賣要處理，好受歡迎啊！
小店中有大部份夜市嘅美食，好似掃夜市咁過癮。食物選擇很多，小食前菜湯飯麵甜品飲品都有。當然，我地叫左最喜歡的椰果百香果茶，珍珠冬瓜茶，九層塔芝士蛋餅，蚵仔大腸麵線，擔仔麵，九份芋圓，台南府城蝦捲。
無論食物同埋餐廳嘅裝修都好有台式風味，而且唔少店員都係台灣人，感覺好台灣啊。唯一美中不足既就係座位非常窄，同埋每位用餐限時30分鐘。
#個人大推九層塔芝士蛋餅
蛋餅係台灣人的早餐食品，就係一塊類似班戟皮的餅皮，中間夾有雞蛋，火腿等配料，多數以鐵板即場煎製，口感香香軟軟咁。
呢個蛋餅加左芝士同九層塔，個人覺得味道更豐富，九層塔味道好特別。而且芝士亦有拉絲嘅效果。面頭加上台式醬油膏及海山醬（味道是味噌+茄汁+辣椒醬，味道甜辣），個人覺得好好味好正！
INFO:
阿元來了
網址: https://s.openrice.com/QrbS0TPq600
地址: 西環西營盤第三街73號地舖
電話: 35792460
