「飛天遁地，貪一刻的樂極忘形。」一段唔見
得光既愛情，在明在暗都一樣呢種罪名會無形
咁跟你一世。或者點樣都會見光死，何不黎個了斷，
對大家黎講會係個解脫。不過客觀角度，我認為
三角關係無話邊個岩邊個錯，你情我願，各取所需姐，
只係站在道德高地上，成件事變得唔允許，無人會
承認係合情合理。既然呢種關係係現實生活存在
得咁痛苦，何不諗下唔洗負責任既感情？不如放肆
地去滾啦！講笑姐，我講緊既係打邊爐果隻滾呀！
係銅鑼灣新開呢間「去滾 - A Smoking Affair」，
就用左香港舊式夜埸既特色，整左好多霓虹設計既
燈牌，鬼馬玩味重既餐牌，今晚唔好諗咁多，
盡情去滾啦！👇
-
📌去滾夜報 -
♦️去滾秘笈 · 第一招 ·《精選湯底》-
▪ 原個椰子雞湯 -
▫ 打邊爐最緊要除左個鍋之外，就係湯底，
所以去滾就教你第一招揀返個自己鍾意既湯底。
呢個原個椰子雞就岩哂我啦，Staff會分別將新鮮
椰子水倒落鍋，然後再刮走椰肉，再放埋雞肉，
所以湯底顯得非常雪白。一滾起，即刻試個湯先，
入口清生無比，椰味出眾；雞肉食落肉質爽彈，
口感一流；加埋馬碲、竹笙配料有更加昇華既效果，
食得過！
-
♦️騸牯牛肉皇系列 -
▪ 至尊天九牛腩頭 -
▫ 極品之中極品牛肉，用上罕見既騸牯牛，
今次揀左呢個牛腩頭，肉質睇落鮮嫩帶光澤，
脂肪同肉既比例完美。Staff教落唔好碌太耐，
果然一入口牛味濃郁，肉質爽勁唔會有韌既感覺，
配上椰子湯底，更加香濃。
-
♦️巨龍過江 · 生猛海鮮 -
▪ 貴妃蚌 -
▫ 一人一隻新鮮貴妃蚌拎黎打邊爐就一流啦，
配搭咁清甜既湯底，入口更加鮮甜，而Size絕對
對得住價錢，肉質食落肥美爽口，口感十足。
-
♦️自家製餃子類 · 一晚睡覺 -
▪ 火雞姐搞唔餃 · 手剁牛肉餃 -
▫ 餐廳仲不時幫d傳統火鍋配料改d好抵死既名，
例如呢個火雞姐其實係牛肉餃。將牛肉剁碎，
食落更加有口感，餃皮爽滑唔會太厚，相當惹味。
-
▪ 哈波子 · 手打蝦丸 -
▫ 第一眼仲以為係哈利波特，其實哈波子係蝦丸
咁解，仲要用新鮮手打做，咬落爽口彈牙，
裡面仲食到一粒粒蟹籽，幾過癮。
-
♦️蔬菜類 -
▪ 百花齊放蔬菜拼盤 -
▫ 百花笑，春光展；綠柳飄，青春見。打邊爐
無菜又點叫完整呀，整返個蔬菜拼盤唔過份呀。
蔬菜吸收哂湯底既精華，食落口感清爽，味道鮮甜，
夠哂滋補呀。
-
♦️甜蜜蜜 · 甜品 -
▪ 唔係椰菜花 · 椰香脆麻花 -
▫ 最後嗌埋個唔係椰菜花，係脆麻花呀！
千其唔好搞錯呀，哈哈！呢款甜品賣相好精緻，
入口夠哂鬆脆，而且唔會太甜，帶少少椰香味，唔錯。
-
📍 去滾 - A Smoking Affair
🎈銅鑼灣登龍街1號金朝陽中心2期Midtown27樓
