關於 稻庭烏冬做法 ，我們在網路上蒐集到這些相關的討論、資訊與評價

免費廣告系列：去旅行嘅味道！鰹烏冬

今日要處理生活雜務，例如去運輸署搞下行車證，出城買生活補給品，冇得耕田，個心囉囉攣。去咗兩間黃店都要等 1.5小時以上，雖然內心覺得非常感恩，因為呢個時期要排隊嘅基本上都只係黃店，但係血糖越嚟越低，見到一間舖頭，冇乜表過態，姑且稱之為綠店，入去食，食完，完全冇feel。食物質素冇心機，價錢又唔平，一肚氣。

之後揸電單車走，漫無目的由深水埗站去長沙灣，平時永遠唔會行果條路，點知行行吓奇蹟就出現，竟然見到一間舖頭外面有天婦羅嘅相，立刻響呔停車，開個app查一查，OMG，黃店！那管30分鐘之前先食飽飯，決定再食一餐！彌補心靈嘅創傷！

偉大嘅天父就係將我帶咗嚟，鰹烏冬!!!!!

我去日本最鍾意食一樣野，天婦羅。平嘅貴嘅都食過，暫時我喺香港冇食過似樣嘅，今晚竟然比我食到！

記得果次喺沖繩食咗一間好精彩嘅天婦羅小店，基本上係超級地道，老闆英文都唔識，好彩而家有科技，用手機努力溝通之下，老闆話俾我聽天婦羅其實係蒸嘅料理。外面脆脆嘅將包住食材，然後喺裏面用水蒸氣將食材蒸熟，所以外脆內Juicy，而且唔可以有油膩感。更加重要嘅係，一定要即炸即食，係日本，基本上係炸一舊，食一舊。鰹烏冬，雖然天賦樂唔係主角，但係絕不馬虎，我入到呢間餐廳第一樣送上嘅天婦羅已經令我喜出望外！簡單啲來講就係我覺得食過全香港最好食嘅天婦羅。喺心裏面大叫，不枉我停車食多餐！

講返主角烏冬。我坐嗰個吧枱位，對正部壓麵機，原來呢間店嘅烏冬係每日手工製作！未食已知唔講得笑。烏冬有冷有熱，我和朋友叫了一冷一熱，務求一網打盡。

熱烏冬，嗰個鰹魚清湯，廚師話每日朝頭早7:00用新鮮食材淆製完全冇加味精，就連豉油都係自家製作!!!!!完全係日本學師，正宗日本嘅稻庭烏冬做法。熱烏冬加埋呢個清湯加埋生雞蛋，真係好好食！

之後凍烏冬。完全感覺到乜嘢叫做自家製嘅烏冬，因為嗰種煙韌，又帶有小麥嘅清香，我呢一刻夜麻麻寫到黎呢一度，都非常之有生理反應，已經好掛住！

完全想像唔到長沙灣會有一間專家級數，味道咁精緻，而且手藝超高嘅烏冬小店。

仲要係良心店。

其實香港有好多好用心嘅良心小店，等緊你去發掘。嘗試吓改變自己貪方便，費事諗食乜就食連鎖店嘅習慣，而良心店亦都唔好等到告急先至去。一齊好好守護呢個黃色經濟圈。

多謝鰹烏冬。喺疫情之下，好似飛咗一轉日本,開心，滿足。

https://www.facebook.com/%E9%B0%B9%E7%83%8F%E5%86%AC-Katsuo-Udon-%E8%AE%83%E5%B2%90%E7%83%8F%E9%BE%8D%E8%A3%BD%E9%BA%BA%E6%89%80-2144717439149887/

#免費廣告系列
#鰹烏冬
#天婦羅
#烏冬
#黃色經濟圈
#良心餐廳
#五大訴求缺一不可
@ 鰹烏冬 Katsuo Udon　讃岐烏龍製麺所

用上鮮茄肉碎餚煮的湯底份外鮮味，令每一口烏冬都掛滿美味醬汁，是一款簡易又美味的食品，快來試試吧!
材料
蕃茄 四個
雞蛋 三隻
肉碎150g
稻庭烏冬 兩個
紅蔥頭 兩個切碎
水份 750ml

調味料
糖一湯匙
鹽一茶匙
酒一湯匙

做法
1. 燒熱油鍋， 先將雞蛋炒熟，壓碎。
2. 再燒熱油鍋將紅蔥頭炒香，加入蕃茄炒一會。
3. 加入調味料後灒酒，再加入適量水份，煮至滾後加蓋，烹煮十分鐘。
4. 再將肉碎加入炒散。
5. 將雞蛋碎及調味料加入，炒勻。
6. 最後將烏冬加入煮約五分鐘，灑上蔥花即可。

烏冬麵udon在香港很流行，無論貴價日本餐廳或是茶餐廳也吃得到。到超市走一圈，琳瑯滿目，不同國家也有生產。
當中以日本烏冬水準最高，以產地計有十多種，最為人熟悉的有稻庭烏冬。
稻庭烏冬只用小麥和鹽水製造，在粗幼和長度方面有特別規定。除了濕麵（生烏冬），也有乾麵條。由於是人手製造，利用不停搓揉的動作，控制麵糰熟成時間，做好的麵條含有氣泡，極具彈性。再以擀麵棍壓成長幼麵條，掛起，然後拉長再風乾，煮好後，非常爽滑、煙韌。
如你常吃稻庭烏冬但又覺得價錢貴，大可到灣仔大亞日本食品公司，那裏有專門供應餐廳使用的一公斤裝零售，跟在日本超市買到的，價錢較便宜，兩者屬同一牌子及級數，只是包裝不同而已。
煮一鍋麵豉免治豬肉，分成一份份放在冰箱，隨時可拿來吃。加些少青瓜絲、蛋絲，既簡單、美味，又有營養。煮稻庭烏冬也有學問。想吃又爽又滑的烏冬，便要預備大碗有冰的冰水，煮麵時間要掌握準確，淥兩分五十秒後，立即放入冰水一分鐘，這樣做，肯定錯不了。

材料（4人分量）：
1.免治豬肉 400克
2.意大利蛋 4隻
3.油 2湯匙
4.蒜頭 3粒(拍扁)
5.小青瓜 3條
6.日本稻庭烏冬 320克(每人80克)
7.冰水 1.5公升
8.冰粒 2杯
9.紹酒 1茶匙

煎蛋材料：
1.油 2湯匙
2.鹽 1/4 茶匙
3.胡椒粉 少許

醃豬肉材料：
1.鹽 3/4茶匙
2.生抽 1茶匙
3.胡椒粉 少許
4.生粉芡 2茶匙生粉加3茶匙水

麵豉醬材料：
1.靚麵豉醬 120克
2.紹酒 1 3/4 湯匙
3.油 2湯匙

煮免治豬肉材料：
1.糖 1 1/2 湯匙
2.老抽 1茶匙
3.蠔油 2茶匙
4.麻油 1茶匙
5.熱水 11/2 杯
6.清雞湯 1/2 杯

生粉芡：
1.生粉芡
1湯匙生粉加2湯匙水

做法：
1.小青瓜切成8公分長，刨成絲後浸於冰水中，放入雪櫃。
2.雞蛋加入鹽及胡椒粉，打成蛋漿。
3.用醃豬肉材料醃豬肉20分鐘。
4.麵豉醬用酒及油攪勻。
5.用平底易潔鑊以慢火煎蛋漿成幾塊薄蛋皮，切成幼蛋絲。
6.中小火燒熱鑊，加入2湯匙油及蒜頭，爆香麵豉醬料2分鐘至紹酒被揮發。
7.加入免治豬肉，灒酒1茶匙，爆2分鐘。
8.加入煮免治豬肉材料，蓋上鑊蓋煮3分鐘後徐徐加入生粉芡，繼續煮30秒，熄火，待用。
9.燒熱一鍋水，水滾，放入稻庭烏冬，用筷箸將烏冬分開，以防黏在一起。
10.中火煮2分50秒便可，不要煮過火。
11.立即用冰水及冰粒浸烏冬，用筷箸將烏冬不停地攪拌1分鐘盡快降溫。
12.青瓜倒入筲箕，盡量濾去水分。
13.喜歡熱食的話，可用熱水浸烏冬半分鐘。烏冬倒入筲箕盡量去水後分成4份上碟，每碟放上6湯匙肉醬，再放上蛋絲及青瓜絲便成。