《科創機遇》
自去年既年底起，中港股市出現明確既突破，價量齊升，展開左新一波既牛市。其中，新經濟包括科網同生物科技股既升幅顯著跑贏，其實不無道理。試唸下：市場既情緒高漲，投資者既風險胃納提升，一些初創，或者尚未有堅實盈利基礎既股份就會格外受到追捧，同時享有較高既估值和溢價。講到呢度，就不得不提上海既科創板喇。
隨住中美既貿易戰加劇，加上內地資本市場既進一步開放，科創板就成為左近年科企趨之若鶩既上市地。但凡有公司宣布回歸A股既科創板，股價都例升一浸：中芯（981）、康希諾（6185）…例子比比皆是。市場既熱忱，無非都係源於內地既資金充裕、散戶狂熱，加上對高增長投資既渴求，因此，股份既平均市盈率一般比香港既高。
上海科創板既龍頭股份，主要係集中响新能源、生物科技、高端裝備生產同信息技術等幾個行業。响過去既一年，頭50大市值既股份既平均回報有成2.2倍，可以話係領升牛市。無他既，呢類公司既收入增長平均响兩成樓上，加上用於研發既投放比較高，令市場對高增長既持續性有一定既信心，自然吸引到各方各面既長線型投資者。
現時可供香港散戶投資响科創板既途徑唔多，其中一個最便捷而又最全面既方法，就係ETF喇！其中南方東英既科創板50（3109）追蹤住「上證科創板50成分指數」，當中大名既有中芯（688981）瀾起科技（688008）金山辦公（688111）中微（688012）等等，都係領先既軟件、半導體巨頭，受惠國產替代概念既主力，累積升幅驚人。
用ETF黎捕捉呢類股份既好處唔洗我多講喇，就係可以省卻好多選股既功夫，以較少既資金黎攞一個全面既配置，平均投資响50隻市值最大、增長最快既科創企業身上。呢隻ETF無任何槓桿，適合大家以定期甚至乎月供既方式持有，作為長線投資既倉位一部分。由於隻ETF上市只有三日，技術分析就不適用喇，一於揸長少少啦！
💪🏽
#南方東英 #上證科創50指數 #ETF #高增長 #長線機遇
