歷時五小時，困左不動產內的腦交戰，揀屋都揀到我人都癲😡事緣係一來SHARE HOUSE環境差，大家都知我極度唔OK個唔沖涼既洋人同凌晨講電話既日本人。二來係社長講到明希望我可以住近渋谷少少，OT個時可以慳返一程的士錢（O咀）如是者我找到好多間不動産会社（ふどうさん）同賃貸（ちんたい）終於找到一間好合岩我周圍去，交通方便既MENSION（マンション）🏡
原本約左今日去睇屋見學（けんがく）點知一上到去，第一句係你好，第二句打開話匣子問：你係咪MIXED😪（聽到厭）第三不幸的消息黎左！已經俾人租左出去😭😭😭心都赤埋諗住走人，佢實會拉住我既。即刻介紹左好幾間位於中目黑的MENSION俾我，照佢講マンション係用鋼筋水泥，而アパート係木頭屋。我當然唔OK木頭屋啦，因為我有時會深夜拍片執漏，定必會傳聲嘈到人🙄🙄🙄於是再搵多幾間先決定。篩選左最後兩間祐天寺的MENSION，不過又要加轉介費，鎖匙費，清潔，事務所手續費及保險等等😰😰😰加加埋埋個金額嚇到我＿都縮！
我就攞好幾份資料同金額，不停說要同社長商量，話晒佢都係我保證人嘛！無錯，係日本搵屋真係要保證人，怕你走佬回鄉無租追嘛！強調要問下老人家意見，想走之際，有個高級少少的走來問我預算，之後說：「你好好彩一月有個PROMOTION，可以豁免某幾樣」足足減左8萬円有多😎唔係專登講價，雖然係平左，可是要付出的是交通費（D間公司唔包😩）
好啦！我見一個月都係8萬5円，又包水電媒咁抵就無慮即決～連環不幸事件又黎😡😡😡原來幫我整合約條友仔係新人，水電媒要另外計，加加埋埋原來一個月要成10萬円，超出我預算！真心想走人之際，又用同區另一間留我～仲只係8萬円，不過係地面1樓連花園仔。
算啦，我都真係好攰，SHARE HOUSE又就完約，所以決定租！明天要過大數，未出糧就使突左！天呀～2月有無人來東京？接濟下我啦～施捨幾文錢過我！🙄🙄🙄
PS：當前要好好想的是我要想想租個POCKET WI-FI用
