【思考同啟發嘅先決條件：耐性！】
响網絡世代，尤其是香港，大家習慣咗速食資訊文化。無論咩Social Media平台都好，字多就唔想睇，片長就驚悶。結果大家會發現身邊同網絡上好多標題黨、Fake News怪、片面有point王、情緒化發洩或者自怨自憐嘅人。其實原因並唔係邊個比邊個叻，或者嗰個比嗰個蠢，只不過係資訊爆炸，加上社會氣氛，令到大家無耐性去深入了解，然後細心思考每一個議題邏輯同結構。試問每個議題、歷史、事件、論據，點可能下下幾十字一張圖三分鐘片懶人包？要改進，首先係要有耐性，咁當然最好有埋娛樂性啦（呢樣本人盡量）。
之前講過，香港嘅YouTube Channel之中，無論幾忙都會抽時間睇 HappyKongner 快活角落頭嘅片。原因並唔一定係完全同意佢地嘅所有論點，坦白講今時今日要進化嘅話，响同溫層圍爐把L咩？大家可能睇過佢地《路西法效應》嗰條片，但係更欣賞分析《讓子彈飛》裡面社會變革嘅覺悟。睇完之後，大家就會明白點解會感到無力或者無奈，原因唔係做乜都無用，而係件事本身嘅難度之高，係需要挑戰嘅唔只係權力，更要衝破唔同嘅人性，奴性、既得利益同花生友嘅心理關口，更甚嘅係控制自己嘅仇恨、耐性同運用智慧。
睇見佢地嘅「所作所為」，感受到佢地同本人一樣咁癡線，可以為咗一個題目去用時間探索，經過自己思考，然後同淺白嘅方法同大家分享。同時亦有一個共通點，我唔怕死咁响FB反常地每日「長文慎入」，佢地就响YouTube唔要命咁下下「死唔斷氣」分析討論。坦白講，真心佩服佢地文本質素同表達技巧，所以早幾日冒昧咁聯絡佢地，希望大家揾啲方法合作或者Cross Over，因為我地都有個共同理念，就係希望大家睇完我地嘅content有所啟發同思考（未必要認同觀點）。
不過，首先希望大家要有耐性去「食」長文同長片。
有興趣嘅乜都唔好理，去subscribe 佢地個YouTube Channel 先，因為我地未諗掂我第一條片响邊度出：
www.youtube.com/c/HappyKongner
謝謝！
#睇黎可能要出聲
#或者佢地要出文
