有日一位先生嚟到診所。
佢行埋嚟登記處：「姑娘，我想要幾日假紙呀」
我：「我同你登記先呀，你有咩唔舒服入去直接同醫生講就可以啦，病假紙係由醫生寫嘅」
佢：「可唔可以寫夠一個禮拜呀？」
我：「要睇返你嘅病喎，不過坦白講嘅嚟得診所睇都唔會係咩大病，好少可會寫到咁耐」
佢：「我嚟緊呢個星期約咗地獄操呀」
鬼拍後尾枕嗎？我話之你地獄操定操地獄呀。
我：「先生…如果你係私人事請假嘅話唔應該拎病假嘅，醫生係唔會因為你有私人嘢要做而寫病假紙俾你」
佢：「我去做gym呀」
你做gym關我咩事呢？
我：「你呢啲應該係請你嘅年假去做，唔係拎病假，醫生唔會寫俾你嘅」
佢：「我做gym會痛㗎嘛，俾人操得多就痛㗎啦。咁係咪唔舒服先？」
俾人操得多，嗯。
我：「你到時有唔舒服嘅先過嚟睇醫生啦，而家你冇事㗎嘛，冇病冇痛嘅醫生都寫唔到俾你啊」
佢掩住佢心口：「我個心驚到震得唔得呀？」
好煩呀，唔好咁膠啦你，你做咩gym啫，做gym做到咁驚咪鬼做啦。
我：「我可以照同你登記，你亦都可以照到醫生講你嘅情況，但係我講明先，如果醫生到時唔寫病假紙俾你嘅都係要收診金嘅」
佢：「幾錢呀？」
我：「三百蚊」
佢：「哇，屌，夠我成個月gym啦喎！俾人操到我死都得啦喎」
佢轉身離開。
三百蚊真係夠俾人操到死操足一個月咩…咁平嘅咩…
睇醫生啦 在 街坊財爺| 有病就梗係要睇醫生啦！ - YouTube 的美食出口停車場
街坊財爺| 第6集| 蔣嬌眼見金仔無恙，空歡喜一場，還被露絲怪責，深深不忿，裝瘋賣傻的作弄露絲，卻讓瑪莉誤以為蔣嬌精神病發，找來醫生醫治， ... ... <看更多>