每間公司總有一類好討厭嘅同事，最鍾意用自己把尺去度人，凡事睇表面就以為好了解，有時都唔知佢哋係見識少，定係想製造存在感，見有女同事準時6點收工去做瑜伽，呢啲口痕友會話：「你啲港女做咩瑜伽吖，嘥氣啦，咪又係咁肥。」
先唔計啲口痕友標籤人哋做港女，如果認為做運動只係得減肥一個目的，已經非常膚淺啦！食晏見人影相，又要搭嗲話港女相機食先，其實人哋做咩關你鬼事咩，換轉係我一定冇咁好EQ去忍，因為出嚟做嘢咁耐真係聽得太多，盤點後發覺以下幾句成日都聽到：
返9點，口痕友會話：「咁早既？轉死性呀？」
專心做嘢就會聽到：「扮咩呀？搏升呀？」
6點準時走，耳邊就會傳嚟：「咁早走？做晒啲嘢喇？」
開OT又點呀？呢類口痕友咪會話：「仲未做完呀？手腳咁慢架。」
初出茅廬嘅我會一笑置之，但係而家嘅我會一嘢ban埋去：
「我冇早返，你遲返啫~~~」
「我唔勤力，你無聊冇嘢做呃傾計啫~~」
「6點唔係叫早走，合約寫明朝9晚6，我係準時走，你張合約特別啲架~~」
「開OT就梗係未做晒嘢啦，做得晒啲嘢，間公司執得啦~~~」
好多人都係用自己狹窄嘅視野去睇人，甚至睇呢個世界，不如試下睇多過一秒，就好似呢條片咁，望清楚啲，自然會了解得更透徹。
#脫現真我 #PurelyMe #dermes #相機食先就叫港女咩 #6點收工係正常唔係早走 #做得完啲嘢你公司執咗啦 #口痕友日日呃計傾 #返工交足貨 #放工做自己
