一本通書睇到老會被市場淘汰
10月23日，間中時間有陽光，三號風球下風勢頗大，天晴及乾燥。美國新一輪刺激方案預料短期難落實，即使眾議院大家姐暗示對達成協議仍感樂觀，表示接近達成協議，不過表決仍需時間。古天后認為喺大選有結果前，侵侵都未必想協議達成，皆因唔想將個credit益咗民主黨，反而傾向喺自己成功連任後，先嗱嗱聲搞掂新方案，即係11月有大選結果前，刺激經濟方案仍難落實。
暫時市場焦點轉移到最後一場大選辯論到，而民調遙遙領前嘅拜登，阿仔有黑材料爆出，不過唔見到傳媒大力炒作，難免令人更覺得美國大部份傳媒偏幫拜登。其實民調真係信唔過，2016年選舉同樣係希拉莉民調贏侵侵幾條街，但最終入主白宮係被視為爆冷嘅侵侵。古天后認為喺大選結果揭盅前，都係要採取防守策略，尤其選舉期間至宣布結果期間，美股或更為波動甚至顯著下跌，事關股市最忌不明朗。但無論誰入主白宮，美股後市仍向好，喺11月初大選期間若然股市回調，就係趁低吸納嘅時候。所以呢兩個星期，古天后一直提住要趁靚價減倉，唔套現就無資喺低位接貨，當然減倉要點減，減到乜嘢水平，都係嗰句，視乎個人持倉能力同倉位係咪坐得舒服囉。
噚日大笨象(00005) 股價及相關新聞 香港總行門前嘅一樣獅子銅像終於重見天日，喺兩隻獅子被封箱期間，足足超個十個月時間，大笨象股價如江河日下，而銅獅出見天日，咁啱其股價就重上31元，而喺中國疑似被制裁嘅困局中，又唔係完全無路可行。皆因當大笨象主席表示有意喺中國市場進一步拓展業務之際，中方亦釋出善意。中國駐英國大使劉曉明旋即在社交媒體Twitter上發帖「示好」，表示中國持續改革開放、不斷改善營商環境，點名將為包括大笨象在內嘅全球企業提供更多機遇，中方對大笨象態度明顯有所軟化。只不過大笨象股價即使能見底回升，亦難重返昔日高位，皆因上面重重蟹貨，彈到35元都偷笑，阻力甚大，莫過話要見四五十水平。
香港整銀行業前景暫能樂觀，作為百業之母嘅銀行業，喺本港經濟仍然低迷下，大笨象業務前景難隨銅獅重見天日而回復昔日光彩。預期今年香港經濟錄倒退7%，若明年首季能開關，明年全年有望增長4%，如果關口未能回復正常運作，經濟狀況實難以改善。下周二大笨象將公布第三季度業績，講真呢份業績帶畀市場只有驚無喜，古天后都無眼睇。仍然坐住蟹貨嘅長情股東，四五十蚊唔肯放手，嚟到現水平沽唔沽貨都無乜意思，只係大笨象確係帶畀呢班小股東一個大教訓，派息非必然，昔日股王亦會隨時代變遷而失其地位及光彩。要喺股票市場長玩長有，與時並進，審時度勢，一本通書難以睇到老，好似目前係新經濟股高速飛躍年代，仍然唔肯接受新事物，就只會被市場淘汰。
#300likes30shares
#古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
加入古天后聊天室，享受朝八晚八答股服務，睇最新心水貼士：https://link.stockviva.com/ntodoCj7Iab
課金聊天室：https://bit.ly/31nwXNo
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
直接3號風球 在 [討論] 胡凱翔故意打義守大學14號- 看板basketballTW 的美食出口停車場
第二節末 義守14進攻犯規打到胡凱翔 有過去跟他道歉 但胡不理
下一球直接朝14號鼻子就是一下
職業球員比較跩？
就可以這樣打人
--
※ 發信站: 批踢踢實業坊(ptt.cc), 來自: 49.215.10.105 (臺灣)
※ 文章網址: https://www.ptt.cc/bbs/basketballTW/M.1659355546.A.FB4.html
... <看更多>