《德國孖寶地標戰 白禮頓對車路士賽後分析》
.
沉日出左篇文預測林伯特佈陣既大方向，套路上唔難理解佢今場波既陣式安排，今場波維持左幾套陣式之間既變換442、424、4231、433，之前其實都有講過下未來大趨勢都係在於喺唔同形勢時球員所負責既區域同工作，以及球員與球員之間既換位，令到所謂傳統定義既「陣式」會因應時間不斷轉變。
.
林伯特嘗試利用添姆雲拿作攻堅第一點，而源用熱身賽時路夫斯捷克於身旁支援，雖然後者既表現絕對可以用差黎形容，不過對於點樣能夠發揮得到添姆雲拿既特質黎講林伯特經已有初步既掌握，相反路夫斯捷克更可以話被巴克利比下去，傳射控三方面既表現都處於合格線之下，就連球員既面貌都得知佢對自己都感到不滿，始終上季尾傷癒後都一直未能重拾狀態，如果林伯特仲希望善用哩位球員的話，就有必要喺訓練上再加強以及改善喺場上既態度。
.
至於夏弗斯以右翼位置上陣，老實講佢自加盟後正式跟操都唔知有冇一星期，對於佢理解左套戰術幾多而喺場上面輸出到幾多都心中有數，本身都傾向佢會先列後備，點知反而喺後備席上既係奧岱，哩部份係比較難理解，而再延伸出黎就係左翼既蒙特，其實一直都唔主張佢以翼鋒位置上陣，尤其係陣容上唔係無可以打到翼鋒既球員用，而係林伯特選擇唔用，實在難以理解點解今場波奧岱打唔到正選...
.
再慨括講下戰術，承接文章開頭所講既442、424、4231、433，主要內容先喺無球在腳時利用添姆雲拿、路夫斯捷克、蒙特同夏弗斯四人做前場壓迫，當對手進入後半場先兩翼會再度收後，尤其係藍軍兩閘今場波都受壓唔少；至於進攻套路上，其實無乜太多所謂既組織或者傳控，主要都依靠個別球員既個人能力去完成一個攻勢。
.
暫時睇落林伯特仲有好多野要嘗試，加上佩利錫同薛耶治仲未計入其中，依然保持開季初哩五場八場波既表現都會比較反覆，實戰仍然有待觀察。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《硬件全面升級 軟件如何配合？ 淺談林伯特的進攻戰術大方向》
https://bit.ly/2FumCHK
.
#Chelsea #車路士 #白禮頓 #英超
