關於 白俄羅斯同俄羅斯係兩個國家 ，我們在網路上蒐集到這些相關的討論、資訊與評價

Day 36 (7月17日) 白俄羅斯🇧🇾

/ 白俄羅斯遇美式日本人 /

由於俄羅斯嘅免簽證十四日差不多完，搭完西伯利亞鐵路，到莫斯科感受過少少世界盃氣氛就要趕住出境，之後其實已經真係無 plan (真 freestyle)，但又想再返多次俄羅斯睇佢哋嘅建築同去聖彼得堡，於是搵最平車票又最近嘅國家——白俄羅斯。

一出明克斯 (Minsk) 火車站，第一個感覺係......好唔特別😂可能俄羅斯嘅建築偏華麗，所以有落差感。不過呢度人好少，路超闊，幾舒服嘅。

喺住嘅地方遇到好幾位都係睇完 World Cup 過咗嚟嘅遊客，佢哋都未諗到明克斯有咩好去，亦同樣擔心出境問題，因為無論係陸路定航空，俄羅斯同白俄羅斯都無出入境審查。暫時將問題放一邊，先講講剛由波蘭過嚟嘅日本人M。

住喺札幌，講得一口美國口音 (加語氣) 嘅佢，原來平時係靠睇英文電影練英文。曾去澳洲、加拿大工作假期。佢喺日本做服務業，喺快餐店整漢堡，又試過喺醫院做餐飲。

佢提到日本服務業工時好長，每日做十小時，只有三十分鐘休息，人工低，假期唔多，可以去四日旅行已經算係長旅行。

佢聽過唔少外國人嘅問路經歷都讚日本人好友善，但對於作為日本人嘅佢，認為呢種友善大多數只限於對旅遊人士。佢哋當地人好少問路 (話晒網絡發達) 或互相尋求幫助。我提到 311 地震事件，好多外國媒體都讚日本人有秩序，佢就話其實只係好多問題無寫，例如當地人會投訴避難地方嘅食物質素差 (而非擔心夠唔夠食啊)，好多人趁亂入屋偷竊，二手車價格提高 (啲車可能都係偷返嚟)。始終災難發生，無人得閒管，一般災難地區會發生嘅罪惡喺文明地方都會發生吧。

🌿 : 如果有機會，你想唔想離開日本？
👦🏽 : 想，會揀歐洲地方，例如法國。雖然佢哋人工可能唔算高，但做到 work-life balance，有返個人生活。

日本人太多潛規則要跟，又容易感到羞恥，習慣忍耐。佢都認同喺咁壓抑嘅環境，自殺率當然高。難怪佢會經常出國周圍去旅行，一去就係長旅行，自製另一種 work-life balance。

#獨菇遊
#白俄羅斯同俄羅斯係兩個國家

圖 : 同香港一樣嘅行人交通燈掣 / 日本人M / 明克斯樸實嘅地鐵月台 / 位於住宿嘅陰暗升降機
. . . . . . . . .
www.instagram.com/unigoo

Day 54 (8月5日) 白俄羅斯🇧🇾

/ 白俄羅斯郊區人的寫意生活 /

以為呢日可以懶懶閒咁過，又或者幫手做保姆陪吓細佬玩。突然 host 夫婦嘅新婚朋友邀請佢哋去渡假屋 BBQ，於是我就多咗個機會探多一個屋企。跟佢哋揸車去超市 / 去拎家姐套校服 / 等佢哋去一位歌手嘅喪禮 (嗯，時間有點巧合......) / 就起程去渡假屋。

話説我對BBQ嘅印象係......
1. 香港式圍爐燒 (各自燒)
2. 外國式燒烤爐 (一個人負責晒)

但原來佢哋喺自己花園就有個咁傳統樣嘅烤爐😳 (上面仲有煙囱!! 根本係個露天廚房) 聽講算係俄羅斯風格嚟。亦乘機偷吓師點將啲食物調味去燒🤤

呢間屋係佢哋爺爺嗰代留落嚟，有時放假就會過嚟玩，花園一樣種晒唔同生果嘅樹，平時喺香港習慣咗買返嚟嘅生果都要洗一洗，但屋主隨意喺棵樹摘咗個蘋果，話無農藥可以直接食，成件事好 fresh 🤤

住喺郊區，周圍都被森林包圍住，生果任意咁食，有時仲可以去吓河邊玩吓水，呢種同香港完全相反嘅生活，其實幾輕鬆，人又少。要去市區買嘢，揸 30-45 分鐘車就到。Host 媽媽亦透過 internet 處理好多業務。佢話自己鍾意親手做好多嘢 (上一篇已經見識佢哋點 DIY)，住郊區嘅成本低啲，亦唔打算做一位家庭主婦，鍾意接觸唔同嘅人，喺我眼中，佢真係一位 SuperMum 嚟。

#獨菇遊
#白俄羅斯同俄羅斯係兩個國家
. . . . . . . . .
www.instagram.com/unigoo

Day 53 (8月4日) 白俄羅斯🇧🇾

/ 自給自足的白俄羅斯家庭 /

一直咁搵景點行都會有厭嘅一日，於是見需要第二次再去白俄羅斯嘅首都明克斯，就揀咗一個離市中心有十八公里遠嘅家庭寄宿咗幾日，遠離煩囂，但無諗過佢遠到周圍係平原 ∑(ﾟДﾟ)

爸爸係白俄羅斯人，做IT；媽媽係烏克蘭人，做翻譯員 (仲身兼義工 + 經營網上褓母事業)。佢哋有兩匹馬，一隻狗，一隻山羊，曾經仲有一隻牛同三隻貓🐎🐕🐐🐄🐈

嚟到就發現佢哋真係好自給自足！蕃茄 / 青瓜 / 蘋果自己種 (諗起自己喺以前公司種嘢，真係無得比🙈)，有新鮮山羊奶飲，又自己整芝士同麵包 (超鬆軟!!)，我每次都覺得好驚奇，真係城市人出鄉，習慣所有嘢都買返嚟嘅我，買咗兩條青瓜同 cottage cheese 都覺得有點不好意思。佢哋仲話起緊桑拿浴室，挖地下，倒混凝土。睇住佢哋地盤都撈埋，喺佢哋隔離坐喺野餐布上畫畫嘅我真係無話可說。

六歲小妹妹問......
👧🏼：你屋企有冇養寵物㗎？
🌿：無啊......曾經養過一隻狗🤔
👧🏼：(驚訝我無牛無羊) 咁你咪要買奶飲囉😱！

......無錯，我係要買😢

#獨菇遊
#唔跟次序出嘅日記
#白俄羅斯同俄羅斯係兩個國家
. . . . . . . . .
www.instagram.com/unigoo

大家好，我是York York－自由旅生，來自香港，好鐘意去旅行，試過辭職Gap Year，又試過半年工作半年旅行了3年，現在終於來到英國工作假期啦！出發前訂下了英國工作假期的目標，就是要「享受地工作，認真地去玩」！

我真的是「認真地去玩」呢！XD 「有幾認真？」

2019年，要把「認真地去玩」這個目標慢慢實體化！

根據以下網站，歐洲現時有44個國家！
There are 44 countries in Europe today, according to the United Nations.
http://www.worldometers.info/geography/how-many-countries-in-europe/

歐洲現時44個國家當中包括：

英國、愛爾蘭、冰島、愛沙尼亞、白俄羅斯、安道爾、奧地利、保加利亞、阿爾巴尼亞、比利時、波蘭、德國、荷蘭、俄羅斯、法國、梵蒂岡、聖馬力諾、斯洛伐克、捷克、拉脫維亞、立陶宛、
列支敦士登、盧森堡、羅馬利亞、馬耳他、摩爾多瓦、摩納哥、挪威、瑞典、芬蘭、丹麥、葡萄牙、西班牙、瑞士、波黑、克羅地亞、塞爾維亞、黑山、斯洛文尼亞、馬其頓、烏黑蘭、希臘、匈牙利、意大利！

其實我的小書裡面還列出了兩個地方：

科索沃（Kosovo），這裡是一個主權爭議的地區及有限承認的國家，所以就沒有放到上述提及的「國家」中，但有機會也希望可以去看一看，剛好我就認識了一個女生是來至科索沃的呢！

直布羅陀（Gibraltar) ，這裡又是另一個主權爭議的地區，是英屬的自治領土，還是西班牙擁有其主權呢？在英國的朋友都說這裡是一個值得一去的地方呢！

好在我不是從0開始，現在已經去了9個國家，還有35個國家未去，1年半的時間即是平均每個月去2個國家就能完成喇！

聽起來也不是不可能，但要同時在倫敦工作和生活也不是容易，有目標就有動力，只能說加油啦！

不知道在英國工作假期裡，我可不可以完成環遊全歐洲的目標呢？

想Keep 住update我係英國工作假期嘅生活，歡迎訂閱我嘅YouTube頻道，Thanks ^3^！