小矮人增高記（下）
上集：https://bit.ly/2K0FHA5
我好想追求愛情，不過，親情都好重要，幾年無見過六個細佬，我要先返屋企睇吓。
我行到門口，就見到花園裡有一個女人，一個同我一樣高嘅女人。
點解有個女人喺我屋企？
我大聲問：「你好，我叫大矮，請問呢度……」
我話未講完，個女人就好驚訝咁問：「你係大矮？係二矮個阿哥？」
我點點頭。
女人驚叫：「邊有可能？你一啲都唔矮。」
聽到呢句說話，我心中暗喜。
呢個時候，有五個女人從屋內衝出嚟，七嘴八舌咁問：「咩事啊？」「有人假扮大哥？」「唔通有賊？」
我忍唔住問：「你哋係……呢度唔係七小矮人屋企？」
佢哋一個接一個咁答，我先知道，佢哋分別係六個細佬嘅老婆。
我完全理解唔到，唔通六個細佬都做咗增高手術？
我諗嚟諗去都唔明，唯有企喺門口等，等細佬們放工返屋企。
過咗一陣，六個細佬陸陸續續返嚟。
久別重逢，佢哋好激動咁攬住我，但都只攬到我條腰……佢哋都無增高到。
夜晚食完飯，我哋七兄弟一齊去咗飲酒。
我終於忍唔住問：「你哋點娶到老婆㗎？」
二弟撓撓頭：「就咁娶，去登記結婚囉。」
我唯有直接啲：「我係問，你哋咁矮，點吸引到女人㗎？」
二弟答：「我哋志趣相投，係玩音樂識嘅，佢最欣賞我嘅才華。」
三弟答：「我不嬲都有練武術，有一晚，我見到佢喺後巷俾人打劫，我英雄救美，跟住就……」
四弟答：「佢有情緒問題，屋企人都唔理解佢，得我日日陪住佢。」
五弟答：「我無你哋咁有本事，但我有錢嘛。」
六弟答：「我都唔知點吸引到佢喎，不過我由細到大運氣都比較好，哈哈，可能桃花運都幾好。」
講到呢度，佢哋一齊望向我：「大佬，你搵到大嫂未？」
我搖搖頭。
二弟拍吓我心口：「大佬，你咁高，一定可以吸引到好多女仔。」
我都係咁諗，但點估得到，佢哋唔需要增高，就可以搵到另一半。
「我唔係咁睇。」六弟忽然講：「大佬增高咗，其實只係高過我哋啫，都係比大部份男人矮啊。」
聽到呢句說話，我諗起我所受嘅痛苦，愈諗愈心酸，但六弟講嘅嘢，似乎又係啱嘅。
二弟拉一拉六弟：「亂講乜嘢？嗰個你大佬嚟。」
「我唔係亂講。」六弟好認真咁望住我：「大佬本來就係七兄弟中最叻嘅，能文能武，性格又好，就算唔增高，都一樣會有女仔鍾意你。」
我苦笑：「白雪公主咪唔鍾意我。」
「我哋六個嘅老婆，都唔係公主啊。」六弟聳聳肩：「世間又唔係得白雪公主一個女人。」
面對佢哋六個都有老婆嘅現實，我頓時無法反駁。
我開始諗，當日白雪公主唔鍾意我，真係因為我矮？
如果我好高，如果我所有條件都比王子優秀，佢就一定會鍾意我？
其實我都唔知。
但我知道，好似我咁優秀嘅人，總會吸引到女仔嘅。
換句話講，佢哋六個傻仔都得，無理由我唔得！
每個人都好在意自己嘅短處，但短處就係短處，哪怕付出十倍嘅努力，短處都好難變成長處。
與其拚命掩飾短處，不如發揮長處，總有人會被你吸引。
一個人優秀，唔係因為佢「樣樣都唔太差」，而係因為佢至少有一件事，比大部份人都好。
－完－
將專頁設定為「搶先看」/ "See first"，最新故仔馬上睇！
參加自己嘅喪禮：https://goo.gl/po2ZoL
我搵到個寶藏：http://bit.do/eS4oU
#短故 #短篇 #小說 #陳美濤 #廣東話 #粵語 #tomatochan #小矮人增高記
登記結婚參加喪禮 在 [問題] 結婚登記前參加朋友喪禮- 看板funeral - 批踢踢實業坊 的美食出口停車場
我跟男友預計一個月後要結婚登記，
（預計不會宴客也沒有其他儀式）
但最近有身邊朋友意外過世，
不知道習俗上能不能到殯儀館到靈堂上香致意？還是會有沖到等等的習俗上問題呢？
謝謝！
-----
--
※ 發信站: 批踢踢實業坊(ptt.cc), 來自: 218.187.86.61 (臺灣)
※ 文章網址: https://www.ptt.cc/bbs/funeral/M.1633363203.A.079.html
問過準公公也是說可以~
那我就能沒有顧慮前去致意了
※ 編輯: whiterM (49.216.57.230 臺灣), 10/07/2021 12:45:19
... <看更多>