接近下午5時，終於看完所有舊症病人，餘下是一個新症。
這是繁忙的老人科門診。我通常會把新症留到門診末段來處理，因為新病人需要更多時間仔細了解病情。
一位女仕推門而進。看看轉介信，她今年65歲，跟丈夫同住，一直沒有什麼大病，因心口痛由普通科門診轉介過來。
老人科門診經常收到因心口痛的病人轉介，今天8個新症竟然3個有着這個主要申訴！心口痛原因眾多，最擔心當然是心臓病。急性心臓病發足以致命，大家當然不能掉以輕心。
「你心口痛咗幾耐？」問過基本資料，我單刀直刀。
「年頭開始啦，我一路都有行山嘅，呢幾個月行親山就心口唔舒服，條氣又唔順，跟住好似背脊都痛埋咁呀。」女仕很了解自己症狀。
「咁一次痛幾耐？係唔係乸住乸住咁痛，一坐底就唔痛咁嘅？」我再問。
「係呀，休息吓就無事，我諗幾個字度啦ㄧ次。好多時仲會標哂汗同心跳快添。」
「咁你平時瞓地行平路有無痛？」
「無㗎，係行山先痛。退咗休我又貪玩鍾意周圍去，啲朋友宜家都唔敢叫我行啦，見我一行就唔妥，個個叫我去睇醫生。」女仕靦腆地笑着。
上山行斜路，心臟供氧的需求比平時大；若心臟血管有問題，在過大的負荷下心臟供血不足，便會造成心絞痛的情況。女仕的申訴，包括上山時氣喘、背痛、冒汗、心跳加快，正正是典型冠心病症狀。
故此所有申訴心口痛的病友，我都會問他們症狀在做運動或用力時是否會加劇，休息時又是否會減少，若正正如此，就要再作檢查是否患上冠心病。
「我都有啲擔心你心臟血管有問題，我會開啲藥你食嚟保護心臓。不過始終我地唔知你啲血管收窄嘅情況，如果安排進ㄧ步檢查你點睇呀？」檢查過後，我對女仕說。
現在有很多不同藥物可治療冠心病，但若心臟血管嚴重收窄，俗稱「通波仔」的冠狀動脈介入治療術當然能更有效處理血管問題。通常在「通波仔」之前，我們會建議做一個非入侵性的心臟血管造影檢查，以評估病友的心臓血管狀況。
「我建議做一個心臟血管電腦素描，睇吓啲血管點樣，如果收窄得好勁，我睇吓做唔做手術，收窄得唔太勁就食藥啦。雖然話你症狀都似心臟病，但係都想有多啲資料，先決定下一步點做嘛。。。」我嘗試解釋。
「不過咁，係政府排呢個檢查，起碼要幾年，你會唔會考慮出私家做？幾千蚊度啦。。。」
在公營醫院輪候檢查需時，是人所共知的事實。等一個電腦素描ㄧ年幾兩年是等閒事，超聲波可以等上三年，磁力共振可能再長一點。以我經驗，心臟電腦素描大概三年多吧。一些病友打趣的說，若果真的有事，死了還未等得上。的確，在很多時候，我們的工作是有局限的，公營機構的資源始終有限。
「唉吔，私家呀？我唔做啦。」女仕面露難色。
「係唔係錢嘅問題？」我明知故問。
「我又唔係有錢，我兩公婆食積蓄㗎。我諗我捱吓先啦。」
「你睇吓有無可能？三千幾四千蚊度大概，做咗如果有嘢可以快啲睇吓做唔做手術嘛，咁可以解決到個問題。」我嘗試游說。
「係。。。但係我真係唔係太多錢。。。唉！我啲朋友都係咁話我，慳埋啲錢，都要顧吓自己先。。。唉。。。就嚟有5千蚊。。。點算好？」她在說政府發放的5千元消費劵。女仕在思前想後，猶豫不決。。。
「係喎，有5千蚊不如用咗佢做檢查先？」其實我也不太清楚私家放射治療診所是否接受消費券。
「我諗住用嚟做平時使費㗎。」經濟不太過充裕，用錢當然要一早打算。
「你不如幫我 book 定政府嘅先啦？」女仕說。
「可以，不過要等一段時間㗎。」我再勸說:「當然，早啲有得做，如果發現有嘢，早啲攪就緊係好啲啦。咁你症狀真係似嘅。」
「咁。。。呀。。。我明白你好意，咁我去私家做啦。」
作為醫生，當然希望病人盡快接受檢查，獲得正確診斷，再得到適當治療。但很多客觀因素，都會影響箇中的進度。醫生要處理的，又何止是作出正確診斷，再對症下藥這麼簡單？
如果政府的資源鬆動一點，我們的工作會否輕鬆一點，病友們又會否得益多一點？
在這未發生之前，我們還是要多儲個錢，以備不時之需。
痛幾耐 在 【爱多久痛多久】原唱：郭力 - YouTube 的美食出口停車場
【爱多久痛多久】原唱/郭力词曲/郭力编曲/李德奎混音/卢晓武录音/林总出品/海纳音子自从你离开我以后我的心是多么的难受借酒消愁愁更愁这种结果我难以 ... ... <看更多>