記得我開始睇 Pomato 小薯茄 ，大概係2020年頭嘅事。
Sad but true，主要因為疫情少出街，想搵啲娛樂，篤下篤下發現「小薯茄」嘅《冰戲富》，覺得幾好睇，尤其係開頭段intro，拍得好有心機。
就係咁，我同大部分鍾意上網睇片嘅大家一樣，透過電腦同手機，「識」咗 程人富 、 JefferyKwan - 阿J 、童童、 阿冰 - PingpingNg 、麗英、高Ling同埋新加入嘅肥蚊同朱mic喇。
話佢哋喺疫情一直陪住大家，應該都冇誇張。
至於真正認識佢哋，係因為一次首映。
話說嗰次睇完戲離開，無端端有條友喺後面大大聲嗌我個名，由於成日睇《冰戲富》嘅關係，我一早知係程人富把聲嚟，我決定轉身展示尷尬而不失禮嘅笑容。後來大家熟咗，我仲厚臉皮到成日主動走上人哋公司玩，感謝佢哋每次都熱情招呼我，希望冇阻到你哋啦😝。
有次食飯，我問程人富：「其實你哋初初幾條友運行「小薯茄」都幾大膽。食娛樂同製作呢行飯，真係撈唔掂多過撈得掂，即係話：你哋係將心血投去博一個機率好低嘅夢想喎？」
佢諗咗陣答我：「係架，但係我哋真係好鍾意創作同拍嘢嘛。」
然後我同佢哋拍嘢，發現佢哋都真心鍾意拍嘢，因為連阿冰都喺收場嘅時候幫手執嘢。
為咗夢想不計較地付出，呢樣絕對唔係老油條會做嘅嘢，佢哋成日畀人話係「兒童台」，或者就係因為佢哋嘅價值觀裡面，有一種熱血嘅童真。
最後，祝小薯茄5周年快樂，繼續做多啲好片，感染大家。
同埋，多謝邀請我參加5周年版嘅薯茄party game。大家記得去youtube睇。
https://youtu.be/0cIqm3Q04KA
同同埋，多謝manco同埋小薯茄拍攝團隊整個拍攝過程都咁照顧我。
疫情出街食飯 在 CUHK Medicine - 【抗疫你要知• 外出用餐篇】出街食飯會唔會 ... 的美食出口停車場
外出用餐篇】出街食飯會唔會感染新型冠狀病毒？ ... 至1.8米。如果坐係帶菌者對面，飛沫會直接進入呼吸道，便會受感染。 ... 當患者的飛沫落在枱面，食客不小心觸碰到，再觸摸 ... ... <看更多>