工作關係，早習慣面對鏡頭群眾。但這次在 #Nike全港學界精英籃球比賽 男子組決賽前說這番話，我是真的有少許緊張。
主辦單位說，希望我能於賽前帶頭講幾句話，內容與籃球對自己的影響有關，以配合賽事主題：籃球對我們的啓發。想了又想，修飾太多有欠真誠，過於簡短又恐辭不達意，最後就決定簡單的我口講我心好了；想這段話沒有想多久，因為都是我自己的經歷和想法。想起當年征戰學界賽場，笑過、哭過、流過汗、受過傷；如今於職場奮鬥，回頭一看，驚覺已走了這麼遠的同時，亦深知籃球對我的影響，舉足輕重。換了跑道，轉了賽場，但那份鬥志和永不放棄的精神，同樣適用。
當水銀燈亮起，我就徐徐把話說出。朋友看罷都笑稱想起電影《食神》。不過，無論你覺得是神仙的化身也好、是地獄來的使者都好，我自己倒是邊說邊感動的；能夠打過學界，能夠愛上籃球，實在有多麼的幸福。把整段話以口語原文照錄：
「籃球對你嚟講係咩呀？」
「籃球對我嚟講，係一個人生導師。咁多年嚟，好多道理，都喺係籃球場學番嚟，一生受用；」
「可能有好多人會話，籃球同學業唔可以並存，但亦有人覺得，籃球場係一個喺課室以外嘅班房，喺呢度學到嘅嘢，唔會比喺課堂入面嘅少，而且唔淨止可以喺球場用得到；」
「咁多位參賽嘅同學，好希望大家可以喺今日呢個班房盡力學多啲嘢，繼而影響埋你人生中嘅其他範疇；」
「學界賽場係珍貴㗎，特別係精英賽。因為，你哋未來或者會有好多嘅可能性，你哋第時，可能會做職業球員？可能會打香港隊？但係學界，就只有呢六年；」
「又或者，就只有呢一刻。」
「你鍾唔鍾意籃球呀？」
「我係伍家謙。」
籃球，謝謝。
#JingYingBasketball
#當贏不讓
#NikeBasketballHK
