《玻璃心之夜 --- 你叫我呢啲公屋都冇得住嘅人情何以堪》
睇到新聞片段，見到警察出嚟話：你住公屋講乜撚嘢社會地位...
呢句野真係好難聽...
見到一班住公屋嘅朋友出嚟講佢哋有幾自豪，自己對社會有contribution，唔覺得住公屋有咩咁shameful…
睇到個差佬嘅呢一句，加上各位公屋友出來講proud of 住公屋，我真係好傷心，真係觸動到我嘅玻璃心...我心諗...how about me?
你地知唔知，最冇社會地位，唔係住公屋對社會有貢獻嘅基層，最冇社會地位，係我呢啲對社會有付出但由細到大都住唔到公屋嘅窮撚。對於我呢啲父母係勞動階層，但因為努力工作，人工啱啱突出申請公屋資格少少，要儲錢租屋嘅人，我地見到你地話自己有得住公屋幾咁proud,係幾鬱鬱寡歡。
我想問下黑警，你做得支力，你發侮氣，你覺得對社會有貢獻住得起政府宿舍，睇唔起住公屋嘅人。我呢啲公屋都住唔起嘅人，係你眼中係唔係粒塵？唔怪得佢覺得所有出嚟示威嘅民眾係曱甴，住得起公屋，佢都覺得談不上社會地位，我呢啲連公屋都冇得住，但又要努力工作，交稅俾人住公屋嘅人，究竟要如何自處？
作為係深水埗區長大嘅窮撚，仲要係冇得住公屋嘅窮撚 ，由細到大都覺得麗閣邨就係豪宅，對我嚟講 一個村擁有一個公園，已經係clubhouse嘅享受，我呢啲住唔起公屋嘅貧窮小朋友，覺得行過去麗閣邨，喺佢嘅公園玩盪鞦韆都有罪惡感，因為我覺得好似偷人啲玩樂設施咁，覺得自己唔係住喺嗰條村，又玩人哋個韆鞦。
一個人嘅社會地位，最應該講究嘅唔係佢嘅住所，而係佢對社會嘅貢獻。一個人係唔應該因為佢嘅住所住得簡陋感到自卑。最應該自卑嘅，係冇為社會付出，又拎社會嘅福利... 係呀，我講個位呀sir 呀，你呀。
有付出又冇得住公屋嘅香港窮人，喺阿sir眼中冇資格談論社會地位，但喺我眼中，阿sir對社會破壞，仲厚面皮拎社會福利，想同阿sir講：你拎緊嗰份，住緊訓緊個度，就係喺我哋呢啲窮人身上搶番嚟架。
最後我想同#又唔讀書，或者已經放低書包嘅阿sir 分享一篇古文：陋室銘
山不在高，有仙則名；水不在深，有龍則靈。斯是陋室，惟吾德馨。苔痕上階綠，草色入簾青；談笑有鴻儒，往來無白丁。可以調素琴，閱金經；無絲竹之亂耳，無案牘之勞形。南陽諸葛廬，西蜀子雲亭。孔子云：「何陋之有？」
四年前，我因為發現畀人抄文，寫咗知我是個無法買樓的人。四年之後發覺，無法買樓的人唔緊要，排唔到公屋唔緊要，對社會有貢獻俾政府否認唔緊要，最緊要係良心還在。
最後係，社會地位，又點會要一個 #又唔讀書 嘅阿sir 賦予畀你呢？
