Search
小茄的第一部單車🚲
疫情期間，長期留係屋企，啊茄正式變成小宅男😅😅，以前聽到去街，必定雙眼發光，依家竟然答我：捉返盤棋先啦，一陣先去街啦...
帶佢出街放電半個鐘，就話要返屋企再捉棋，喂老友，唔掂喎！
佢腦袋係發達..少少，但係體能方面，又真係...差少少....早幾個星期帶佢去大尾篤租架單車試踩啦，又話攰，冇興趣....喂，男仔唔識踩單車第時點追女仔呀？
尋日再氹吓佢，買架單車俾你好唔好啊？
揀咗架佢鍾意嘅綠色...果然架單車係自己嘅有歸屬感好多！原本諗住一野就唔要輔助轆，但係佢平衡力真係好mama day,為咗避免令佢再有挫敗感,糾結咗一輪決定保留等佢慢慢試吓踩，感受一下踩單車嘅樂趣先...
琴日由朝踩到晚，佢話踩單車好好玩,上斜落斜都好俾心機踩...雖然佢周不時都會檢查下個輔助轆😅，但我就同佢講,你踩下踩下,個輔助轆就會甩㗎啦...咁你就真正學識踩單車喇！
而家佢愛上左踩單車啦，仲叫我將Scooter送俾其他小朋友😂
👦🏻: mama,I love my bike 🏍 !💚
呢日終於來臨🥳
所有賓客到達場地時，已經見到一片大烏雲從遠方吹來，然後下起傾盆大雨，有部份親友被困，成件婚禮亦都延遲。
人生就係咁，無論你點計劃，始終有好多不能預料嘅困難同阻礙會發生，所以我從來唔特別奢望風平浪靜，正如雨過之後都有天晴，最重要係有你喺我身邊行每一步，一齊經歷、一齊笑、一齊喊、一齊成長。
------------------------------------------------------------
響呢度我要多謝好多人，有我幫襯既單位可供參考，亦要多謝義助既朋友，冇你哋幫我悉心安排，成個婚禮我根本唔可以咁闊佬懶理。
👫兄弟姊妹團
感激你地專登請假幫手出心又出力，又幫手娛賓，有你地呢班朋友，真係有今生無來世呀💪
🎤Wedding planner+MC：婚禮達人Tim Lau－Wedding MC＋Planner．大學婚禮講師．節目主持
雖然我成日唔覆message，同我講過既野轉頭又唔記得，婚禮當日萬幾樣變數，但你都處理得非常妥貼，而且跟得好足，令我100%放心，全程無顧慮享受過程，仲要生日正日都黎同我慶祝，請受小弟一拜🙏
📸婚禮攝影+拍攝：万華鏡像 : 萬華鏡像 万華鏡像 : 萬華鏡像Wonderwallvideographic Perfect Circle Photography
已經唔記得晚宴時有無漏左多謝你地，無既都講多次。睇住你地個個搭完飛機，孭住超重器材坐buggy上上落落，由朝踩到晚，真係超級感激。唔係客氣說話，出到黎既效果原來好大驚喜，我同Debbie都超鍾意你地既作品。
✈️航班：Bangkok Airways HK Cathay Pacific 國泰航空
多謝Vickie同Kasey分別幫我處理機票既事宜，特別有Vickie介紹蘇梅既景點過我，同埋Kasey每一次都二話不說幫忙，而且次次都超快手，非常唔話得。
亦感激各機組人員serve得班嘩鬼咁好！
🤵禮服：MODE by Eddie Tam
由我阿哥既婚禮，到自己婚紗攝影到big day我都離唔開你地，因為你地既禮服品質真係超好。尤其eddie哥耐心教導我擺pose，你睇下D相，我真係張張都有參考到架！
👰婚紗：Cocoon Bridal
多謝Winnie響咁緊急既schedule下幫我由0造起兩套褂，真係靚到暈！當初建議著褂時，我都有D猶豫，驚著起會好on居，點知原來套褂出到黎係可以型！Debbie套人魚婚紗都非常省鏡！多得Snow Suen 孫慧雪介紹咋！
💅🏻化妝師+翻譯員：Yuki Sensei + Vicky Primrose Garden Asia 日本鳥取森林與水之教堂．海外證婚儀式及婚紗拍攝
感謝vicky同Yuki老師專登搭飛機過黎幫忙，原本只係拜託你地化妝，最後竟然要你地兼職埋assistant，真係好唔好意思，你地臨時就地取材整既花球真係好靚！另外Yuki老師居然真係可以同一個人為Debbie轉到咁多個造型，真係佩服。麻煩vicky帶我翻譯返比yuki sensei知道，我地好滿意！
💇♂️髮型師：Calvin Yuk
我今次gel呢個頭希望無辜負你既手工，哈哈，我睇落ok既！
🏋♀健身教練：Chris Chau 蘇菲 PT pro
其中最重要既兩位健身教練，都知道你地本身都好忙，而我地長期霸佔你地咁多時間為我地操fit，真係唔知點報答你地。我同Debbie今朝起身睇番D相先驚覺，原來呢幾個月黎既成果真係好明顯吓。
💍戒指：I-Primo Hong Kong
臨急臨忙先預約你地，都仲趕起我隻戒指，最體貼既係第一次上黎，你地居然為我安排左罐可樂，果種體貼真係令人覺得好sweet。特別多謝老朋友Karen Mak同我跟住成個過程！
香港勝在有好記者，但可惜有更多壞老板。
【七·一遊行 － 新聞記者篇】
「6·12」商台記者被警察講句「＃記你老母」一役，警察和記者關係勢成水火，警務處長開記者會當日，不少採訪記者帶證、穿反光衣和戴頭盔工作以示抗議，諷刺警察對待記者如示威者般對立。
昨日斷腳未能走動，但無停過網上fact check、通報資訊、睇四台新聞直播（蘋果、港台、Now和Cable）和寫文，由攻入立法會至凌晨清場，全程無刪剪地直播（至少無睇大台）。凌晨四時收到alert話特首在警察總部見記者（太累兼知道大概講甚麼，一看完立即睡覺），不在禮賓府而在警察總部已經奇怪（其實有撐警隊兼支持以後再有類似事件，必定清場，穿藍色衫亦有撐警隊之意），仲要係凌晨4點完全貫徹政府作風 － 凌晨出新聞稿回應。她除了譴責衝擊立法會大樓的示威者、投擲不明液體，回答大部分問題都只是重複又重複講稿及慶回歸酒會時的演辭，亦完全無提及3位因反對逃犯條例修訂（＃反送中）而離世的人士，一句慰問說話都沒有。
記者提問了5條問題，她一條都沒有回答。
1. 青年視死如歸佔領立法會，自己有無責任？
2. 3個年輕人自殺，有無聽到年輕人聲音？
3. 是否對得起3名自殺人士的家屬？
4. 經常說過天堂給你留了一個位，現在是否仍覺得天堂有個位，會不會落地獄？
5. 3名年輕人死亡，政府是否視若無睹？
保安局局長李家超話示威者違反好嚴重的法例，有人亂闖立法會已經犯了法，近幾天見到有一部份人有暴力傾向（?），現場有人投擲不明液體。
警務處處長盧偉聰話情況實在令人髮指，警方全面調查，全面跟進，現場有人投擲不明液體，一批暴徒遠遠超越和平示威的低線，相信好多市民已經非常失望。
（三人的重點原來係投擲不明液體，對他們而言三位年輕人的死係無感覺的）
引述 傑出關公災難 分析，為何政府選擇凌晨四時開記招，說出重點係玩緊公關手段。他指出:
1. 答中文記者問題，只簡短回答，而且似乎刻意製造sound bites
2. 答英文記者問題，回答詳盡，而且似係有備而來
估計目的：
1. Spin開件事，希望大部分香港人早上起身打開電視/上網睇新聞時見到衝擊破壞影像，就予以譴責。
2. 香港凌晨4時，即係美國紐約時間下午4點和英國晚上9時，想搶佔歐美國家輿論陣地。
似乎政府的公關策略是成功的，因此民間的文宣組必須盡快行動。
https://www.facebook.com/1678608719047846/posts/2349836235258421/
難為了一班新聞記者（尤其是由朝踩到晚兼食了胡椒噴霧的前線記者），企成個鐘就要聽他們廢話。而且清場期間，他們用專業和身體保護了大家，令示威者成功撤退，最後警方圍的係一班記者。
感謝和感激所有在戰線堅持報導實況的新聞記者，我更覺得他們的專業，絕對值得尊重和得到更好的薪酬去令他們繼續工作。
延伸閱讀:
一名在立法會現場採訪的記者所記錄的事實真相
- 分享自 LIHKG 討論區
https://lih.kg/1275971
（破例share ,留意影片）Stand News 立場新聞 －【佔領立法會】堅持「一齊走」 數十示威者冒清場死線 重返會議廳勸離留守者
http://bit.ly/2FMGKSn
香港蘋果日報 －【採訪手記】示威者頭盔眼罩護記者
// 有人在我頭上戴了一頂頭盔，然後把眼罩遞給我說：「戴住佢啦記者，呢度好危險啊！」又有人補了一句：「有記者證冇用㗎，記你老母啊！」那刻，心裏已很感動也很傷感。//
http://bit.ly/2Xrn3dT
（圖來源: 網上，保護記者，所以遮樣）
HKPPA 香港攝影記者協會 Hong Kong Press Photographers Association
香港記者協會 Hong Kong Journalists Association
新聞人事全面睇
＃七一遊行 ＃不撤不散 ＃AntiELAB
＃NoExtraditiontoChina
