是日抗疫湯水 — 紅菜頭羅宋湯
喺三個小朋友好細個，啱啱開始可以進食固體食物嘅時候，我就經常買紅菜頭，磨爛加入粥仔度。煲蕃茄薯仔羅宋湯，加入紅菜頭，顏色特別靚，營養更豐富。
紅菜頭除咗含有豐富纖維，仲有維他命A，鉀，鎂，磷，同埋其他微量營養素。不過水溶性維他命，例如葉酸同維他命C，會因加熱而流失，所以唔計。
而紅菜頭獨特嘅鮮紅色，屬好強抗氧化天然色素甜菜苷 betanin，具強效抗氧化和抗炎的作用。
另外，有啲人食完甜菜頭會有紅色尿，原來有可能係缺鐵性貧血嘅其中一個先兆。因為身體唔夠鐵質，製造唔到紅血球，帶走甜菜頭嘅紅色色素，所以先會經由尿排走。有研究發現，超過六成缺鐵性貧血嘅人，食完甜菜頭都會有紅色尿 （1）。另外，胃酸或消化酵素不足，進食甜菜頭後亦有機會出現紅色尿。
今次呢個湯加咗牛尾，除咗因為牛尾煲湯特別入味，同埋屋企人好鍾意食，亦都因為牛尾嘅脂肪有助脂溶性維他命嘅吸收。不過記得飲之前要用隔油勺去油，因為真係勁肥勁多油。
1. CORRESPONDENCE| VOLUME 354, ISSUE 9183, P1032, SEPTEMBER 18, 1999
#全民抗疫
#紅菜頭營養 #抗氧化 #抗炎
#身體健康最重要
#一個都不能少 #由上年六月講到宜家
#香港人加油
#營養師 #nutritionist #AnnieLee
由上年六月講到宜家 在 IKEA 宜家家居- 【~IKEA九龍灣分店限定7周年驚喜優惠~】... 的美食出口停車場
4 天前 — 今個六月，一家大細嚟IKEA九龍灣分店，生日驚喜優惠已經為你準備好~ 數量有限，售完即止！ 1.今個六月嚟IKEA九龍灣分店，上Facebook打卡即獲乳酪雪糕一杯 ... ... <看更多>