所以，當你每次聽到 LiSA嘅《炎》，都請你繼續振作吧。
有《#鬼滅之刃》陪住過埋個2020年，係幸福嘅。
漫畫版嘅驚喜，TV版嘅磅礴，再一口氣睇埋劇場版，果然冇失望，係意料之內嘅滿足。
被炭治郎嘅溫暖內心溶化之餘，聽到片尾LiSA嘅歌聲，更有莫名嘅安心感。
唔係《#紅蓮華》嗰種霸氣衝衝衝，劇場版主題曲《#炎》（#ほむら・#homura）寫嘅係 #炎柱 #煉獄杏壽郎，好似太陽咁照耀所有生命，熾熱得嚟又好溫柔嘅生存之道，果然係大哥典範。副歌結尾寫到：
「夢が一つ叶うたび 僕は君を想うだろう」
（#每實現一個夢想都會憶起你吧）
「強くなりたいと願い泣いた 決意を餞に」
（#哭著許過願要變得更強 #用決心作餞別）
睇劇場版，我哋響戲院同主角們一齊經歷種種生離死別，
電影結尾，主角們各自得到佢哋嘅覺悟；到主題曲響起，就輪到我哋來整頓心情，深呼吸過後，同主角們一齊昂首再出發。聽完，又好似真係多咗幾分力氣，咬實牙關，撐埋個2020年佢。呢首歌，寫嘅唔單止係炎柱，聲些覺得，仲係LiSA嘅寫照。LiSA一直有寫blog習慣，blog名叫「#今天也是好日子」（#今日もいい日だっ），呢句，亦係佢嘅座右銘ーーLiSA出道以來都捱咗好一段日子。當初被要求唱動畫歌時，都懷疑過自己係咪適合，浮浮沉沉好一段時間，偶爾都會感到失意。好彩得前輩點醒，人生不如意事十常八九，所以有好事就已經值得欣喜。儘管一天有99%唔開心，只要有1%開心事，都算係好日子。LiSA嘅每篇blog文，都會以「今天也是好日子」作終結。咬緊牙關逆境中開天闢地，並非炭治郎佢哋嘅專利，其實我哋，又何嘗唔係？
電影票房強勁，主題曲燒得更旺，Single《炎》於10月14日推出，除收錄《#鬼滅之刃劇場版無限列車篇》主題曲外，並收錄TV版片尾曲《from the edge》；同日更推出LiSA闊別3年5個月嘅大碟《LEO-NiNE》，當中收錄《鬼滅之刃》TV版主題曲《紅蓮華》外，仲有現正播放中嘅日劇《#13》嘅主題曲《#愛錠》等13首歌曲。唔駛講，兩隻碟都係一出就獨佔 #ORICON 第一位啦，女歌手嚟講，可以同時拎雙冠軍，就係歌后宇多田光啦。LiSA嘅好日子，佢終於等到。
今年於紅白演出已確定LiSA繼續有着落，12月12日佢仲會舉行首次收費線上演唱會「ONLiNE LEO-NiNE」。有LiSA暖笠笠嘅歌聲陪住過除夕，世事再理不盡，都仲有呢下感動，值得期待。
#LiSA都係溫暖嘅大姐姐
#好似太陽咁溫暖
#MV靚到冇得輸
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysensei #フォロー宜しく🙋🏻♀️
🔵 Facebook：http://www.facebook.com/peggysensei/
🟤 Instagram：http://www.youtube.com/peggysensei/
🔴 Youtube：http://www.youtube.com/peggysensei/
🟠 MeWe：https://mewe.com/p/peggysenseijapaneselanguageinstitute
➖➖➖➖➖➖➖➖
用決心作餞別 在 王可樂日語- Beiträge - Facebook 的美食出口停車場
「～をものともせずに」的意思及用法「～をものともせずに」相當於「～を気にしないで」，用來表示「即使有困難或不容易，也堅持要做某件事」，是個用來表示「決心」的用法 ... ... <看更多>