長文慎入‼️
琴晚終於播出咗我喺《生存演技派》進入深造班嘅內容。
我係一個好感性、好重視家庭嘅人，由細到大為咗討好父母，不惜放棄所有自己嘅玩樂時間一放學就返舖頭幫手，但總係覺得永遠得唔到媽媽嘅認同。媽媽曾經有意無意講過:「我本生無諗住生你，你係一個意外。」
其實我很在意的，但一直沒說出口。
有些觀眾說，有時未必係後生的做錯，點解要佢哋道歉？
坦白講，上一代嘅思想、教育同我哋截然不同，要去改變/糾正佢哋，係好難嘅事，再加上，好多時長輩嘅無心之談，在意嘅係我哋自己，既然係咁，點解我哋唔願意主動踏出一步，將諗法拎出嚟講，話俾對方知自己嘅感受？講出嚟一刻，你會發現，其實你已經釋懷，因為你最想的，不是表達憤怒/悲傷，而係得到對方嘅重視同愛。 說到底，都係在意彼此的人，何必執著於誰對誰錯？
最後，要再次多謝兩位導師:
蝦頭 @yeunghatou
喺深造班時，蝦頭講過一句: 「你有做演員嘅潛質。 」其實我聽完開心到飛起，平時嘅我總係笑臉迎人，但其實我內心經常會無自信，唔知其他人鍾唔鍾意自己嘅作品同演技。 蝦頭係一個我十分鍾意、覺得佢十分好嘅演員，每次嘅小劇場都見識到佢一秒投入嘅神技，今次仲可以透過節目同蝦頭一齊演戲，真係我嘅榮幸。
仲有火火 @playfire ，火火俾我感覺好親切，可能因為個名同我爸爸一樣🙈所以我成日都叫佢做Daddy，激到佢扎扎跳🤣 火火總係可以好輕易咁帶我哋投入、用好舒服嘅方式教我哋去諗、去表達。我無諗過可以由睇造星1 見到火火去帶領學員代入情景，到有一日我有機會親身被教。
多謝 @viutv
多謝仍然有電視台做好多創新、香港未有過嘅節目。
一個電視節目，時間有限，未必可以將所有經歷都呈現曬俾大家睇，令觀眾完全理解明白，但作為其中一個參與者，我慶幸我有成為其中一個拍攝參與者。
最後，要講多次:
@mayying1221
媽咪，我愛妳。
#viutv #生存演技派 #新節目
#深造班 #成長 #願意放下的人最快樂
生存演技派 在 【ViuTV全新節目《生存演技派》（暫名）招募學員 ... - Facebook 的美食出口停車場
ViuTV全新節目《生存演技派》（暫名）招募學員！一齊演技大爆發！ 】 立即報名：https://event.viu.tv/actingforlife/ 新年三姑六婆問你最近點，唔夠演技，咁就GG… ... <看更多>