今次是一個反面教材.
話說，我昨天去做身體檢查，因為要空腹8小時，而他們早上FULL 了, 只有約中午12時, 等我做完檢查，已經有10幾個小時沒有進食。
我平時習慣一起身就要食豐富早餐, 今次驗完血又好多個鐘空腹, 已經餓到暈暈哋. 十分肚餓下，走到灣仔區食肆，見到一間標榜瑞士雞翼的茶餐廳，於是慕名而上。
坐低見到招牌菜色是瑞士汁，當然想試，於是叫了一個瑞士汁炒牛河。待見到實物，心中滴汗，提醒自己千祈唔好去想呢碟瑞士汁炒牛河有多少匙油，有幾多卡路里，做完食完要做返幾多運動等等……
印象中我已經 X 咁多年無食過炒牛河, 明知肥到爆, 平時意志力好少少嘅時侯諗都唔會去諗.
呢件事情提醒我，千祈唔好喺最肚餓的時候周圍搵嘢食，亦都唔好俾自己好肚餓先去搵嘢食，咁樣真係好易出事。
#我食完幾乎想行路過海返屋企
#瑞士汁炒牛河真係十萬個邪惡
#營養師先係最為食
#營養師 #Nutritionist #AnnieLee
